Zakkaariyaasa 12:7 - Wolaytta Bible

⁷ “Daawita zaretu bonchchoinne Yerusalaamen de7iyaageetu bonchchoi Yihudaa asaa bonchchuwaappe aadhdhenna mala, taani GODAI kasetada Yihudaa asaassi xoonuwaa immana.

Zakkaariyaasa 12:7 Iomraidhean Croise

Iyyooba Maxaafaa 19:5

Intte taappe kehiyoobaa intteyyo milatin, 'Hagee metoi ubbai a gakkidoogee, i moorido gishshaassa' yaagidi, ta bolli pirddeeta.

Mazamure Maxaafaa 35:26

Ta waayiyan ufaittiyaageeti mule yeellatonanne kauyyona. Ta bollan otorettiyaageeti yeellaanne kaushshaa maayona.

Mazamure Maxaafaa 38:16

Taani GODAA, “Ta gedee xubettin, eti, 'Ayyo hashshu' gaanaadaaninne ta bolli ceeqettanaadan oottoppa” yaagais.

Mazamure Maxaafaa 55:12

Tana cayiyaagee ta morkkiyaa gidenna; gidiyaakko taani danddayana. Ta bolli ceeqettiyaagee tana ixxiyaagaa gidenna; gidiyaakko taani appe qosettana.

Isiyaasa 23:9

Otorettiyaageetu bonchcho ubbaa guuttanau, qassi biittaa bollan bonchchettidaageeta ubbaa kaushshanau, Ubbaappe Wolqqaama GODAI hagaa halchchiis.

Ermmaasa 30:18

GODAI hagaadan yaagees; “Taani Yaaqooba zaretu keettaa omoodettosaappe guyye zaarada, ishalissana; eti de7iyo sohuwaukka qarettana. Yerusalaame katamaikka kase ba qolettidosan, kawo keettaikka kase ba sohuwan simmidi keexettana.

Amoxa 9:11

Qassikka GODAI, “He gallassi taani kolettidi kunddida keettadan hanida Daawita kawotettaa denttana; xoo7etida sohotakka bottokonana; qassi qolettidasaakka ooraxissana; taani a beniigaadan oottada keexxana.

Zakkaariyaasa 11:11

Hegaa gishshau, he gallassikka maachchaa kantti aggiis; yaatin, he wode dorssaa shammiyaageetinne baizziyaageeti tana be7idi, hagee GODAA qaalaa gidoogaa eridosona.

Zakkaariyaasa 4:6

Qassikka i, “Zarubaabeelassi GODAI odido qaalai hagaa; 'Ta Ayyaanaanappe attin, wolqqan woikko minotettan gidenna. Taani Ubbaappe Wolqqaama GODAI hagaa odais.

Luqaasa 10:21

Yesuusi he wode Geeshsha Ayyaanan ufaittidi, hagaadan yaagiis; “Ta Aawau, saluwaa sa7aa Godau, neeni hagaa aadhdhida eranchchatuppenne akeekanchchatuppe genttada, erenna naatussi qonccissido gishshau, nena galatais; ee, ta Aawau, aissi giikko, hegee ne shenedan oosettiis.

Roome 3:27

Yaatin, nuuni aibau ceeqettanee? Aibikka baawa; ai gaasotaanee? Nuuni higgiyau azazettiyoogaanee? Akkai; ammanuwaa higgiyaanappe attin.

Yaaqooba 2:5

Ta siiqo ishatoo, siyite; Xoossai ha sa7an de7iya hiyyeesa asai ammanuwan duretanaunne bana siiqiyaageetuyyo immana giido saluwaa kawotettaa laattanau dooribeenneeyye?

Yaaqooba 4:6

SHin Xoossai aaro kehatettaa aattidi immees. Hegaa gishshau, Xoossaa maxaafai, “Xoossai otorettiyaageeta ixxees; shin banttana kaushshiyaageetuyyo aaro kehatettaa immees” yaagees.