1 Corintios 10:11 - Dios Iwene

¹¹ Jau chömöledö, ja̧ jobadönö baledinama, ju'wedönö wanedö i̧sekwa baibanö baledinobe, ja̧danö ökwödö 'dö̧ibaji̧ möle ju̧kwadönö ba̧ja̧dakwawa baibanö tjiwȩyudinobe chömöledö.

1 Corintios 10:11 Iomraidhean Croise

Génesis 19:35

Jo̧kwaobetjö̧, ja̧ yö̧tebi tjabe'donö iyijadötö ubasobu o̧'do̧bu owobö 'dukwachobö. 'Dukwachena itjiju bajaliya luwujuma jabe'dokwö ji̧jotö. Lotma yemidanö itjiju sulabenö ja̧ji̧ma wajwibijetö, 'dukwachobetjö̧.

Mateo 13:39

ja̧danö sula'wosa'ye ikwö juno̧nö badekwachi̧ma, Awetjanö badekwachobe. Ja̧danö, batjonö wa̧ji̧ emö tjotidi̧ badekwachi̧ma, 'dö̧ibaji̧ möle jawa badekwachobe, ja̧danö batjonö wa̧ji̧ emö otidadönö badekwachi̧ma, ángelesdönö badekwachobe.

Mateo 13:40

Jau chömöledö, sula'wo ko̧ko̧dibö ökwölanö tjujuwi̧danö, 'dö̧ibaji̧ möle

Romanos 13:11

Ju'wibi yötawaduwakwö chömöledö. Kwöwaisaduwa, Dios ökwödönö dö̧jibinö ja̧akwa̧ möle ökwödönö böjȩtjö emakwa̧ mölema ida̧ökö yöneawachiba, jo̧kwajabetjö̧ ökwödönö yötawaja̧danö ja̧bö kwö̧jaduwo. Jau chömöledö, ajayi Jesúsnö dösödenama, ja'yubenö lekwijatö, ökwödönö iteda i̧tji̧munö emakwa̧ mölema, jo̧kwaijayonö ida̧ökö yöneawachiba dö̧jibakwa̧ mölema. Ja̧danö, wanedö yötawa chömöledö: Wilubaduwi,

Romanos 13:12

yö̧te böjȩnö dö̧ji̧ma juluwanö 'dö̧iba, dewachakwa̧ Dios ökwödönö emakwa̧ma yöneawachiba ida̧ökö. Jo̧kwajabetjö̧, yö̧te jawa kabatibö lodaduwo, yȩa'wo okwa jojodö ja̧tji̧ jawa, Dios öpöjödi̧ jawama. Ja̧danö, wanedö yötawa: Mölesado̧da 'dudawaduwo chömöledö, Dios ösödi̧ jawama. Ja̧ma tjöekwado̧danö ji̧, döpöjojo ökwödökwö ölakwabikwawobetjö̧.

Romanos 15:4

Jau chömöledö, Dios iwene damötjö tjiwȩyudina jawama, ökwödö döwaisachibobö tjiwȩyudinobe. Ja̧danö, tjiwȩyudina döwaisachenama, dujuluwachibanö döwaisachibena, ja̧danö juluwanö me'dawachibökönö, Diosnö do̧'wo̧ wana̧lö dö̧jena, Isabenö Dios jö̧a̧li̧danö baledakobe, jö̧ba̧lö.

Romanos 4:23

Ja̧ Dios iwene laebi̧ma, Dios jö̧a̧lina, Chedemi bitema suli̧ jwibo̧, jö̧ba̧lö, laebi̧ma, sule Abrahamda omukwatobö laebokobe. Ökwödö bajaliya jojodöbi domukwatobö laebobe chömöledö. Ja̧danö, ökwödöbi Dios yöawi̧, Duluwo̧ Jesúsnö woawatjö yemidanö tjeachajinö ja̧bina yöawi̧ dösöditjö̧ma, ökwödönöbi yöawakwo̧ Diosma, Chedemi bidöma suli̧ jwibadö, jö̧ba̧lö.

