Zakkaariyaasa 10:2 - Wolaytta Bible

² So giddo eeqaa misiletussi yootiyoobai hada; kaayiyaageeti worddo ajjuutaa be7oosona; aimottiyaageetikka worddo aimuwaa yootoosona; hada minttettuwaakka minttettoosona. Hegaa gishshau, asai duuxxida dorssaadan toilattees; eta heemmiyaabi bainna gishshau, eti qohettidosona.

Zakkaariyaasa 10:2 Iomraidhean Croise

Doomettaabaa 31:19

Laabaani ba dorssatu ikisiyaa qanxxanau biichchidaashin, Raaheela ba aawaa so misileta wuuqqaasu.

Kawotu Maxaafaa Koiruwaa 22:17

Yaagin i, “Israa7eela olanchchati ubbai henttanchchi bainna dorssatudan deriyan laalettidaageeta taani be7aas. GODAI eta, 'Hageetuyyo godi baawa. Eti ubbaikka bantta soo bantta soo saro boona' yaagees” yaagiis.

Iyyooba Maxaafaa 13:4

Intte erenna asa gidiyoogee erettennaadan, wordduwan kammeeta; intte ubbaikka pattenna aakimeta.

Iyyooba Maxaafaa 21:34

Yaatin, intte tana waati hada oduwan minttetteetii? Intte ta oishaassi zaarido zaaroi ubbai worddo!” yaagiis.

Isiyaasa 41:29

Be7ite, eti ubbaikka hada; eta oosoikka mela; seerissidi medhdhido eta misileti mela carkko” yaagees.

Isiyaasa 44:25

Taani worddo hananabaa yootiyaageetu malaataa hada oottais; qassi shareechchotakka eeyya kessais. Taani aadhdhida eranchchata guyye zaarais; eta eraakka eeyya oottais.

Isiyaasa 44:9

Eeqa misileta massidi medhdhiya ubbati hada; eti an ufaittiyoobati eta go77okkona. Eta markkatikka be7okkonanne erokkona. Hegaa gishshau, eti yeellatana.

Isiyaasa 46:5

“Tana o mala guuteetii? Qassi oonaara likkissuuteetii? Nuuni issi mala gidanaadan, tana oonaara gatti xeelluuteetii?

Ermmaasa 10:8

Eti eeyyanne damma; eti mittaappe massido, pattenna eeqatuppe ai tamaariyoonaa?

Ermmaasa 14:13

Yaagin taani hagaadan yaagaas; “Abeet Ubbaa Haariya GODAU, hananabaa yootiyaageeti etayyo, 'Intte olaa be7ekketa woikko koshi inttena oikkenna. Taani intteyyo ha biittan paccenna sarotettaa immana' yaagees yaagoosona” yaagaas.

Ermmaasa 14:22

Woni kawotettatu eeqatuppe issoi ira bukissanau danddayii? Saloi ba sheniyan diifiyaa duge kiittanau danddayii? Danddayenna! Abeet GODAU, nu Xoossau, hegaa danddayiyaagee nena! Hagaa ubbaa oottiyaagee nena gidiyo gishshau, nuuni nenan ufaissaa oottoos.

Ermmaasa 23:17

Tana kariyaageeta eti, 'GODAI, “Intte saro de7ana” yaagees' yaagoosona. Qassi bantta wozanaa muumetettaa kaalettiyaageeta ubbaa eti, 'Intte bolli aiba iitabinne yeenna' yaagoosona” yaagees.

Ermmaasa 23:32

Taani GODAI hagaa odais! Wordduwaa aimottidi, hananabaa yootiyaageetu bolli taani de7ais. Eti he aimuwaa yootidi, bantta wordduwaaninne bantta ceequwan ta asaa wora kaalettoosona. Taani eta kiittabeikke woikko, 'Yootite' gabeikke. Eti ha asaa ainne maaddokkona. Taani GODAI hagaa odaas” yaagees.

Ermmaasa 27:10

Aissi giikko, eti intteyyo wordduwaa yootoosona; hegaa inttena intte biittaappe haassoosona. Taani inttena laaggada kessana; inttekka xayana.

Ermmaasa 27:14

'Intte Baabiloone kawuwaassi haarettekketa' giya hananabaa yootiyaageetu qaalaa siyoppite. Aissi giikko, hegee eti intteyyo yootiyoogee worddo.

Ermmaasa 27:9

Hegaa gishshau, inttena, 'Baabiloone kawuwaassi haarettekketa' yaagiya intte hananabaa yootiyaageeti, intteyyo kaayiyaageeti, intte aimuwaa birshshiyaageeti, intte shareechchotinne maliyaageeti yootiyoogaa siyoppite.

Ermmaasa 28:15

Hegaappe guyyiyan, hananabaa yootiya Ermmaasi hananabaa yootiya Hanaaniyaa hagaadan yaagiis; “Hanaaniyaa, siya! GODAI nena kiittibeenna; shin neeni ha asai worddoban ammanettana mala oottadasa.

