Yuu7eela 2:1 - Wolaytta Bible

¹ Xiyoonen malkkataa punnite; ta geeshsha deriyankka malkkataa sissite! Yihudaa biittan de7iya asai ubbai yashshau kokkoro; aissi giikko, GODAA gallassai yees; yiidi matattees.

Yuu7eela 2:1 Iomraidhean Croise

Hanidabaa Odiya Koiro Maxaafaa 15:28

Hagaadan oottidi, Israa7eela ubbai hombbociiddi, xurumbbaanne malkkataa punniiddi, daalaa qaattiiddinne, diittaanne maazinqqiyaa diixxiiddi, GODAA Maachchaa Taabootaa ehiidosona.

Mazamure Maxaafaa 119:120

Ta bollai neessi yayyidi kokkorees; taani ne pirddaassi yayyais.

Mazamure Maxaafaa 87:1

GODAA katamai geeshsha deriyan keexettiis.

Kessaabaa 10:14

Boolee Gibxxe biitta ubbaa bolli woraajjidi, biitta ubbasan gau7idi uttiis. Hagaa keena boole boshi he biittan hagaappe kasenne hanibeenna; woikko hagaappe sinttaunne zaarettidi hanenna.

Isiyaasa 13:6

GODAA gallassai matido gishshau yeekkite! He gallassai Ubbaappe Wolqqaama Xoossaa matappe bashshadan yaana.

Isiyaasa 13:9

Be7ite; meqettaa iitidi, yiilluwaaninne suulo hanqquwan biittaa baisa kessanaunne an de7iya nagaranchchata xaissanau, GODAA gallassai yees.

Isiyaasa 2:12

Ubbaappe Wolqqaama GODAI issi gallassaa keeriis. He gallassi otorettiyaageeta, ayyiyaageetanne xoqqu xoqqu giidaageeta kaushshana;

Isiyaasa 66:2

Hageeta ubbabaakka ta kushee oottiis gidennee? Hegaa gishshau, hageeti ubbatikka taageeta. SHin taani bana ziqqi oottiyaagaakko, ba oottido nagarau azzanidi simmiyaagaakkonne ta qaalan kokkoriyaagaakko xeellana.

Isiyaasa 66:5

Inttenoo, GODAA qaalaayyo yayyidi kokkoriyaageetoo, a qaalaa siyite; “Intte ishantti, inttena ixxiyaageeti, ta sunttaa gishshau, inttena bohiyaageeti, 'Intte ufaissaa nuuni be7ana mala, GODAI ane bonchchettin be7ana' yaagidosona; shin eti yeellatana.

Ermmaasa 16:10

“Neeni ha qaalaa ubbaa ha asaayyo odiyo wode, eti nena, 'GODAI aissi hagaa mala gita iitabaa nu bolli awaajjidee? Nuuni ai mooridoo? GODAAYYO, nu Xoossaayyo, nuuni oottido nagari aibee?' yaagana.

Ermmaasa 16:7

Yeekkiya asau haatta ushuwaa efiidi, qumaa aara issippe miidinne uyidi, kayyuwaa balettiyaabi issoinne de7enna. Harai atto aayyiyaa woikko aawai haiqqido uraakka balettiyaabi baawa.

Ermmaasa 4:5

GODAI hagaadan yaagees; “Yihudan yootite. Yerusalaamen, 'Biitta ubban malkkataa punnite!' yaagidi awaajjite. Intte qaalaa xoqqissidi, hagaadan giidi waassite! 'Issippe shiiqite! Ane gimbbee yuuyi aadhdhido katamaa hinddite!' yaagite.

Ermmaasa 5:22

Laa intte taayyo aissi yayyekketii? Intte ta sinttan aissi kokkorekketii? Aissi giikko, taani shaahetaa abbaayyo zawa, merinau a pinttenna dirssa oottaas. Beetati pushakettikkokka xoonanau danddayokkona. Eti guummikkokka pinnanau danddayokkona.

Hizqqeela 12:23

Hegaa gishshau, etayyo neeni, 'Ubbaa Haariya GODAI hagaadan yaagees; “Taani ha leemisoi naa77antto hassayettennaadan oottana; eti zaarettidi, hegaa Israa7eela biittan leemisokkona” yaagees' yaaga. Qassi etayyo, 'Gallassai matattiis; ajjuutai ubbaikka polettana hanees' yaaga.

