Zakkaariyaasa 9:7 - Wolaytta Bible

⁷ Taani suuttaa eta doonaappe, tunabaakka eta achchaappe diggana. Etappe attidaageeti nu Xoossaa asa gidana. Qassi Yihudaa yara mala gidana. Eqiroona asai Yaabuusa asaadan, ta asa gidana.

Zakkaariyaasa 9:7 Iomraidhean Croise

Hanidabaa Odiya Koiro Maxaafaa 1:14

qassi Kanaanee Yaabuusata, Amooreta, Gerggeeseta,

Hanidabaa Odiya Koiro Maxaafaa 21:15

Hegaappe guyyiyan, Xoossai Yerusalaame bashshanau kiitanchchaa kiittiis. SHin kiitanchchai Yerusalaame bashshanau mati uttidaashin, GODAI be7idi azzaniis. Azzanidi bashshiya kiitanchchaa, “Agga! Hegee gidana!” yaagiis. He wode GODAA kiitanchchai Yaabuusiyaa Ornna audiyaa matan eqqiis.

Mazamure Maxaafaa 3:7

Abeet GODAU, dendda! Abeet ta Xoossau, tana ashsha! Aissi giikko, neeni ta morkketa ubbaa goggocuwaa shocadasa; iitatu achchaakka menttadasa.

Mazamure Maxaafaa 58:6

Abeet Xoossau, eta achchaa eta gappata giddon mentta; abeet GODAU, gaammotu kasilaa xukka.

Isiyaasa 65:4

Qassi eti duufo giddon uttiyaageeta; geema sohuwan qammaa aqiyaageeta. Gudunttaa ashuwaa miyaageeta; eta xaaruwan tuna ashuwaa cambbai de7iyoogeeta.

Ermmaasa 48:47

“Gidikkonne, wurssetta wodetun taani Moo7aaba asaassi zaarada sa7aa ishalissana. Taani GODAI hagaa odais” yaagees. Moo7aaba bolli odettida hiraagai hagan wuriis.

Ermmaasa 49:39

“Gidikkonne, wurssetta wodetun taani Elaama asaa zaarada ishalissana. Taani GODAI hagaa odais” yaagees.

Ermmaasa 49:6

“Gidikkonne, wurssetta wodetun taani Amoona asaassi zaarada ishalissana. Taani GODAI hagaa odais” yaagees.

Amoxa 3:12

GODAI hagaadan yaagees; “Henttanchchai gaammuwaa doonaappe dorssaa wotti ekkiyo wode, dorssaayyo naa77u gedeta woikko duuxa haittaa wotti ekkiyoogaadan, hegaadankka Samaariyaa biittan ishaluwan uttida Israa7eela asaappe amaridaageetu xalaalai attana” yaagees.

Zakkaariyaasa 8:23

“Ubbaappe Wolqqaama GODAI hagaadan yaagees; 'He gallassatun dumma dumma qaalan haasayiya kawotettatu ubbaappe tammu asati yiidi, issi Aihuda bitaniyaa maayuwaa macaraa oiqqidi, “Xoossai inttenaara de7iyoogaa nuuni siyido gishshau, ane nuunikka nenaara boos” yaagana' yaagees” yaagiiddi yiis.

Zakkaariyaasa 9:6

Ashddooda kataman walaha asai de7ana. GODAI hagaadan yaagees; “Pilisxxeematu otoruwaakka taani wurssana.

Zakkaariyaasa 9:8

Hegaappe guyyiyan, olanchchati kanttennaadan, taani ta Beeta Maqidasiyaa naagana. Taani ta huuphen naagiyo gishshau, naa77antto ooninne ta asaa huqqunnenna” yaagees.

Galaatiyaa 3:28

Hegaa gishshau, Aihuda asaa giddooninne Giriike asaa giddon dummatetti baawa; aille woi goqa giddon dummatetti baawa; attumaasa woi maccaasa giddon dummatetti baawa. Aissi giikko, intte ubbaikka Kiristtoos Yesuusan issi asa.