Ermmaasa 29:8

“Ee, Ubbaappe Wolqqaama GODAI, Israa7eela Xoossai hagaadan yaagees; 'Intte giddon de7iya intte hananabaa yootiyaageetinne shareechchoti yootiyooban cimettoppite. Eti aimottiyo aimokka siyoppite.

Ermmaasa 37:19

Qassi, 'Baabiloone kawoi intte bollaaninne ha biittaa bollan yiidi olenna' yaagidi neeyyo hananabaa yootidaageeti ha77i awan de7iyoonaa?

Ermmaasa 50:17

“Israa7eeli gaammoi yedettidi laalido dorssaa mala. Koiro Asoore kawoi a ashuwaa miis; wurssettan qassi Baabiloone Kawoi Naabukadanaxoori a meqettaa xoggiis.

Ermmaasa 51:23

Nenan henttanchchaanne a wudiyaa, goyiyaagaanne a waatta boorata, deriyaa haariyaageetanne halaqata mentterettaas” yaagees.

Ermmaasa 6:14

Ta asaa masunttaa sakkennabaa giidi, guutta xaliyaa wottoosona. Saroi bainnan, 'Saro; saro!' yaagoosona.

Ermmaasa 8:11

Eti ta asaa masunttaa sakkennabaa giidi, guutta xaliyaa wottoosona. Saroi bainnan, 'Saro, saro!' yaagoosona.

Ermmaasa Zilaassaa 2:14

Ne hananabaa yootiyaageeti neeyyo worddonne pattenna ajjuutaa be7idosona; eti neeni omooduwau beenna mala, ne nagaraa qonccissidi yootibookkona. Eti balettiya worddo ajjuutaa neeyyo be7idosona.

Hizqqeela 21:21

Baabiloone kawoi ogeti gaittiyo ballan, malaata tuussatu matan eqqana. I augaa ogiyaa baanaakko eranau, wonddafiyaa zubbeta saamaa yeggana; ba eeqatuura zorettana; mehiyaa maracciyaakka xeellana.

Hizqqeela 21:29

Intte be7iyo ajjuutai worddo; intte yootiyo hiraagaikka worddo. Intte iitanne tuna asa; intte wurssetta pirddaa gallassai gakkiis. Intte qooriyan bisoi wodhdhana hanees.

Hizqqeela 34:5

Dorssati ubbai heemmiyaabi xayin laalettidosona; laalettidi bazzo do7atussi quma gididosona.

Hizqqeela 34:8

Ubbaa Haariya GODAI hagaadan yaagees; “Taani ta de7uwan caaqqais: Ta dorssata heemmiyaabai xayin, ta dorssati oiqettidi, bazzo do7atussi ubbaassi quma gididosona. Ta henttanchchati ta dorssata koyibeenna gishshaunne eti ta dorssata heemmennan aggidi, banttana heemmido gishshau,

Hoose7a 3:4

Hegaadankka, Israa7eela asai kawoi woikko halaqai bainnan, yarshshoi woikko eeqa tuussi bainnaaninne eefuudiyaa giyo maayoi woikko so giddo eeqaa misilee bainnan daro wodiyaa de7ana.

Mikiyaasa 2:12

“Inttenoo, Yaaqooba zaretoo, taani inttena ubbaakka shiishshana; taani Israa7eela asaappe attidaageeta tumuppe muliyaakka shiishshana. Dorssati birddiyan shiiqiyoogaadaaninne dorssaa wudee hentta gaden shiiqiyoogaadan, taani eta issippe shiishshada wottana. He sohoi daro asaa wocaman kumana.

Imbbaaqooma 2:18

“I bau eeqi ai maaddii? A asi giigissiis gidennee? Worddoppe attin, an harabi aibinne beettenna. Yaatin, a medhdhida bitanee ha ainne haasayenna eeqaa ammaniyoogee a ai maaddanaassee?

Zakkaariyaasa 11:17

Dorssa wudiyaa yeggi bayida he iita pattenna henttanchchaassi aayye7ana! A qesiyaanne a ushachcha aifiyaa bollan bisoi wodhdho. A qesee silo; a ushachcha aifeekka tippi giidi to7o” yaagiis.

Maatiyoosa 9:36

Daro asaa be7idi, heemmiya asi bainna dorssadan asai hirggiyo gishshaunne asaa maaddiyaabi bainna gishshau, asaayyo qarettiis.

Marqqoosa 6:34

Yesuusi wolwoluwaappe kiyidi, daro asaa be7iis; asai heemmiya asi bainna dorssaa mala gidido gishshau, qarettidi asaa darobaa tamaarissuwaa doommiis.

Zaarettido Wogaa 13:2

i yootido malaatai woikko maalaalissiyaabai tumu gididi polettin, i inttena, 'Ane kase intte erenna hara xoossatussi goinnoos' yaagikko,

Daannatu Maxaafaa 18:14

Laayisha biittaa wochchanau biida ichchashu asati bantta ishantta, “Ha sohuwan, ha keettatuppe issuwan eefuudee, so giddo eeqaa misiletinne mittaappe masettidi biran sheeshettida misilee de7iyoogaa ereetii? Ane ai oottanau koshshiyaakko qoppite” yaagidosona.