Yuu7eela 2:23 - Wolaytta Bible

²³ Inttenoo Xiyoone asatoo, ufaittite; GODAN, intte Xoossan, hashshu giite! Aissi giikko, i badhdheesaa iraa intteyyo darissidi immiis; qassi i kaseegaadan, intteyyo badhdheesaa iraanne ofinttaa iraa gidissidi immiis.

Yuu7eela 2:23 Iomraidhean Croise

Kawotu Maxaafaa Koiruwaa 8:36

Siyada ne ashkkaratu nagaraa, ne asaa Israa7eela nagaraa atto yaaga. Eti hemettanau bessiya lo77o ogiyaa eta tamaarissa; yaatada neeni ne asaa laatissido biittan iraa bukissa.

Iyyooba Maxaafaa 33:23

“Asau suure ogiyaa bessiya, sha7an qoodettiya kiitanchchatuppe issoi ayyo gaannatanau yiyaakko,

Iyyooba Maxaafaa 37:13

Xoossai iraa bukissiyoogee biittaa irxxissanaassa, woikko asaa qaxxayanaassa, woikko ba siiquwaa eta bessanaassa.

Mazamure Maxaafaa 104:34

Taani GODAN ufaittiyo gishshau, ta qofai a dosisso.

Mazamure Maxaafaa 147:8

I saluwaa shaaraa maizzees; sa7aassi iraa bukissees; qeera deretu bolli maataa mokissees.

Mazamure Maxaafaa 149:2

Israa7eela asati banttana medhdhidaagan ufaittona. Xiyoone asati bantta kawuwan keehippe ufaittona.

Mazamure Maxaafaa 28:7

GODAI taayyo wolqqanne gonddalle; ta wozanai an ammanettees; hegan taani maadettaas. Hegaa gishshau, ta wozanai an ufaittees; taani yettan a sabbana.

Mazamure Maxaafaa 32:11

Inttenoo, xillotoo, GODAN ufaittitenne “Hashshu!” giite; inttenoo, wozanaa suuretoo, ufaissau yexxite.

Mazamure Maxaafaa 84:6

Baaka giyo mela zanggaaraara eti kanttiyo wode, he sohoi pultto kiyees. Badhdheesaa iraikka bukkidi, yan deelliyaa zin77issees.

Leemiso Maxaafaa 16:15

Kawuwaa som77oi pashkkikko, hegee simmi de7o. I nashshiyoogee badhdheesaa iraa ehiya shaaraa mala.

Isiyaasa 30:21

Intte ushachchi woikko haddirssi simmiyo wode, guyyeera inttena, “Ogee hagaa; an biite” yaagiya cenggurssaa intte siyana.

Isiyaasa 30:23

He wode intte biittan zerido kattaassi i iraa bukissana; biittaappe mokkiya kattaikka murutanne daro gidana. He gallassi intte miizzai aaho dembban hemettana.

Isiyaasa 41:16

Neeni eta suraggana; suraggin carkkoi eta efaana; goteekka eta laalana. SHin neeni GODAN ufaittana; qassi Israa7eela geeshshan bonchchettana.

Isiyaasa 61:10

Taani GODAN keehippe ufaittais; ta shemppiyaakka ta Xoossan hashshu gausu. Aissi giikko, bullachchiyaagee ba huuphiyan ciishsha akiliiliyaa wottiyoogaadan, bullashettiyaarakka dumma dumma alleequwan alleeqettiyoogaadan, i tana atotettaa maayuwaa maizziis; xillotettaa qumaashshaakka bollaara taayyo gujjiis.

Ermmaasa 3:3

Hegaa gishshau, badhdheesai teqettiis; silaa iraikka bukkennan aggiis. Hegaa hanikkokka, neeyyo shaaramuxiyo merai de7ees; neeni yeellatennan ixxadasa.

Ermmaasa 5:24

Eti bantta wozanan, “Nuussi silaa iraara gabbaa iraara wodiyan wodiyan immiya, nuna nu kattaa dabarssissennan shiishissiya GODAASSI, nu Xoossaassi, ane yayyoos” gibookkona.

