Zakkaariyaasa 1:16 - Wolaytta Bible

¹⁶ Hegaa gishshau, taani GODAI hagaa odais; taani Yerusalaame maarotaara simmaas. Ta Beeta Maqidasee yan keexettana; Yerusalaame katamaikka wodoruwan likettana. Taani Ubbaappe Wolqqaama GODAI hagaa odais' yaagees” yaagada awaajja.

Zakkaariyaasa 1:16 Iomraidhean Croise

Iyyooba Maxaafaa 38:5

Ha sa7ai ai keena gidanau bessiyaakko, he qofaa qachchidai oonee? Likkiyo wodoruwaakka sa7aa bolli yeggidaagee oonee? Hegaa zaaruwaa ubbaa erai?

Isiyaasa 12:1

He wode intte hagaadan yaagana; “Abeet GODAU, neeni tana hanqqettadasa; hanqquwaappekka simmadasa; yaatada tana minttettadasa. Hegaa gishshau, taani nena galatais.

Isiyaasa 34:11

SHin xinggilleenne quxarssai a laattana; guttoinne quuroi an de7ana. Xoossai Eedooma bolli qolettaa likkiyo wodoruwaanne baisatettaa likkiyo tumbbiyaa piddi oottidi yeddana.

Ermmaasa 30:18

GODAI hagaadan yaagees; “Taani Yaaqooba zaretu keettaa omoodettosaappe guyye zaarada, ishalissana; eti de7iyo sohuwaukka qarettana. Yerusalaame katamaikka kase ba qolettidosan, kawo keettaikka kase ba sohuwan simmidi keexettana.

Hizqqeela 40:3

I tana yaa ekkidi efiis; efin taani nahaasiyaa birataadan phooliya issi bitaniyaa be7aas. He bitanee liinuwaappe oosettida meetiriyaanne likkiyo gatimaa oiqqidi, dirssaa penggen eqqiis.

Hizqqeela 47:3

He bitanee likkiyo meetiriyaa ba kushiyan oiqqidi, arshsho baggi biidi, goggiya haattaa kaallidi, 1,000 waraa likkiis. Likkidi tana haattaa giddoora kaalettiis; haattai taayyo meeshi meqettaa gakkees.

Hizqqeela 48:35

“Katamaa yuushoi muleera likkin, 18,000 wara gidana. He wodeppe doommidi he katamai, 'GODAI Hegan De7ees' yaagetettidi xeesettana” yaagees.

Hagge 1:14

Yaatin, GODAI Salaatiyaala na7aa, Yihudaa biittaa haariya Zarubaabeela, Yoxedeeqa na7aa, qeese ubbatu halaqaa Yaasanne omooduwaappe simmida asa ubbaa denttettiis; denttettin eti yiidi, Ubbaappe Wolqqaama GODAA, bantta Xoossaa Beeta Maqidasiyaa keexuwaa doommidosona.

Zakkaariyaasa 10:6

“Taani Yihudaa asaa minttettana; Yooseefa asaakka ashshana; taani etayyo qarettiyo gishshau, eta zaarada ehaana; qassi etikka taani eta kasekka aggabeennabaa mala gidana. Taani GODAA eta Xoossaa gidiyo gishshau, eta woosaa siyana.

Zakkaariyaasa 2:4

Yiidi a hagaadan yaagiis; “Woxxa; woxxada he yelaga bitaniyaa, 'GODAI hagaadan yaagees; “Asaanne mehiyaa darotettaappe denddidaagan Yerusalaame katamaa yuushuwaa gimbbanau danddayettenna. Taani a yuushuwan tama dirssa gidana; taani a giddon bonchcho gidana” yaagees' yaaga” yaagiis.

Zakkaariyaasa 2:6

GODAI ba asaa hagaadan yaagees; “Taani inttena ubbasan laalaas. SHin ha77i huuphessa bagga biittaappe kichchite!” yaagees.

Zakkaariyaasa 4:9

Yin Zakkaariyaasi hagaadan yaagiis; “Ha Beeta Maqidasiyaa baasuwaa Zarubaabeela kusheti baasidosona; qassi poluwaakka a kusheti keexxidi polana. Hegaappe guyyiyan, Ubbaappe Wolqqaama GODAI tana inttekko kiittidoogaa intte erana.

Zakkaariyaasa 8:3

GODAI hagaadan yaagees; 'Taani Xiyoone simmana; simmada Yerusalaame giddon de7ana. Qassi Yerusalaameekka Ammanettiya Katama geetettana; Ubbaappe Wolqqaama GODAA deree qassi Geeshsha Dere geetettidi xeesettana' yaagees.