Zakkaariyaasa 12:4 - Wolaytta Bible

⁴ He gallassi taani para ubbaa daganttana; paraa toggiyaageetakka gooshshana. Hegaa taani GODAI odais. Yihudaa asaa taani ta keha aifiyan xeellana; shin morkketu parata ubbaakka qooqissana.

Zakkaariyaasa 12:4 Iomraidhean Croise

Kawotu Maxaafaa Koiruwaa 8:29

Neeni, 'Ta sunttai he sohuwan de7ana' giido ha Beeta Maqidasiyaa ne aifee qamminne gallassi xeello. Taani ne ashkkarai ha sohuwaakko simmada, woossiyo woosaa neeni siya.

Kawotu Maxaafaa Naa77anttuwaa 6:14

Yootin kawoi daro olanchchata paratuuranne paraa gaaretuura yaa yeddiis. He yeddidoogeeti qammi yiidi, katamaa dooddidosona.

Kawotu Maxaafaa Naa77anttuwaa 6:18

Sooreti a bolli woraajjido wode Elssaa7i, “Ha asatu aifiyaa qooqissarkkii” yaagidi GODAA woossiis. Elssaa7i woossidoogaadan GODAI eta aifiyaa qooqissiis.

Hanidabaa Odiya Naa77antto Maxaafaa 6:20

Neeni 'Ta sunttai he sohuwan xeesettana' giido ha Beeta Maqidasiyaakko, ne aifee qamminne gallassi xeello. Taani ne ashkkarai ha Beeta Maqidasiyaakko simmada, woossiyo woosaa neeni siya.

Hanidabaa Odiya Naa77antto Maxaafaa 6:40

“Ha77ikka abeet ta Xoossau, ha sohuwan woossiyo woosaa ne aifee xeello; ne haittaikka ezggo.

Hanidabaa Odiya Naa77antto Maxaafaa 7:15

Ha77ikka ha sohuwan woosettiya woosaa ta aifee xeellana; ta haittaikka siyana.

Nahimiyaa Maxaafaa 1:6

taani ne ashkkarai qassi ne ashkkarata gidiya Israa7eela asaa gishshaassi qamminne gallassi nena woossiyo woosaa siyanau ne haittai ezggo; ne aifeekka duge taakko xeello. Nuuni Israa7eela asai oottido nagaraa ubbaa neeyyo paaxais; tumakka taaninne ta maizza aawati nena naaqqida.

Isiyaasa 24:21

He gallassi GODAI saluwaa wolqqata saluwan, qassi sa7aa kawotakka sa7an qaxxayana.

Isiyaasa 37:17

Abeet GODAU, ne haittaa haa yeggada siya. Abeet GODAU, ne aifiyaa pogada xeella. Nena, de7o Xoossaa cayanau Sanaakireebi kiittido qaalaa siya.

Ermmaasa 24:6

Taani keha aifiyan eta xeellana; qassi taani eta zaarada ha biitti ehaana. Taani eta keexxanaappe attin qolikke. Taani eta tokkanaappe attin shoddikke.

Hizqqeela 38:4

Taani nena guyye zaarana; ne manggaagan hookkuwaa gelissada, nena ne kumetta olanchchatuura, ne paratuura, kumetta ola miishshaa maayida ne paraasatuuranne bantta bisuwaa leelleesiya, gitanne guutta gonddalliyaa oiqqida guite asaara nena goochchada kessana.

Hizqqeela 39:20

Taani intteyyo aattiyo maaddaappe parata, paraasata, mino asatanne dumma dumma qommo wotaaddarata intte ganjjee kallana gakkanaashin intte maana” yaagada xeesa. Taani Ubbaa Haariya GODAI hagaa odais.

Daaneela 9:18

Abeet ta Xoossau, ne haittaa nuukko yeggada siya; ne aifiyaakka dooyada, ne sunttan xeesettida katamaa bashshaa xeella. Nuuni neessi watiwatiyoogee, nu xillotettaa gishshaassa gidennan, ne gita maarotettaa gishshaassa.

Zakkaariyaasa 10:5

Bantta morkketa ogiyaa urqqaara gattidi yedhdhiya mino olanchchatu mala gidana; GODAI etaara de7iyo gishshau, eti olettana; olettidi paraasatakka xoonana.

Zakkaariyaasa 12:11

He gallassi Yerusalaamen yeehettiya yeehoi Magiddo Dembban Hadaadi-Rimmoonassi yeehettida yeehuwaa keena wolqqaama gidana.

Zakkaariyaasa 12:3

He gallassi taani Yerusalaame katamaa asa ubbaassi deexo shuchcha mala oottana; a denttiya ubbai bau deshettana. Qassi sa7aa kawotettati ubbai a olanau issippe shiiqana.

Zakkaariyaasa 12:5

He wode Yihudaa yarati bantta wozanan, 'Yerusalaame asai Ubbaappe Wolqqaama GODAN, bantta Xoossan, minotettaa demmidosona' yaagana.

Zakkaariyaasa 12:6

“He gallassi taani Yihudaa zareta mittaa dooriyaa giddon de7iya xiifanne mirqqetu giddon lacottiya xomppe oottana. Eti bantta ushachchan haddirssaaninne bantta yuushuwan de7iya asaa ubbaa maana; shin Yerusalaame katamai asai saro de7iyo soho gidana.

Zakkaariyaasa 14:15

Ha boshaa mala boshai paratu bolli, baqulotu bolli, gaameelatu bolli, haretu bollinne morkketi dunkkaanidosan de7iya mehe ubbaa bolli yaana.

Zakkaariyaasa 9:8

Hegaappe guyyiyan, olanchchati kanttennaadan, taani ta Beeta Maqidasiyaa naagana. Taani ta huuphen naagiyo gishshau, naa77antto ooninne ta asaa huqqunnenna” yaagees.

Yesuusi Kiittidoogeetu Oosuwaa 17:30

Hegaa gishshau, Xoossai asai eribeenna wodiyaa aattiis; shin ha77i ubbasan asai ubbai nagaraappe simmana mala azazees.

Zaarettido Wogaa 28:28

GODAI nena gooshshan, qooqetettaaninne dagaman shocana.