Ermmaasa Zilaassaa 4:2

Kase bonchchettida worqqa lagge gidida Xiyoone naati ha77i kushe hiillai urqqaappe medhdhido miishshaa mala gididosona.

Hizqqeela 34:26

Taani etanne ta deriyaa yuushuwan de7iya sohota anjjana. Etau koshshiya iraakka wodiyan immana; he irai etau anjjo gidana.

Hoose7a 6:3

GODAA ane eroos; a erana mala, minttidi ane a kaalloos. Awai mokkiyoogee tuma gidiyoogaadan, ikka tumu beettana. Badhdheesa iraadan, biittaa aliya balggo iraadan, i nuukko yaana” yaagees.

Wogaabaa 26:4

taani intteyyo iraa wodiyan bukissana; biittaikka kattaa darissidi mokkana; dembbaa mittatikka aifiyaa aifana.

Amoxa 4:7

Kattaa cakkiyo wodee gakkanau biron heezzu aginai de7ishin, taani intteyyo iraa teqqaas. Taani issi kataman iraa bukissada hara kataman bukkennaadan diggaas; issi shooqan bukkiis; hara bukkibeenna shooqai qassi meliis.

Zakkaariyaasa 10:1

Balggoi gakkiyo wode, GODAI iraa immanaadan woossite. GODAI dulkka shaaraa kiittees; qassi i asau iraa immees; ataakilttiyaakka shooqan mokissees.

Zakkaariyaasa 10:7

Israa7eela asai mino olanchchaa mala gidana; woine eessaa uyida asadan, eta wozanai ufaittana. Eta naatikka hegaa be7idi, hashshu gaana; eta wozanai GODAN ufaittana.

Zakkaariyaasa 9:13

Aissi giikko, taani Yihudaa wonddafedan, Israa7eelakka zubbedan go7ettana. Xiyoonee, taani ne naata Giriike biittaa naatu bolli denttana; nenakka wolqqaama olanchchaa bisuwaa mala oottana” yaagees.

Zakkaariyaasa 9:9

Nenoo Xiyoone katamau, ufaitta! Nenoo Yerusalaame katamau, ilila! Be7a, xoonida ne xillo kawoi neekko yees. Ne kawoi ashkke gididi, hariyaa bolli, hare maraa bolli uttidi, neekko yees.

Yesuusi Kiittidoogeetu Oosuwaa 14:17

Intteyyo iraa saluwaappe bukissees; kattaakka i wodiyan immees; qassi qumaa immidi, inttena daro ufaissees; yaatidi intteyyo lo77obaa oottiiddi, ubba wodekka bau markka xayibeenna” yaagidosona.

Zaarettido Wogaa 11:14

intte kattaa, woiniyaanne zaitiyaa paccennan shiishshana mala, ofinttaa iraanne balgguwaa iraa, a wodiyan wodiyan GODAI intte biittan bukissana.

Zaarettido Wogaa 28:12

“Ne kushiyaa oosuwaa ubbaa anjjanaunne, GODAI ne biittaassi iraa wodiyan bukissanau ba minjja keettaa, saluwaa penggiyaa neeyyo dooyana; qassi neeni daro kawotettatussi tal77anappe attin, ooppenne haa tal77akka.

Zaarettido Wogaa 32:2

Ta timirttee iraadan bukko; ta qaalaikka akkaadan, purcco maataa bollan wodhdhiya nazziina iraadaaninne carshshaa bollan wodhdhiya diifiyaadan wodhdho.

Piliphphisiyuusa 3:1

Wurssettan, ta ishatoo, Godai intteyyo ufaissaa immo. Taani kase xaafidoogaa zaarettada xaafiyoogee tana waissenna; qassi he xaafiyoogee inttena naagana.

Piliphphisiyuusa 3:3

Aissi giikko, nuuni Xoossaa Geeshsha Ayyaanan Xoossaayyo goinniyo gishshaunne nu de7uwan Godaa Kiristtoos Yesuusan ufaittiyo gishshau, tumu qaxxaraa qaxxarettidaageeta; asatettaa bolli oosettiyaaban ammanokko.

Piliphphisiyuusa 4:4

Godaara intte de7iyo de7uwan ubba wode ufaittite; taani hagaa gujjadakka gais; ufaittite.