Hizqqeela 21:12

“'“Laa asa na7au, yeekkanne zilaala! Aissi giikko, he bisoi giigettidoogee ta asaa bollaananne Israa7eela halaqatu ubbaa bollaana. Halaqatikka ta asaara issippe bisuwan haiqqana. Hegaa gishshau, ne tiraa baqqa.

Hizqqeela 30:3

Aissi giikko, he gallassai matiis! GODAA gallassai gakkiis! He gallassai shaarai sikkido gallassanne kawotettatu ubbaayyo meto gallassa gidana.

Hizqqeela 33:3

He wochchiyaagee morkkee yiyoogaa be7innee asai naagettanaadan, malkkataa punno.

Hizqqeela 33:6

SHin he wochchiyaagee morkkee yiyoogaa be7iiddi, malkkataa punnennan aggikkonne asaa erissana xayikko, olaikka yiidi, he asaappe issi uraa worikko, he urai ba nagaran haiqqees; shin taani a suuttaa wochchiyaagaa achchana' yaaga.

Hizqqeela 7:10

“'Gallassai hageeho! Gakkiis! Intte pirddai gakkiis! Intte iitatettai aaciis; intte otoroikka ciiyiis.

Hizqqeela 7:12

Wodee gakkiis; gallassaikka matattiis! Hanqqoi asaa ubbaa bollaana gidiyo gishshau, shammiyaagee ufaittoppo; woikko baizziyaageekka azzanoppo.

Daaneela 6:26

“Ta kawotettan de7iya asai ubbai Daaneela Xoossaassi yayyana malanne kokkorana mala, taani awaajuwaa kessaas. “Aissi giikko, i de7o Xoossaa; qassi i merinau de7iyaagaa. A kawotettai mulekka xayenna; a kawotaa maataikka mule attenna.

Daaneela 9:16

Abeet Godau, neeni kase ne xillo ooso ubbaa oottidoogaadan, hai ne hanqquwaanne ne teegaa ne katamaappe, Yerusalaameppe, ne geeshsha deriyaappe, wora zaara. Nuuni oottido nagarainne nu aawati oottido mooroi Yerusalaamenne ne asaanne nu yuushuwan de7iya ubbaassi qilliicciyoobaa kessiis.

Daaneela 9:20

Taani woossaidda, ta nagaraanne ta asaa Israa7eela nagaraa paaxaiddanne ta Xoossaa geeshsha deriyaabaa, Yerusalaamebaa GODAASSI ta Xoossaassi watiwataidda takkaas.

Hoose7a 5:8

Gib77a kataman malkkataa, Raama kataman xurumbbaa punnite. “Biniyaama asau, nuuni intte guyyiyan de7oos; hegaa erite!” yaagidi, Beeti-Aweenan waasuwaa xulluusite.

Hoose7a 8:1

“Malkkataa punna! Aissi giikko, eti ta maachchaa kanttidi, ta higgiyaa menttido gishshau, GODAA asaa bolli morkkee argganttaadan aallanttees.

Yuu7eela 1:15

GODAA gallassai matees; he gallassau aayye7ana! He gallassai Ubbaa Danddayiya Xoossaappe bashsha gallassa gididi yees.

Yuu7eela 2:11

GODAI ba olanchchatu sinttan guummees; au azazettiya olanchchati coranne wolqqaama. GODAA gallassai gitanne daroppe yashshiyaagaa. He gallassaa danddayanai oonee?

Yuu7eela 2:15

Xiyoonen malkkataa punnite; xoomaa awaajjite; geeshsha yaa7au asaa xeesidi shiishshite!

Yuu7eela 2:31

Gitanne daroppe yashshiya GODAA gallassai gakkanaappe kase awai xumana; aginaikka suutta milatana.

Yuu7eela 3:14

Pirddaa wombban GODAA gallassai gakkiis; hegaa gishshau, daro daro asai pirddaa wombban de7ees.

Yuu7eela 3:17

Taani ta geeshsha deriyan Xiyoonen de7iya GODAA intte Xoossaa gidiyoogaa intte he wode erana. Yerusalaame katamai geeshsha gidana; qassi allagati naa77antto Yerusalaame woraajjokkona.

Amoxa 3:6

Katamaa giddon olaa malkkatai punettiyo wode, asai yashshan kokkorenneeyye? Woikko GODAI kiittennan de7ishin, bashshai issi katamaa bollan yiiyye?

