Zakkaariyaasa 7:3 - Wolaytta Bible

³ Qassi Ubbaappe Wolqqaama GODAA Beeta Maqidasiyan oottiya qeesetanne hananabaa yootiyaageeta, “Daro laittappe oottaidda takkidoogaadan, taani ha77ikka aggennan ichchashantto aginan yeekkanaunne xoomanau bessii?” yaagidi oichchanaadan kiittidosona.

Zakkaariyaasa 7:3 Iomraidhean Croise

Izira Maxaafaa 3:10

Anaaxeti GODAA Beeta Maqidasiyaa keexxanau baasuwaa baasidi wurssido wode, qeeseti bantta maayuwaa maayidinne xurumbbaa oiqqidi, qassi Asaafa yara gidiya, Leewatikka, daalaa oiqqidi, Israa7eela Kawuwaa Daawita wogaadan GODAA galatanau eqqidosona.

Eranchchaa Maxaafaa 3:4

Yeekkanau wodee de7ees; miiccanaukka wodee de7ees. Kayyottanau wodee de7ees; qassi ufaittidi yexxanaukka wodee de7ees.

Hoose7a 4:6

Ta asai eratettai xayin bayiis. Intte eratettaa ixxido gishshau, taanikka intte tau qeese gidanaagaa ixxais. Intte Xoossaa higgiyaa intte dogido gishshau, taanikka intte naata dogana.

Yuu7eela 2:17

GODAU oottiya qeeseti Beeta Maqidasiyaa baranddaappenne yarshshiyoosaappe gidduwan eqqidi yeekkona. Eti hagaadan yaagidi woossona; “Abeet GODAU, ne asau qaretta; ne asaa kawotettatu giddon boriyoobaanne baceessiyoobaa kessoppa. Asai ba giddon aissi, 'Eta Xoossai awan de7ii?' yaaganee?” yaagona.

Hagge 2:11

“Ubbaappe Wolqqaama GODAI hagaadan yaagees; 'Higgee woigiyaakko eranau ane qeeseta hagaa oichcha:

Zakkaariyaasa 7:4

Hegaappe guyyiyan, Ubbaappe Wolqqaama GODAA qaalai hagaadan yaagiiddi taakko yiis;

Zakkaariyaasa 7:5

“Biittan de7iya asa ubbaunne qeesetussi hagaadan yaagada yoota; 'Intte he aadhdhida laappun tammu laittaa giddon ichchashantta aginaaninne laappuntta aginan xoomidoogaanne yeekkidoogaa taayyo xoomibeekketa.

Zakkaariyaasa 8:19

“Ubbaappe Wolqqaama GODAI hagaadan yaagees; 'Oiddantto, ichchashantto, laappunttonne tammantto aginatun intte xoomido xoomati Yihudaa asassi pashkkissiya wodenne ufaissiya gibira gidana. Hegaa gishshau, intte tumatettaanne sarotettaa dosite' yaagees.

Milkkiyaasa 2:7

Qeeseti Ubbaappe Wolqqaama GODAI kiittidoogeeta gidido gishshau, eta doonai eratettaa tamaarissanau koshshees; asaikka higgiyaa eta doonaappe tamaaranau bessees” yaagees.

Maatiyoosa 9:15

Yesuusi eta hagaadan yaagiis; “Bullachchaa yiida asati machchiyo ekkiyaagee banttanaara de7ishin, kayyottanau danddayiyoonaa? Danddayokkona; shin machchiyo ekkiyaagaa eta matappe efaana wodee yaana; eti he wode xoomana.

Koiro Qoronttoosa 7:5

Intte intte huuphen Xoossaa woosan genccanau ha77issi zoretan teqettanaappe attin, issoi issuwaa diggoppite. Intte inttena naagenna gishshau, Seexaanai inttena paaccennaadan, azinadaaninne machchidan de7ite.

Zaarettido Wogaa 33:10

Eti ne wogaa Yaaqooba, ne higgiyaakka Israa7eela tamaarissoosona. Ne sinttan ixaanaa cuwayoosona; neeyyo yarshshiyoosan muleera xuuggiyo yarshshuwaa yarshshoosona.