1 Corintios 10:6

Chömöledö, jobadönö baledinama, ökwödönö wanedö i̧sekwa baibanö baledinobe, ökwödö jobadö sulabe jawa tjösödinadanö ökwödöbi dösödapji jö̧ba̧lö,

1 Corintios 7:29

Jau chömöledö, ja̧ yötawaja̧ma baikwö labebö lobö yötawa: Ökwödö böjȩnö dö̧ji̧ma juluwanö 'dö̧ibakobe. Ja̧danö, böjȩnö dö̧ji̧ juluwanö 'dö̧ibakobetjö̧, jwaikwöda böjȩnö dö̧ji̧ jawada omukwatö dö̧joko chömöledö, tupakwö dö̧jakwa̧ omukwatö dö̧jo. Ja̧danö, ömadö tji̧lȩkwa̧munö juna̧ladöma, tji̧lȩkwa̧mu debadödanö ichejekwö jwaikwöda Dios wei̧ ja̧bö tjö̧jo.

1 Corintios 9:10

Ökwödönö omukwatö jejenö weinobe chömöledö. Jau chömöledö, batjo sobö chawidö otido̧ma, tupakwö wa̧jakwa̧ ukwotö jö̧ba̧lö otido̧. Ja̧danö, batjo jawa wa̧ji̧ 'döbö otido̧ma, otidaja̧tjö ukwotö jö̧ba̧lö otido̧.

Gálatas 4:24

Baikwö wanedö yötawa: Jobadö ya̧dö du̧ju̧tajama, Dios yöbawö ujunina wene dötölataja jawatjö tjöbadekwachobe. Jobadötjö Agar mikwujuma, Dios Sinaí mö'ösa'otjö webö ujunina wene badekwachuju. Jau chömöledö, Agar ji̧tji̧mubi tjömöayedö batjibanö jeminobetjö̧, Arabia nijitjö Sinaí mikwa'otjö Moisés iwȩyudina wene badekwachuju Agarma. Ja̧danö, jelobebi Agarnö badekwachobe, böjȩtjö Jerusalén comunidadbi jobujunö badekwachobe, Jerusalénnö ju̧kwadöma Moisés iwȩyudina ömöayedödanö tjuju̧kwobetjö̧.

Filipenses 4:5

Duluwo̧ma ökwödökwö yöne ö̧jobe chömöledö, jo̧kwajabetjö̧ okobe deinö jojodönö dösölö̧jinö ja̧bö kwö̧jaduwo.

Hebreos 10:25

Ja̧danö, ökwödö Cristonö ösödadöma jo̧banö ösödö doko̧ko̧kwa̧lobö jo̧be chömöledö. Jejenö ko̧ko̧kwa̧lö dö̧ji̧ma kadatiboko. Ökwödötjö ju'wedöma tjo̧wi̧, katjatibinobe bakobe ökwödökwö ko̧ko̧kwa̧lökönö. Jejenö ko̧ko̧kwa̧lö dö̧ji̧ma kadatiboko. Ja̧danö, ko̧ko̧kwa̧lö ökwödöda yöbawö pjadatakwawobö jo̧be, Duluwo̧ Jesús yemidanö ichakwa̧ möle, ja̧danö Dios lȩebi̧ yöawakwa̧ mölema tjo̧wi̧ jwiinö lekwokobetjö̧.

Hebreos 10:37

Chömöledö, baikwö laebobe Dios iwenetjö, Dios yöawina: Lekwökö baledena ichakwo̧ma ichakobe. Isabenö, te'ada̧lökönö ichakobe.

1 Juan 2:18

Chö̧ja̧wo̧dö chösödawö̧, chi̧tji̧mu ötabiwö̧ ökwödönö yötawa. Ida̧ökö 'dö̧ibaji̧ möle baiba. Ja̧danö, belö ja̧ möle yötjawi̧ kwa̧ja̧kwinaduwobe, 'dö̧jibaji̧ möle baibena jojo, Cristo öpöjojo ötjabökwema ichakobe, jö̧ba̧lö. Chö̧ja̧wo̧dö yötawaduwakwö. Ida̧ökö, ba̧jekwadö Cristo öpöjojodöma tjö̧jobe. Jobadönö edö döwaisa, Ida̧ökö 'dö̧jibaji̧ möle baiba, jö̧ba̧lö.