Zakkaariyaasa 9:2 - Wolaytta Bible

² Qassi he pirddai Hadiraakaara zawatiya Hamaata katamaa bollikka gakkana; eti aadhdhida eranchcha gidikkonne, Xiiroosanne Sidoona katamatakka ha pirddai gakkana.

Zakkaariyaasa 9:2 Iomraidhean Croise

Kawotu Maxaafaa Koiruwaa 17:9

“Ha sohuwaappe denddada, Sidoona matan de7iya Siraafiti ba; baada yan de7ashsha. Issi am77e maccaasiyaa nena qumaa mizanaadan taani azazaas” yaagiis.

Kawotu Maxaafaa Naa77anttuwaa 23:33

Yo7akaazi Yerusalaamen kawotennaadan Gibxxe Kawoi Nakoi Hamaata giyo biittan Ribila giyoosan a qachchiis. Qachchidi heezzu sha7anne oiddu xeetu kilo giraame deexxiya xaqara biraanne hasttamanne oiddu kilo giraame deexxiya worqqaa Yihudaa asaa giirissiis.

Kawotu Maxaafaa Naa77anttuwaa 25:21

Yan Ribila kataman, Hamaata biittan Baabiloone kawoi eta ubbaa worissiis. Hegaadan hanidi, Yihudaa asai ba biittaappe omoodetti denddidi biis.

Ermmaasa 25:22

Xiiroosa kawota ubbaa, Sidoona kawota ubbaanne Meediteraane Abbaappe hefintta gaxan de7iya biittaa kawotakka ushshaas.

Ermmaasa 47:4

Pilisxxeema asaa xaissanaunne Xiiroosanne Sidoona maaddanau attidaageeta biittaappe xaissanau wodee gakkiis. GODAI Pilisxxeema asata, hegeetikka Meediteraane Abbaa xanxxan attida Kafttoore zareta xaissana hanees.

Ermmaasa 49:23

Damasqqo xeelliyaagan GODAI hagaadan yaagees; “Iita oduwaa siyido gishshau, Hamaatanne Arifaada katamatun de7iya asai yeellatiisinne yayyiis. Beetai shociyo abbaadan, eta wozanai shemppuwaa demmanau danddayibeenna.

Hizqqeela 27:1

GODAA qaalai taakko hagaadan yaagiiddi yiis;

Hizqqeela 28:1

GODAA qaalai taakko hagaadan yaagiiddi yiis;

Hizqqeela 28:12

“Laa asa na7au, Xiiroosa kawuwaassi hagaadan yaagada zilaala; 'Ubbaa Haariya GODAI hagaadan yaagees; “Neeni kase aadhdhida eran kumidaagaa; neeni asi leemisidi odiyo aadhdhida puulanchcha gidadasa.

Hizqqeela 47:16

Hegaappe qassi Berootanne (Damasqqoppenne Hamaatappe giddo zawan de7iya) Sibraima katamata kanttidi, Hauraana zawan de7iya Tiikona katamaa gakkees.

Amoxa 1:3

GODAI hagaadan yaagees; “Damasqqo asai zaari zaaridi oottido nagaraa gishshau, taani eta qaxxayennan aggikke. Aissi giikko, eti Gala7aade biittaa asaa birata achchaara de7iya gaariyan yettidi qoxxidosona.

Amoxa 6:14

GODAI, Ubbaappe Wolqqaama Xoossai hagaadan yaagees; “Inttenoo, Israa7eela asatoo, taani intte bolli issi kawotettaa denttana; denttin eti inttena Hamaata Pinuwaappe doommidi, Araba Wombbaa gakkanaassi tuggayana” yaagees.

Abddiyyu 1:20

Omoodettidi de7ida Israa7eela asai simmidi, Kanaane biittaa Siraafita giyo katamaa gakkanaashin laattana; qassi Yerusalaameppe omoodettidi, Safaraada giyo sohuwan de7iya asati Neegeeba Bazzuwan de7iya katamata laattana.

Qoodaabaa 13:21

Yaagin eti pude kiyidi, Xiina giyo bazzuwaappe doommidi, biidi Hamaata Pinuwaa matan de7iya Rahooba gakkanaassi he biittaa wochchidosona.