Zakkaariyaasa 6:14 - Wolaytta Bible

¹⁴ He kallachchai Helddaaya, Xoobbiyaa, Yadaayanne Xafaaniyaa na7aa Yoosiyaasa hassayissiyaabaa gididi, GODAA Beeta Maqidasiyan de7ana” yaagiis.

Zakkaariyaasa 6:14 Iomraidhean Croise

Kawotu Maxaafaa Naa77anttuwaa 25:18

Kawuwaa naagiyaageetu halaqai Naabuzaraadaani qeese ubbatu halaqaa Saraaya, appe kaalliya qeesiyaa Xafaaniyaanne penggiyaa naagiya hara heezzu asata oiqqiis.

Kessaabaa 12:14

“Ha gallassai intteyyo hassayi hassayi bonchchiyo gallassa gido; intte yeletai ubbai GODAA baalaa bonchchite; hagaa woga oottidi merinau bonchchite.

Kessaabaa 28:12

Yaatada tammanne naa77u Israa7eela zareta hassayiyoobaa gidana mala, ha naa77u shuchchata eefuudiyaara oittido hashiyaa carqqiyan wotta; yaatobare GODAA sinttan ubbatoo hassayettana mala, ha sunttata Aarooni ba hashiyan tookko.

Kessaabaa 28:29

“Aarooni Geeshsha Sohuwaa geliyo wode, ha tiran wottiyoogan de7iya Israa7eela zaretu sunttata tookko. Yaatobare taani GODAI ubbatoo ta asaa hassayana.

Zakkaariyaasa 6:10

“Baabiloone omooduwaappe simmida Helddaayi, Xoobbeenne Yadaayi immiyo imotaa ekka; ekkada he gallassikka Xafaaniyaa na7aa Yoosiyaasa soo ba.

Zakkaariyaasa 6:11

Etappe ekkido biraappenne worqqaappe kallachchaa medhdha; medhdhada Yoxedeeqa na7aa, qeese ubbatu halaqaa Yaasu huuphiyan wotta.

Qoodaabaa 16:40

Aaroona zare gidenna ooninne GODAA sinttan ixaanaa cuwayanau shiiqenna mala, Qoraahanne a citaa gakkidaagee a gakkenna mala, Israa7eelata hassayissanau hageeta oottiis. GODAI Muuse baggaara El77aazara azazidoogaadan hagee haniis.

Qoodaabaa 31:54

Muuseenne qeesee El77aazari shaalaqatuppenne mato halaqatuppe ekkido worqqaa GODAA sinttan Israa7eela asaa hassayissana mala, Xoossaa Dunkkaaniyaa giddo gelissidosona.

Maatiyoosa 26:13

Taani intteyyo tumaa odais; sa7a ubban ha wonggeliyaa mishiraachchuwaa odiyoosan awaanikka, asai o hassayana mala, a oottidoogee odettana” yaagiis.

Marqqoosa 14:9

Taani intteyyo tumaa odais; sa7a ubban wonggeliyaa mishiraachchuwaa odiyoosan awaanikka, asai o hassayana mala, ha a oottidoogee odettana” yaagiis.

Yesuusi Kiittidoogeetu Oosuwaa 10:4

Qornneliyoosi yayyidi, kiitanchchaa tishshi ootti xeellidi, “Ta Godau, i aibee?” yaagiis. Yaagin kiitanchchai zaaridi, hagaadan yaagiis; “Ne woosainne neeni hiyyeesaa maaddiyoogee Xoossaa sinttan hassayettanau saluwaa biis.

Yaasu Maxaafaa 4:7

intte, 'GODAA Maachchaa Taabootaa sinttan Yorddaanoosa SHaafai gogettaa aggidi eqqidoogaa Israa7eela asaa merinau hassayissoosona. Maachchaa Taabootai pinnishin, Yorddaanoosa haattai duuxxiis' yaagidi etau odite” yaagiis.

Sameela Maxaafaa Koiruwaa 2:30

“Hegaa gishshau, Israa7eela Xoossai hagaadan yaagees; '“Ne zareenne ne aawaa zaree merinau taayyo oottana” gaas; shin ha77i, hegee taappe haakko! Tana bonchchiyaageeta taani bonchchana; tana kariyaageeta taani kaushshana.