Zakkaariyaasa 9:10 - Wolaytta Bible

¹⁰ GODAI hagaadan yaagees; “Taani paraa gaareta Israa7eelappe, olaa paratakka Yerusalaameppe xaissana; olaa wonddafeekka meqerettana. Qassi ne kawoi kawotettatussi saruwaa awaajjana; i ha abbaa gaxaappe hini abbaa gaxaa gakkanaashiininne Efiraaxiisa SHaafaappe sa7aa gaxaa gakkanaashin haarana” yaagees.

Zakkaariyaasa 9:10 Iomraidhean Croise

Kawotu Maxaafaa Koiruwaa 4:21

Solomoni Efiraaxiisa SHaafaappe doommidi Pilisxxeema biittaa gakkanaashin, hegaappekka Gibxxe zawaa gakkanaashin de7iya kawotettata ubbaa haariis. He biittaa asati au giiraa giiridosona; eti a de7o laitta ubban ayyo haarettidosona.

Mazamure Maxaafaa 72:17

Kawuwaa sunttai merinau de7o; awai de7ido keesa ubban xeegettiiddi, gam77o. Asai ubbai a baggaara anjjettana; kawotettati ubbai a, “Ufaitta” yaagidi anjjana.

Mazamure Maxaafaa 72:3

Dereti sarotettaa aifiyaa, keratikka xillotettaa aifiyaa ne asaayyo aifona.

Mazamure Maxaafaa 85:8

Taani GODAI Xoossai yootiyoobaa siyais. Nuuni nu eeyya ogiyaa guyye baana xayikko, i nuuyyo, ba asaayyo, “Sarotettaa immana” giidi yootees.

Mazamure Maxaafaa 89:26

Daawiti tana, 'Neeni ta aawaa, ta Xoossaanne tana ashshiya zaallaa' yaagidi xeesana.

Isiyaasa 11:10

He gallassi Isseya zaree asaayyo malaata gididi eqqana; eqqin kawotetta ubbai a koyana; i de7iyo sohoikka bonchchettana.

Isiyaasa 2:4

Kawotettatuppenne kawotettatuppe gidduwan i pirddananne daro asatu palamaa shaakkana. Eti bantta bisuwaa marasha, bantta tooraakka baaca kessanau qoxxana. Kawotettai kawotettaa bolli bisuwaa denttenna. Hegaappe guyyiyan eti mulekka olaa timirttiyaa tamaarokkona.

Isiyaasa 49:6

“Neeni Yaaqooba zariyaa denttanaunne Israa7eelappe attidaageeta zaarada ehaanau, neeni taayyo ashkkara gidiyoogee qii guuttabaa. Hegaa gishshau, ta atotettai biittaa gaxaa gakkanaadan, taani nena kawotettatuyyo poo7o oottana” yaagees.

Isiyaasa 60:12

Neessi oottenna asai woikko kawotettai ubbai muleera xayana.

Hoose7a 1:7

SHin taani Yihudaa asaassi qarettana; taani GODAN, eta Xoossan, eta ashshanaappe attin, wonddafiyan woikko bisuwan woikko olan woikko paratun woikko paraasatun ashshikke” yaagiis.

Hoose7a 2:18

He gallassi taani ta asaa gishshau sa7aa do7atuura, saluwaa kafotuuranne biittaara gooshettiya meretatuura maachchaa maacettana. Taani biittaappe wonddafiyaa, bisuwaanne olaa xaissana; yaatobare eti woppu giidi, saro de7ana.

Hoose7a 2:20

taani ammanettada nena taassi giigissana. Neenikka GODAA erana” yaagees.

Mikiyaasa 4:8

Nenoo, GODAA asaa wochchiyo Yerusalaame xoqqa gimbbiyau, neeyyo kase ne haariyo maatai, qassi Yerusalaame kawotettaa zawai ubbaikka simmana.

Mikiyaasa 5:4

I yaana; yiidi, GODAA minotettan, GODAA ba Xoossaa sunttaa anggan ba asaa heemmana. I sa7aa gaxaa gakkanaashin gita gidiyo gishshau, eti sarotettan de7ana.

Mikiyaasa 5:9

Ne kushee nenaara eqettiyaageetu bolli denddana; ne morkketi ubbaikka xayana.

Hagge 2:22

kawotettatu araatata aatta yeggana; eta wolqqaa xaissana. Para gaareta eta laaggiyaageetuura aatta yeggana; paratinne paraasatikka mulee bantta giddon haiqettana.

Yesuusi Kiittidoogeetu Oosuwaa 10:36

Xoossai asa ubbaa Godaa Yesuus Kiristtoosa baggaara, sarotettaa yootiiddi, ha wonggeliyaa mishiraachchuwaa Israa7eela asaassi kiittidoogaa intte ereeta.

Naa77antto Qoronttoosa 5:18

Kiristtoosa baggaara nuna banaara sigettida Xoossai ubbabaakka oottiis; qassi i nuuyyo harata banaara sigettiyo oosuwaa immiis.

Naa77antto Qoronttoosa 5:20

Simmi Xoossai nu baggaara intteyyo haasayiyoogaadan, nuunikka Kiristtoosa gishshaa haasayiya i kiittidoogeeta; qassi nuuni inttena, “Xoossaara sigettite” giidi, Kiristtoosa gishshaa woossoos.

Zaarettido Wogaa 11:24

Intte tohuwan intte yedhdhido biitta ubbai inttessa gidana. Intte zawai bazzuwaappe biidi Liibaanoosa gakkanaashiinanne Efiraaxiisa SHaafaappe biidi arggo bagga Meediteraane Abbaa gakkanaashiina gidana.

Ajjuutaa 11:15

Hegaappe guyyiyan, laappuntta kiitanchchaikka ba malkkataa punniis. Saluwan, “Sa7aa kawotettai ha77i nu Godaassanne a Kiristtoosassa; qassi merinaappe merinaa gakkanaassi i haarana” yaagiya wolqqaama cenggurssai siyettiis.