Zakkaariyaasa 2:12 - Wolaytta Bible

¹² Geeshsha biittan GODAI Yihudaa bana gakkida shaaho oottidi laattana; Yerusalaamekka i zaarettidi doorana.

Zakkaariyaasa 2:12 Iomraidhean Croise

Hanidabaa Odiya Naa77antto Maxaafaa 6:6

SHin ha77i ta sunttai Yerusalaamen xeesettana mala, taani Yerusalaame dooraas; qassi ta asaa Israa7eela kaalettana mala, Daawita dooraas' yaagiis.

Asttiri Maxaafaa 6:13

Biidi bana gakkidabaa ubbaa ba keettaayee Zereeshissinne ba laggetussi yootiis. Yootin eti a, “A sinttan neeni kauyyanau doommido ha bitanee, Marddikiyoosi, Aihuda asa gidikko, ne aara eqettada, a xoonanau mulekka danddayakka; tumuppe i nena xoonana” yaagidosona.

Mazamure Maxaafaa 105:15

“Taani tiyidoogeeta bochchoppite; ta hananabaa yootiyaageeta qohoppite” yaagiis.

Mazamure Maxaafaa 132:13

GODAI Xiyoone dooriis; baayyo de7iyoosa oottanaukka amottidi, hagaadan yaagiis;

Mazamure Maxaafaa 132:14

“Hagee taayyo merinau de7iyo soho; taani amottido gishshau, hagan uttana.

Mazamure Maxaafaa 135:4

GODAI Yaaqooba ba huuphessi, Israa7eela asaakka bau buzo oottidi dooriis.

Mazamure Maxaafaa 33:12

Xoossai GODAA gidido kawotettai, i baassa oottidi doorido asai anjjettidaagaa.

Mazamure Maxaafaa 82:8

Abeet Xoossau, dendda; sa7aa pirdda; kawotetti ubbai nebaa.

Isiyaasa 14:1

GODAI Israa7eela asau qarettana; Israa7eelakka zaarettidi doorana. Eta eta buzo biittan wottana; betetikka etaara gaittidi, Israa7eela asaara issippe de7ana.

Isiyaasa 17:14

Sa7ai qammiyo wode, eti shabbirettana; sa7ai wonttanaappe kasetidi, eti xayiichchana; nubaa wolqqan ekkiyaageetu qaadainne nuna bonqqiyaageetu saamai hagaa.

Isiyaasa 41:9

taani nena biittaa gaxaappe ekkada, qassi wurssetta haahosaappe xeegada, 'Neeni ta ashkkaraa' yaagidoogoo, taani nena dooraas; qassi taani nena olikke.

Ermmaasa 10:16

SHin Yaaqooba Saamaa gidiyaagee hegeeta mala gidenna. Aissi giikko, i ubbabaa medhdhidaagaa; Israa7eeli i baassi doorido zare. A sunttaikka Ubbaappe Wolqqaama GODAA.

Ermmaasa 30:16

“SHin inttena biittaa kessi miida ubbati meetettana; intte morkketi ubbatikka omooduwau baana. Inttena bonqqidaageeti bonqqettana; inttebaa olan ekkidaageetubaakka olan ekkana.

Ermmaasa 51:19

SHin Yaaqooba Xoossai hegaa mala gidenna. Aissi giikko, i ubbabaa medhdhidaagaa. Israa7eela asai i baassi doorido zare. A sunttaikka Ubbaappe Wolqqaama GODAA.

Zakkaariyaasa 1:17

“'Zaarettadakka hagaadan yaagada awaajja; “Ubbaappe Wolqqaama GODAI hagaadan yaagees; 'Ta katamatu duretettai kumi goggana; qassi taani GODAI Xiyoone zaarettada minttettana; Yerusalaamekka zaarettada doorana' yaagees” yaagada awaajja' yaagiis” yaagiis.

Zakkaariyaasa 3:2

GODAI Seexaanaa, “Seexaanau, GODAI nena seero; Yerusalaame doorida GODAI nena seero! Ha bitanee tamappe kiyidi attida xiifaa mala gidennee?” yaagiis.

Zaarettido Wogaa 32:10

“Biittaa bazzuwan eti saamuwan de7ishin, carkko xallai suraggiyoosan bichchaarishin, eta demmiis. Yaatidi ba aifiyaa buluwaadan, etau gonddalle gididi, eta minttidi naagiis.

Zaarettido Wogaa 32:9

Aissi giikko, shaahuwan GODAA gakkidaagee Israa7eela; Yaaqoobikka a gakkida laataa.