Zakkaariyaasa 9:13 - Wolaytta Bible

¹³ Aissi giikko, taani Yihudaa wonddafedan, Israa7eelakka zubbedan go7ettana. Xiyoonee, taani ne naata Giriike biittaa naatu bolli denttana; nenakka wolqqaama olanchchaa bisuwaa mala oottana” yaagees.

Zakkaariyaasa 9:13 Iomraidhean Croise

Mazamure Maxaafaa 144:1

GODAI, ta wogga zaallai galatetto! I ta kushiyaa olau, ta biradhdhetakka toorau loohissees.

Mazamure Maxaafaa 149:6

Eta doonan Xoossaa galatai, eta kushiyankka naa77u bagga qara bisoi de7o.

Mazamure Maxaafaa 45:3

Wolqqaama kawuwau, ne bisuwaa ne xeessan gixxa; bonchchoinne gitatettai nebaa.

Isiyaasa 49:2

Ta inxxarssaa qara bisuwaadan oottiis; ba kushiyaa kuwan tana genttiis; i tana poshshido zubbe oottiis; yaatidi ba shoohuwaa giddon tana yeggidi qottiis.

Ermmaasa 51:20

GODAI hagaadan yaagees; “Baabiloonee, neeni ta dijinonne ta ola miishsha. Nenan go7ettada taani biittata mentterettaas; kawotettatakka xaissaas.

Ermmaasa Zilaassaa 4:2

Kase bonchchettida worqqa lagge gidida Xiyoone naati ha77i kushe hiillai urqqaappe medhdhido miishshaa mala gididosona.

Amoxa 2:11

“Intte attuma naatu giddoppe hananabaa yootiyaageeta, intte yelaga asaa giddoppekka banttana GODAASSI dummayida Naaziraaweta denttaas. Inttenoo, Israa7eela asatoo, hagee tuma gidennee? Hagaa taani GODAI odaas.

Abddiyyu 1:21

Ashshiyaageeti Eesawa asaa haaranau Xiyoone Deriyaa bolli kiyana; kawotettaikka GODAABAA gidana.

Zakkaariyaasa 1:21

Bessin taani, “Hageeti ai oottanau yiidonaa?” yaagada oichchaas. Oichchin i zaaridi, “Hageeti ooninne xoqqu giidi xeellennaadan, Yihudaa biittaa laalida kaceta yashissanau yiidosona; qassi Yihudaa biittaa laalanau bantta kaciyaa denttida Aihuda gidenna kawotettatu kaciyaa qoxxidi, sa7an yegganau yiidosona” yaagiis.

Efisoona 6:17

Ammanuwaa huuphiyan wottiyo birata qophedan wottite; qassi Geeshsha Ayyaanaa bisuwaa, Xoossaa qaalaa, oiqqite.

Naa77antto Ximootiyoosa 4:7

Taani lo77o baaxiyaa baaxetaas; ta wottaanne woxxada wurssaas; ammanuwaakka naagaas.

Ibraawe 4:12

Aissi giikko, Xoossaa qaalai paxa de7eesinne oottees; naa77u zoozee de7iyo bisuwaappekka aadhdhidi qarattees. He qaalai shemppoinne ayyaanai, kureenne kolzzee issippe gaittiyoosaa shaakkana gakkanaassi caddees. Qassi asa wozanan de7iya koshshaanne qofaa i shaakkees.

Ajjuutaa 1:16

I ba ushachcha kushiyan laappun xoolintteta oiqqiis. A doonaappe naa77u baggaara qarattida bisoi kiyiis. A som77oikka wolqqappe poo7iya awa aifiyaa milatees.

Ajjuutaa 17:14

Eti Dorssaara olettana; shin dorssainne dorssaara de7iyaageeti, i xeegidoogeetinne dooridoogeeti, a kaalliya ammanettidaageeti, he kawota xoonana; aissi giikko, i godatu Godaanne kawotu Kawuwaa” yaagiis.

Ajjuutaa 19:15

Asa zareta i dechchana qara bisoi a doonaappe kiyees. Birata dullan asaa i haarana. Ubbaappe Wolqqaama Xoossaa hanqquwaa eessai buulettiyoosan woine aifiyaa i gum77ana.

Ajjuutaa 19:21

Eta wotaaddarati paraa toggidaagaa doonaappe kiyiya bisuwan haiqqidosona. Kafo ubbati eta ashuwaappe banttau danddayido keenaa miidosona.

Ajjuutaa 2:12

“PHerggaamoonan de7iya woosa keettaa kiitanchchaayyo hagaadan yaagada xaafa; ‘Naa77u baggaara qarattida bisoi de7iyoogee hagaadan yaagees.