Zakkaariyaasa 8:14 - Wolaytta Bible

¹⁴ Ubbaappe Wolqqaama GODAI hagaadan yaagees; “Intte maizza aawati tana hanqqetissido wode, eta bollan iitabaa ehaana gaada qachchido qofaa laammennan oottidoogaadan,

Zakkaariyaasa 8:14 Iomraidhean Croise

Hanidabaa Odiya Naa77antto Maxaafaa 36:16

SHin GODAA hanqqoi eta bolli wodhdhana gakkanaashiininne etayyo kessi ekkiyoosai xayana gakkanaashin, eti GODAI kiittidoogeetu bolli qilliiccidosona, a qaalaa karidosonanne hananabaa yootiyaageetu bolli miiccidosona.

Mazamure Maxaafaa 33:11

GODAA halchchoi merinaassi eqqidi de7ees; a wozanaa qofaikka yeleta ubbaa gakkanau de7ees.

Isiyaasa 14:24

Ubbaappe Wolqqaama GODAI hagaadan yaagidi caaqqiis; “Taani halchchidoogaadan hanana; taani qoppidoogaadankka polettana.

Ermmaasa 20:16

He bitanee GODAI qarettennan aatti yeggidi xaissido katamatudan hano. He bitanee maallado waasuwaa, gallassa seetan, “Olai gakkiis!” giyo oduwaa siyo.

Ermmaasa 29:11

Aissi giikko, taani intteyyo halchchiyo halchchuwaa taani GODAI erais; hegeenne, intteyyo sintta wodiyaanne ufaissaa immana mala, saro halchchoppe attin, iita halchcho gidenna.

Ermmaasa 31:28

Eta xoqollanau, qolanau, aatta aatta yegganau, xaissanaunne bashshaa ehaanau wudada naagidoogaa keenaa, eta zaarada gimbbanaunne tokkanau wudada naagana. Taani GODAI hagaa odais.

Ermmaasa 32:42

Qassikka GODAI hagaadan yaagees; “Taani ha asaa bolli ha iita bashshaa ubbaa ehiidoogaadan, hegaadankka taani etayyo immana giido lo77obaa ubbaa immana.

Ermmaasa 4:28

Hegaa gishshau, sa7ai yeekkana; salotikka bollan xumana. Aissi giikko, taani garggaas; marssettikke. Taani qofaa qachchaichchaas; aggikke” yaagees.

Hizqqeela 24:14

Taani GODAI hagaa yootaas; hagee hanana. Taani guyye simmikke; qarettikke; ta qofaa laammikke. Ne ogiyaadaaninne ne oosuwaadan, taani nena pirddana. Taani Ubbaa Haariya GODAI hagaa odais' yaagees” yaagiiddi yiis.

Zakkaariyaasa 1:2

Ubbaappe Wolqqaama GODAI Zakkaariyaasa hagaadan yaagiis; “Taani GODAI intte maizza aawatu bollan keehippe hanqqettaas.

Zakkaariyaasa 1:6

Gido shin, hananabaa yootiya ta ashkkaratu baggaara taani yootido qaalatinne higgeti ubbai intte maizza aawatu bollan gakkibookkonaa? Yaatin, etikka azzanidi, “Ubbaappe Wolqqaama GODAI nu ogiyaadaaninne nu oosuwaadan nuussi immana giidoogaadan, ba giidoogaa oottiis” yaagidosona' yaaga” yaagiis.