Zakkaariyaasa 12:2 - Wolaytta Bible

² “Be7a, taani Yerusalaame katamaa a yuushuwan de7iya asaa ubbaa uyin ganddigaarissiya woine eessaa tigiyo wancca mala oottana; Yerusalaamee doodettiyo wode, Yihudaa katamatikka doodettana.

Zakkaariyaasa 12:2 Iomraidhean Croise

Mazamure Maxaafaa 75:8

Xoossaa kushiyan issi wanccai de7ees; he wanccai Xoossaa hanqquwaa woine eessan kumi uttiis. I hegaappe ushshaa tigin, sa7an de7iya iita asati hegaa uyana; eti orccuwaanne ashshennan cinggirishidi uyana.

Isiyaasa 51:17

Nenoo, GODAA kushiyaappe a hanqquwaa xuu7aa uyida Yerusalaamee, beegotta! Dendda! Neeni ganddigaarissiya xuu7aa cinggada uyadasa.

Ermmaasa 25:15

GODAI Israa7eela Xoossai taayyo hagaadan yaagiis; “Hagaa ta hanqquwaa woine eessai kumido wanccaa hei. Efaada taani nena kiittiyo kawotettata ubbaa ushsha.

Ermmaasa 25:17

Yaagin taani GODAA kushiyaappe wanccaa ekkada, i tana kiittido kawotettata ubbaa ushshaas.

Ermmaasa 49:12

GODAI hagaadan yaagees; “Simmi qaxxayettanau bessenna asati qixaatiyaa xuu7aa uyiyaageeta gidaappe attin, intte waani qaxxayettennan attana giidi qoppeetii? Tuma inttekka qixaatiyaa xuu7aappe uyeetappe attin, coo attekketa.

Ermmaasa 51:57

Taani a halaqata, a aadhdhida eranchchata, a deriyaa haariyaageeta, a ola gadaawatanne a olanchchata mattoyana; eti naa77antto denddennaadan, merinau xiskkana. Taani Kawoi, Ubbaappe Wolqqaama GODAA geetettiyaagee hagaa odais” yaagees.

Ermmaasa 51:7

Baabiloonee sa7an de7iya asai ubbai uyidi mattottiyo woine eessai tigettiyo, ta kushiyan de7iya worqqa wanccaa mala. Kawotettati ubbati he woine eessaa uyidi gooyidosona.

Ermmaasa 8:14

Yaagin asati hagaadan yaagoosona; “Nuuni co77u giidi aissi uttiyoonii? Ane issippe shiiqite; hini gimbbettida katamata gelidi, yan haiqqoos. GODAI nu Xoossai nuna haiquwau pirddirggiis; nuuni a bolli nagaraa oottido gishshau, nuuyyo uyanau woriya haattaa immirggiis.

Imbbaaqooma 2:16

Neeni bonchchuwaa gishshaa kaushshaa maayana. Ha77i simmi laa nenoo, uya! Uyada ganddigaara! GODAASSI ushachcha kushiyan de7iya xuu7ai neekko yaana; ne bonchchoi kaushshau laamettana.

Zakkaariyaasa 14:14

Yihudaa asai Yerusalaame bagga gididi olettana. Qassi yuushuwan de7iya kawotettatu ubbatu aquwaa, worqqaa, biraanne maayuwaa qoodi bainnaagaa omooddidi shiishshana.

Zakkaariyaasa 14:2

GODAI kawotettata ubbaa Yerusalaame bollan olau shiishshana; shiishshin katamai oiqettana; keettatikka bonqqettana; maccaasaarakka asai wolqqan gaittana. Katamaa asaappe baggai omoodettidi baana; shin attida asai katamaappe kiyenna.

Ajjuutaa 14:10

Xoossai ba wolqqaama hanqquwaa burccukkuwan kunttido hanqquwaa woine eessaa i uyana. Hegaa oottida ubbai geeshsha kiitanchchatu sinttaaninne Dorssaa sinttan, tamaaninne dinniyan paxa kaa7ettana.

Ajjuutaa 16:19

Gita katamai heezzu kiyidi za77iis. Biitta ubban de7iya katamati xayidosona. Xoossai gita Baabiloono qoppidi, ba iita hanqquwaa woine eessai kumido burccukkuwaappe woine eessaa Baabiloono ushshiis.

Ajjuutaa 18:6

A immidoogaa keenaa zaaridi, iyyo immite. A oottidoogaayyo naa77u kushiyaa iyyo qanxxite. A intteyyo giigissido ushshaappe naa77u kushe mattoyiya ushshaa i burccukkuwaa kunttite.