Zakkaariyaasa 1:21 - Wolaytta Bible

²¹ Bessin taani, “Hageeti ai oottanau yiidonaa?” yaagada oichchaas. Oichchin i zaaridi, “Hageeti ooninne xoqqu giidi xeellennaadan, Yihudaa biittaa laalida kaceta yashissanau yiidosona; qassi Yihudaa biittaa laalanau bantta kaciyaa denttida Aihuda gidenna kawotettatu kaciyaa qoxxidi, sa7an yegganau yiidosona” yaagiis.

Zakkaariyaasa 1:21 Iomraidhean Croise

Mazamure Maxaafaa 75:10

I iita asatu kaciyaa ubbaa menttana, shin xillotu kacee xoqqu xoqqu gaana.

Mazamure Maxaafaa 83:2

Be7a! Ne morkketi ne bolli denddoosona; nena ixxiyaageeti ne bolli makkaloosona.

Ermmaasa Zilaassaa 2:17

GODAI ba halchchidoogaa oottiis; beni wode i awaajjido ba qaalaakka poliis. Yerusalaamissi qarettennan o qoliis. I morkketakka ufaissiis; o huqqunnidaageetu wolqqaakka xoqqu xoqqu oottiis.

Daaneela 12:7

He liinuwaa maayidi, shaafaa haattaappe bolla baggaara de7iyaagee ba ushachcha kushiyaanne ba haddirssa kushiyaa saluwaa zaari denttidi, merinau de7iyaagaa sunttan hagaadan yaagidi caaqqiis; “Hagee wodee, wodetinne wodiyaa baggai gakkanaashin gam77ana; qassi geeshsha asatu wolqqai kinchchettidi wuriyo wode, ha ubbabaikka polettana” yaagiis.

Zakkaariyaasa 1:19

Be7ada tanaara haasayiya kiitanchchaa, “Hageeti aibee?” yaagada oichchaas. Ikka tau zaaridi, “Ha kaceti Yihudaa, Israa7eelanne Yerusalaame laalida kawotettatu leemisota” yaagiis.