Zakkaariyaasa 3:2 - Wolaytta Bible

² GODAI Seexaanaa, “Seexaanau, GODAI nena seero; Yerusalaame doorida GODAI nena seero! Ha bitanee tamappe kiyidi attida xiifaa mala gidennee?” yaagiis.

Zakkaariyaasa 3:2 Iomraidhean Croise

Hanidabaa Odiya Naa77antto Maxaafaa 6:5

'Taani ta asaa Israa7eela Gibxxeppe kessada ehiido gallassaappe doommin, ta sunttai an xeesettana mala, Beeta Maqidase keexxanau Israa7eela zaretu giddon ai katamanne doorabeikke; woikko i ta asaa Israa7eela kaalettana mala, oonanne doorabeikke.

Hanidabaa Odiya Naa77antto Maxaafaa 6:6

SHin ha77i ta sunttai Yerusalaamen xeesettana mala, taani Yerusalaame dooraas; qassi ta asaa Israa7eela kaalettana mala, Daawita dooraas' yaagiis.

Mazamure Maxaafaa 109:31

Aissi giikko, i hiyyeesaa gishshaa mootettees; haiquwau pirddiyosaappekka a ashshees.

Isiyaasa 7:4

Demmada ayyo hagaadan yaagada yoota; 'Naagetta; hirggoppa; Sooriyaa asaa, Kawuwaa Raxiinanne Ramaaliyaa na7aa hanqquwau yayyoppa; ne wozanaikka shabbirettoppo; aissi giikko, naa77u kawoti tamaappe attidi cuwattiya naa77u mitta duruma mala.

Daaneela 12:1

“He wodiyan, ne asaa heemmiya gita halaqai Mikaa7eeli denddana. Denddin kawotetti doommoosappe doommin, he wode gakkanaashin, be7i erenna meto wodee hanana. Gidikkonne, a sunttai Xoossaa Maxaafan xaafettido ne asai ubbai he wode attana.

Amoxa 4:11

GODAI, “Sadoomanne Gamoora katamata xaissidoogaadan, intteppekka darota xaissaas; ha attida inttekka tamaappe eexxiiddi attida xiifa mala; shin intte hegankka taakko simmibeekketa” yaagees.

Zakkaariyaasa 1:17

“'Zaarettadakka hagaadan yaagada awaajja; “Ubbaappe Wolqqaama GODAI hagaadan yaagees; 'Ta katamatu duretettai kumi goggana; qassi taani GODAI Xiyoone zaarettada minttettana; Yerusalaamekka zaarettada doorana' yaagees” yaagada awaajja' yaagiis” yaagiis.

Zakkaariyaasa 2:12

Geeshsha biittan GODAI Yihudaa bana gakkida shaaho oottidi laattana; Yerusalaamekka i zaarettidi doorana.

Marqqoosa 1:25

Yesuusi he iita ayyaanaa, “Haizza; bitaniyaappe kiya” yaagidi azaziis.

Marqqoosa 9:25

Yesuusi asai dari dari biyoogaa be7idi, iita ayyaanaa, “Ha tullenne duude ayyaanau, ha na7aappe kiya gaada nena ta azazais; qassi naa77anttuwaa aani geloppa” yaagiis.

Luqaasa 22:32

SHin taani ne ammanoi bayenna mala, neessi Xoossaa woossaas; neeni taakko simmiyo wode, ne ishantta minttetta” yaagiis.

Luqaasa 4:35

Yesuusi he iita ayyaanaa, “Haizza; bitaniyaappe kiya” yaagidi azaziis. Iita ayyaanai a eta matan gufantti yeggidi, ainne qohennan bitaniyaappe kiyi aggiis.

Luqaasa 9:42

Na7ai yiishin, xalahee a sa7an ooggidi kokkorssiis; shin Yesuusi tuna ayyaanaa agga giidi, na7aa pattidi, a aawaassi zaaridi immiis.

Yohaannisa 13:18

“Taani intte ubbaabaa haasayikke. Taani dooridoogeeta erais; shin Xoossaa maxaafai, ‘Taani barssidoogee ta kushiyaa saxxiis’ giidoogee tuma gidanau bessees.

Roome 16:20

Sarotettaa Xoossai Seexaanaa intte tohuwaappe garssan haakkenna matan gaacci qolana. Nu Godaa Yesuus Kiristtoosa aaro kehatettai inttenaara gido.

Roome 8:33

Xoossai dooridoogeeta oonee mootanai? Xoossai ba huuphen eta xillissiis.

Koiro Yohaannisa 3:8

Xalahe halaqai koiroosappe nagaraa oottido gishshau, nagara ubba wode oottiya urai xalahe halaqaassa; hegaa gishshau, Xoossaa Na7ai xalahe halaqaa oosuwaa xaissanau qoncciis.

Yihudaa 1:23

Issoota issoota tamaappe dafi kessidi ashshite. Qassi harai atto eta iita amuwan tunida maayuwaa ixxiiddikka, issootuyyo issootuyyo yashshatettan qarettite.

Yihudaa 1:9

SHin kiitanchchatu halaqai Mikaa7eeli Muuse ahaabaa xalahe halaqaara palamettido wode, “Godai nena seero” giidoogaappe attin, cashsha qaalan a bolli pirddanau koyibeenna.

Ajjuutaa 17:14

Eti Dorssaara olettana; shin dorssainne dorssaara de7iyaageeti, i xeegidoogeetinne dooridoogeeti, a kaalliya ammanettidaageeti, he kawota xoonana; aissi giikko, i godatu Godaanne kawotu Kawuwaa” yaagiis.