Zakkaariyaasa 1:14 - Wolaytta Bible

¹⁴ “Hegaa gishshau, tanaara haasayiya kiitanchchai tana, 'Ha qaalaa awaajja; “Ubbaappe Wolqqaama GODAI hagaadan yaagees; 'Taani Yerusalaamessinne Xiyoonessi daro mishettais.

Zakkaariyaasa 1:14 Iomraidhean Croise

Isiyaasa 37:32

Aissi giikko, wuriiddi attidaageeti Yerusalaameppe, palahidaageetikka Xiyooneppe kiyana. Ubbaappe Wolqqaama GODAA mishoi hegaa oottidi polana.

Isiyaasa 38:22

Yaagin Hizqqiyaasikka, “Taani paxada GODAA Beeta Maqidasiyaa pude kiyanaagau malaatai aibee” yaagidi Isiyaasa oichchi wottiis.

Isiyaasa 40:1

Intte Xoossai hagaadan yaagees; “Ta asaa minttettite! Minttettite!

Isiyaasa 40:2

Yerusalaamessikka, a omooduwan de7ido wodee polettidoogaa, i nagarai atto geetettidoogaa yootite; i nagaraa gishshau, GODAI o naa77u dakko qaxxayidoogaa yootite” yaagees.

Isiyaasa 40:6

Issi cenggurssai, “Waassa!” yaagiyaagaa siyaas. Siyada taani, “Woigada waassoo?” yaagaas. “Asai ubbai maataa mala; a bonchcho ubbaikka dembbaa ciishshaa mala.

Isiyaasa 42:13

GODAI mino asadan kiyana; olanchcha asadan, i ba hanqquwaa denttana. I waassana; ba qaalaakka xoqqu oottidi alaahana. I mino gidiyoogaa ba morkketa bessana.

Isiyaasa 59:17

GODAI xillotettaa tiran wottiyo ola miishshadan maayiis; ba huuphiyankka atotettaa qophiyaa wottiis. Haluwaa kessiyo maayuwaakka maayidi, mishuwaa qumaashshaa qumaayiis.

Isiyaasa 63:15

Abeet GODAU, saluwaara duge xeella; xeellada neeni de7iyo geeshshanne bonchcho gidida sohuwaara be7a. Neeni mishettiyo mishoinne ne wolqqai anee? Ne wozanai nuna laamotiyo laamotainne ne qaretai nuuppe haakkiis.

Isiyaasa 9:7

A kawotettaa daruwaunne a sarotettau zawai de7enna; hachchippe doommidi, merinaa gakkanaassi, suure pirddaaninne xillotettan minttanaunne essanau Daawita kawotaa araataaninne a kawotettan i kawotana; Ubbaappe Wolqqaama GODAA mishoi hegaa polana.

Hizqqeela 36:5

I tumuppe hagaadan yaagees; “Taani ta eexxiya hanqquwan hara kawotettatu bollinne Eedooma bolli haasayaas. Eti wozanaappe ufaittiiddinne kariiddi, ta biittaa banttau ekkidosona; hentta gadetakka laattidosona.

Hoose7a 11:8

“Efireemaa, taani nena waatada aggoo? Israa7eelaa, taani nena waatada aatta immoo? Taani nena waatada Adaama giyo katamaadan oottoo? Taani nena waatada Xaboima giyo katamaadan oottoo? Taani nena keehi siiqiyo gishshau, ta wozanai hegaa eenenna.

Yuu7eela 2:18

Yaatin, GODAI ba biittaassi mishettana; qassi ba asaukka qarettana.

Naahooma 1:2

GODAI qanaatiyaanne haluwaa kessiya Xoossaa; GODAI haluwaa kessiyaagaanne hanqquwan kumidaagaa; GODAI banaara eqettiyaageetussi haluwaa kessees; qassi ba morkketa qaxxayanau ba hanqquwaa giigissi wottiis.

Zakkaariyaasa 1:13

Yaagin GODAI tanaara haasayiya kiitanchchau lo77onne minttettiya qaalan zaaruwaa immiis.

Zakkaariyaasa 1:17

“'Zaarettadakka hagaadan yaagada awaajja; “Ubbaappe Wolqqaama GODAI hagaadan yaagees; 'Ta katamatu duretettai kumi goggana; qassi taani GODAI Xiyoone zaarettada minttettana; Yerusalaamekka zaarettada doorana' yaagees” yaagada awaajja' yaagiis” yaagiis.

Zakkaariyaasa 1:9

Yaatin, taani, 'Ta godau, hageeti aibee?' yaagaas. “Yaagin tanaara haasayiya kiitanchchai zaaridi tana, 'Hageeti aibakkonne taani nena bessana' yaagiis.

Zakkaariyaasa 4:1

Hegaappe guyyiyan, tanaara haasayida kiitanchchai simmidi yiidi, xiskkida asa beegottiyoogaadan, tana beegottiis.