Zakkaariyaasa 13:9 - Wolaytta Bible

⁹ Ha attida heezzantto kushe asaa taani taman yeggana; yeggada birai taman geeyiyoogaadan, eta geeshshana; qassi worqqai paacettiyoogaadankka paaccana. Hegaappe guyyiyan, eti ta sunttan woossana; taanikka etayyo siyana. Taani, 'Hageeti ta asata' yaagana. Etikka, 'GODAI nu Xoossaa' yaagana” yaagees.

Zakkaariyaasa 13:9 Iomraidhean Croise

Sameela Maxaafaa Naa77anttuwaa 7:24

Neeni ne asaa Israa7eela merinau nebaa oottadasa. Abeet GODAU, neenikka eta Xoossaa gidadasa.

Iyyooba Maxaafaa 23:10

SHin i ta tangguwaa ubbaa erees; i tana paaccikko, taani worqqaadan geeshsha gidiyoogaa i be7ana.

Iyyooba Maxaafaa 28:1

“Biraa bookki kessiyoosainne worqqaa geeshshanau seerissiyoosai de7ees.

Mazamure Maxaafaa 144:15

Ha yohoi tumu haniyo asati anjjettidaageeta. Eta Xoossai GODAA gidiyo asati anjjettidaageeta.

Mazamure Maxaafaa 43:4

He wode taani ta Xoossaa yarshshuwaasaa, tana ufaissiya Xoossaakko baana. Abeet Xoossau, ta Xoossau, taani diittaa diixxaidda, nena sabbana.

Mazamure Maxaafaa 50:15

Yaatada, metuwaa gallassi tana xeesa. Taani nena ashshana; neenikka tana bonchchana” yaagees.

Mazamure Maxaafaa 91:15

I tana xeegiyo wode, taani ayyo koyana. Metuwan taani aara issippe gidana; taani a ashshananne bonchchana.

Leemiso Maxaafaa 17:3

Worqqainne birai taman paacettiyoogaadan, GODAI asaa wozanaa paaccees.

Siiquwaa Sabaa 2:16

“Ta siiqoi taagaa; taanikka aaro; ciishshaa giddon i ba wudiyaa heemmees.

Isiyaasa 43:2

Neeni haattaa gidduwaara pinniyo wode, taani nenaara gidana. Neeni shaafatu gidduwaara pinniyo wodekka eti nena muukkokkona. Neeni tamaa giddoora aadhdhiyo wode, xuugettakka; lacoikka nena meenna.

Isiyaasa 48:10

Be7a, taani nena paaccaas; shin biraadan gidenna; taani nena metuwaa taman paaccaas.

Isiyaasa 58:9

He wode intte xeesana; xeesin GODAI intteyyo koyana. Intte maaduwaa ekkanau waassana; waassin GODAI, 'Hekko, taani hagan de7ais!' yaagana. “Intte giddoppe intte huqqunniyo qambbaraa diggikko, qassi biradhdhiyan malaatiyoogaanne iitabaa haasayiyoogaa aggikko,

Ermmaasa 24:5

“GODAI Israa7eela Xoossai hagaadan yaagees; 'Taani Yihudaa biittaappe omooduwan Baabiloone biittaa yeddido asata, ha lo77o balasiyaa teeraadan lo77o gaana.

Ermmaasa 30:22

Hegaa gishshau, intte ta asa gidana; taanikka intte Xoossaa gidana” yaagees.

Ermmaasa 31:33

SHin taani GODAI he gallassatuppe guyyiyan Israa7eela asaara maacettana maachchai hagaa: taani ta higgiyaa eta giddon wottana; qassi eta wozanankka xaafana. Taani eta Xoossaa gidana; qassi etikka ta asa gidana.

Ermmaasa 32:38

Eti ta asa gidana; taanikka eta Xoossaa gidana.

Ermmaasa 9:6

Neeni cimo giddon de7aasa. Eti bantta cimuwan tana erennan ixxidosona” yaagees.

Hizqqeela 11:20

He wodiyan eti ta higgiyaa kaallana; ta azazuwaakka naagana. Eti ta asa gidana; taanikka eta Xoossaa gidana.

Hizqqeela 14:11

Hegaa gishshau, Israa7eela asati taappe wora bookkona; bantta nagaran ubban banttana tunissokkona. Eti ta asa gidana; taanikka eta Xoossaa gidana. Taani Ubbaa Haariya GODAI hagaa odais” yaagees' yaaga” yaagiiddi yiis.

Hizqqeela 20:38

Makkalanchchatanne nagaranchchata taani intte giddoppe diggana; ha77i eti de7iyo biittaappe taani eta kessana; shin eti Israa7eela biittaa gelennaadan teqqana. Taani GODAA gidiyoogaa intte hegan erana” yaagees.

Hizqqeela 36:28

Taani intte maizza aawatussi immido biittan intte de7ana; intte ta asa gidana; taanikka intte Xoossaa gidana.

