Zakkaariyaasa 5:4 - Wolaytta Bible

⁴ Ubbaappe Wolqqaama GODAI hagaadan yaagees; 'Taani he qanggettaa kiittana; kiittobare i biidi, kaisuwaa soonne ta sunttan wordduwan caaqqiyaagaa soo gelana; gelidi yan de7iiddi, he keettaa i keexettido mittaaranne shuchchaara gattidi, mi xaissana' yaagees” yaagiis.

Zakkaariyaasa 5:4 Iomraidhean Croise

Iyyooba Maxaafaa 18:15

Harggiyaa gooddanau dinniyaa laaloogaappe guyyiyan, ooninne a keettan de7ena.

Iyyooba Maxaafaa 20:26

“I shiishshido aqo ubbai xayana; asi eettibeenna tamai a maana; a keettan attida asai ubbaikka taman meetettana.

Iyyooba Maxaafaa 8:15

I ba shararoote keettan zemppees, shin eqqenna; i a oiqqana, shin a danddayenna.

Iyyooba Maxaafaa 8:22

Nena ixxiyaageeti yeellaa maayana; iitatu keettai xayana” yaagiis.

Leemiso Maxaafaa 3:33

GODAA qanggettai iitaa oottiyaageetu soona; shin a anjjoi suurebaa haniyaageetu soona.

Isiyaasa 24:6

Hegaa gishshau, Xoossaa qanggettai biittaa mees; qassi an de7iya asatikka bantta mooruwaa gaasuwan tuggatoosona. Hegaa gishshau, sa7an de7iya asati xuugettidosona; yaatin qoodan qii guutta asai attiis.

Ermmaasa 2:26

“Kaisoi ohettido wode yeellatiyoogaadan, Israa7eela asai yeellatees; etikka, eta kawoti, eta halaqati, eta qeesetinne eta hananabaa yootiyaageeti ubbai yeellatoosona.

Hoose7a 4:2

Ha biittan de7iyaabai qanggetta, worddo, asa woro, wuussanne shaaramuxa xalaala. Eti maachcha ubbaa kanttidosona; asaa woroi woruwaa kaallees.

Hoose7a 4:3

Hegaa gaasuwan biittai melana; biittan de7iya ubbai daafurana. Sa7aa do7atikka, saluwaa kafotikka, harai attin, abbaa moletikka haiqqana.

Amoxa 3:10

GODAI hagaadan yaagees; “Ha asati sittabaa oottiyoogaa erokkona; sugettaaninne bonqqidi ehiido miishshan bantta keettaa kuntti wottidosona” yaagees.

Zakkaariyaasa 5:3

Yaagin i tana hagaadan yaagiis; “Ha xaatta maxaafaa giddon de7iyaagee biitta ubbaa bollan yiya qanggettaa. He maxaafan issi baggaara, 'Wuuqqiya ubbi biittaappe xayana' yaagiyaagee xaafettiis; qassi hinkko baggaara, 'Wordduwan caaqqiya ubbi xayana' yaagiyaagee xaafettiis.

Zakkaariyaasa 8:17

issoi issuwaa qohanau iitabaa intte wozanan maqettoppite; wodoruwan caaqqiyoogaa dosoppite. Hageeta ubbaa taani GODAI ixxais” yaagees.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Zaarettido Wogaa 28:16

“Neeni kataman qanggettidaagaa gidana; gaxariyankka neeni qanggettidaagaa gidana.

Zaarettido Wogaa 7:26

Intte he tuna eeqata intte soo gelissidi, etadan qanggettidaageeta gidoppite. Intte eta muleerakka ixxitenne shenetite; aissi giikko, eti bantta huuphiyau qanggettidabata.

Yaasu Maxaafaa 9:20

SHin nuuni eta hagaadan oottana; nuuni etayyo caaqqido caaquwaa kaddin GODAA hanqqoi nu bollan wodhdhennaadan, eti paxa de7ona.