Zakkaariyaasa 4:4 - Wolaytta Bible

⁴ Taani tanaara haasayiya kiitanchchaa qassikka, “Ta godau, hageeti aibee?” yaagada oichchaas.

Zakkaariyaasa 4:4 Iomraidhean Croise

Izira Maxaafaa 5:2

Salaatiyaala na7ai Zarubaabeelinne Yoxedeeqa na7ai Yaasu denddidi, Yerusalaamen de7iya GODAA Beeta Maqidasiyaa zaarettidi keexxanau doommidosona. Hananabaa yootiyaageetikka etaara issippe gididi, eta maaddidosona.

Daaneela 12:8

Hagaa ubbaa taani siyaas; shin taayyo gelibeenna. Yaatin, taani, “Ta godau, ha yoho ubbaassi wurssettai aiba gidanee?” gaada oichchaas.

Zakkaariyaasa 1:19

Be7ada tanaara haasayiya kiitanchchaa, “Hageeti aibee?” yaagada oichchaas. Ikka tau zaaridi, “Ha kaceti Yihudaa, Israa7eelanne Yerusalaame laalida kawotettatu leemisota” yaagiis.

Zakkaariyaasa 1:9

Yaatin, taani, 'Ta godau, hageeti aibee?' yaagaas. “Yaagin tanaara haasayiya kiitanchchai zaaridi tana, 'Hageeti aibakkonne taani nena bessana' yaagiis.

Zakkaariyaasa 4:5

Oichchin tanaara haasayiya kiitanchchai zaaridi, “Hageeti aibakko erikkii?” yaagiis. Yaagin taani, “Ta godau, taani erikke” yaagaas.

Zakkaariyaasa 5:6

Yaagin taani, “I aibee?” yaagada oichchaas. Oichchin i zaaridi, “Hagee makkiyo keeshiyaa” yaagiis. Qassikka gujjidi, “Hagee asai ha biitta ubban oottido naaquwaa malaataa” yaagiis.

Zakkaariyaasa 6:4

Taani tanaara haasayiya kiitanchchaa, “Ta godau, hageeti aibee?” yaagada oichchaas.

Maatiyoosa 13:36

Hegaappe guyyiyan, Yesuusi asaa yeggi bayidi, soo geliis; erissiyo ashkkarati akko biidi, “Goshshan de7iya zardduwaa leemisuwaa birshshettaa nuuyyo oda” yaagidosona.