Hizqqeela 37:27

Yaatada taani hegan etaara de7ana. Taani eta Xoossaa gidana; etikka ta asa gidana.

Daaneela 11:35

Aadhdhida eranchchatuppe unddennaageeti xubettana. Hegaadan hanidi, wurssettaa wodee gakkanaashin, eti paacettidi kiyana, geeyananne boree bainnaageeta gidana. Aissi giikko, Xoossai keerido wodee biron gakkiichchibeenna.

Daaneela 12:10

Daroti paacettidi kiyana, geeyananne boree bainnaageeta gidana; shin iitati iitabaa oottana. Iitatuppe issi urinne akeekenna; shin aadhdhida eranchchati akeekana.

Yuu7eela 2:32

He wode hagaadan hanana; GODAA sunttaa xeesiya ubbai attana. GODAI giidoogaadan, Xiyoone Deriyaaninne Yerusalaamen kessi ekkidi attiyaageeti de7ana. Qassi GODAI xeesidoogeeti paxa de7ana.

Wogaabaa 26:12

Taani intte gidduwan hemettana; qassi intte Xoossaa gidana; inttekka ta asa gidana.

Zakkaariyaasa 10:6

“Taani Yihudaa asaa minttettana; Yooseefa asaakka ashshana; taani etayyo qarettiyo gishshau, eta zaarada ehaana; qassi etikka taani eta kasekka aggabeennabaa mala gidana. Taani GODAA eta Xoossaa gidiyo gishshau, eta woosaa siyana.

Zakkaariyaasa 12:10

“Taani Daawita zaretu bollinne Yerusalaamen de7iya asaa bolli qaretaanne woosaa ayyaanaa gussana; hegaa gishshau, eti bantta caddidoogaa be7iyo wode, asi ba mexi issi na7au yeekkiyoogaadan yeekkana; qassi ba baira na7aukka kayyottiya asadan kayyottana.

Zakkaariyaasa 8:8

Ashshada eti Yerusalaame giddon de7anaadan ehaana. Eti ta asa gidana; taanikka eta Xoossaa, ammanettiyaanne xillo Xoossaa gidana' yaagees” yaagiiddi yiis.

Yesuusi Kiittidoogeetu Oosuwaa 2:21

He wode hagaadan hanana; Godaa sunttaa xeesiya ooninne attana’ yaagiis.

Ibraawe 8:10

Aissi giikko, he gallassatuppe guyyiyan, taani Israa7eela asaara maacettana maachchai hagaa: Taani ta higgiyaa eta qofan wottana; qassi eta wozanankka xaafana. Taani eta Xoossaa gidana; etikka ta asa gidana.

Yaaqooba 1:12

Waayiyan gencciya urai anjjettidaagaa; aissi giikko, he waayiyaa xoonidoogaappe guyyiyan, Xoossai bana siiqiyaageetuyyo immana giido de7uwaa akiliiliyaa i ekkana.

Koiro PHeexiroosa 4:12

Ta dabbotoo, intte giddon tamadan xuuggidi paacciya waayee yiyaagaa oorattabai haniyaabaadan garamettoppite.

Ajjuutaa 21:7

Xooniya urai ooninne hagaa ubbaa laattana. Taani ayyo Xoossaa gidana; ikka ta na7a gidana.

Ajjuutaa 8:10

Heezzantto kiitanchchai ba malkkataa punniis; punnin shaafaappenne pultto haattaappe heezzantto kushiyaa bolli saluwaappe xomppedan eexxiya wolqqaama xoolinttee wodhdhiis.

Ajjuutaa 8:11

He xoolinttiyaa sunttai Camuwaa geetettees. Haattaappe heezzantto kushee cammiis; qassi haattai cammido gishshau, daro asai he haattaa uyidi haiqqiis.

Ajjuutaa 8:12

Oiddantto kiitanchchai ba malkkataa punniis. Awaappe, aginaappenne xoolinttiyaappe heezzantto kushee deshettiis; eta poo7uwaappekka heezzantto kushee xumiis. Hegaa gishshau, gallassaappe heezzantto kushee, qammaappekka heezzantto kushee xumiis.

Ajjuutaa 8:7

Koiro kiitanchchai ba malkkataa punniis. Punnin suuttaara walakettida shachchainne tamai sa7an bukkiis. Sa7aappe heezzantto kushee xuugettiis; mittaappekka heezzantto kushee xuugettiis; maata ubbaikka xuugettiis.

Ajjuutaa 8:8

Naa77antto kiitanchchaikka ba malkkataa punniis. Wolqqaama dere milatiyaabai taman eexxiiddi, abban yegettiis; yaatin, abbaappe heezzantto kushee suutta gidiis.

Ajjuutaa 8:9

Abban paxa de7iya meretatuppe heezzantto kushee haiqqiis; markkabetuppekka heezzantto kushee xayiis.