Amoxa 5:18

Inttenoo, GODAA gallassai yaanaadan amottiyaageetoo, intteyyo aayye7ana! GODAA gallassaa aissi amotteetii? He gallassai xumappe attin, poo7o gallassa gidenna.

Amoxa 8:2

I tana, “Amoxaa, ha neeni be7iyoogee aibee?” yaagidi oichchiis. Oichchin taani, “Teeri kumido keeshiyaa be7ais” yaagaas. Yaatin GODAI taayyo hagaadan yaagiis; “Ta asaa Israa7eelassi wurssettai gakkiis; hagaappe sinttanau taani eta qaxxayennan aadhdhikke” yaagiis.

Abddiyyu 1:15

“Aihuda gidenna asatu ubbaa bolli GODAA gallassai gakkiis. Nenoo Eedoomaa, neeni haratu bolli oottidobai ne bolli oosettana; ne daafaikka ne huuphiyan simmana.

Sofonaasa 1:14

GODAA gita gallassai matiis; matidikka qassi keehippe eesotees. GODAA gallassai camo gallassa. He gallassi mino olanchchatikka waasuwaa xulluusana.

Sofonaasa 1:16

He gallassai yuushuwaa direttida katamatu bollinne adussa gimbbetu bolli olaa malkkatai punettiyo gallassanne olanchchati olaa alaassaa alaahiyo gallassa gidana.

Sofonaasa 1:7

GODAA gallassai matido gishshau, Ubbaa Haariya GODAA sinttan co77u giite! GODAI yarshshuwaa giigissiis; qassi ba xeesido imattatakka geeshshiis.

Sofonaasa 3:11

He wode intte ta bolli makkalidi oottido oosotu gaasuwan yeellatekketa; aissi giikko, otorettiyaanne ayyiyaageeta taani intte giddoppe diggarggana. Qassi inttekka hagaappe sinttan ta geeshsha deriyan otorettekketa.

Zakkaariyaasa 14:1

Be7ite, GODAA gallassai yees; he wode intteppe bonqqidobaa intte xeellishin, eti shaakki shaakki ekkana.

Zakkaariyaasa 8:3

GODAI hagaadan yaagees; 'Taani Xiyoone simmana; simmada Yerusalaame giddon de7ana. Qassi Yerusalaameekka Ammanettiya Katama geetettana; Ubbaappe Wolqqaama GODAA deree qassi Geeshsha Dere geetettidi xeesettana' yaagees.

Milkkiyaasa 4:1

Ubbaappe Wolqqaama GODAI hagaadan yaagees; “Be7ite, coociyaa tamaadan eexxiya gallassai matattiis; otorettiyaageetinne iitaa oottiyaageeti ubbai utula mala gidana. He yiya gallassai eta xuuggana; etayyo xaphuwaa xeeraakka ashshenna.

Qoodaabaa 10:2

“Naa77u xurumbbata biraappe qoxxada ootta; yaatada asaa shiiquwau xeeganaunne qassi dunkkaanidosaappe denddanau denttettanaadan punna.

Qoodaabaa 10:3

Ha naa77u xurumbbati punettiyo wode, asai ubbai Xoossaa Dunkkaaniyaa penggee neekko shiiqo.

Koiro Qoronttoosa 14:8

Qassi malkkataa waasoi geeyidi erettana xayikko, olaassi oonee giigettanai?

Piliphphisiyuusa 2:12

Hegaa gishshau, ta dabbotoo, taani inttenaara de7iyo wode ubban intte tau azazettidoogaadan, ha77i taani intte matan de7enna wodekka, intte kaseegaappe aattidi tau azazettanau bessees; yashshatettaaninne kokkorssan intte atotettaa polanau oottite.

Koiro Tasalonqqe 5:2

Aissi giikko, Godaa gallassai kaisoi qammi yiyoogaadan yaanaagaa intte loitti ereeta.

Yaaqooba 5:8

Inttekka qassi genccite; yayyoppite. Aissi giikko, Godaa yuussai matattiis.

Koiro PHeexiroosa 4:7

Ubbabaukka wurssettai matattiis. Hegaa gishshau, Xoossaa woossanau wozanaa qofai de7iyoogeetudan, inttena naagitenne minnite.

Ajjuutaa 6:17

Aissi giikko, eta gita hanqquwaa gallassai gakkiichchiis; he hanqquwaa danddayanai oonee?” yaagidosona.