Yuu7eela 1:12 - Wolaytta Bible

¹² Woiniyaa turai meliis; balasiyaa mittaikka shulliis; roomaane giyo mittai, temire giyo mittai, appiliyaa giyo mittainne qassi shooqan de7iya hara mitta ubbaikka meliis. Hegaa gishshau, asaappe ufaissai haakkiis.

Yuu7eela 1:12 Iomraidhean Croise

Mazamure Maxaafaa 4:7

Neeni ta wozanan gita ufaissaa kunttadasa. Hegeenne, katta aifeenne ooratta woiniyaa eessai banttayyo darin ufaittiyaageeta ufaissaappekka dariyaagaa.

Mazamure Maxaafaa 92:12

Xilloti zambbaadan daayana; qassi Liibaanoosa zigaadan diccana.

Siiquwaa Sabaa 2:3

“Ta siiqoi hara wodallatu giddon xeelliyo wode, woran de7iya appiliyaa giyo mittaa milatees; tana keehi ufaissin, a kuwaa giddon uttaas; a aifee min, tana keehi mal77ees.

Siiquwaa Sabaa 4:13

Ne ataakilttetu giddon: roomaanee, doorettida ataakilttiyaa aifeti, heenainne narddoosiyaa giyoogeeti de7oosona.

Isiyaasa 16:10

Kattaa aifiyan kumida shooqaappe ufaissainne hashshu guussai ekettiichchiis. Woiniyaa tokkiyo sohuwankka mazamuree yexettenna. Ufaissan woiniyaa teeraa gum77iyo sohuwan gum77iyaabi baawa. Taani gum77iyaageeti ililiyo ililssaakka xaissaas.

Isiyaasa 24:11

Woine eessai xayidoogau asai gutaran waassees; ufaissa ubbai azzanuwau laamettiis; sa7aa ufaissai ubbai kichchiis.

Isiyaasa 24:7

Woiniyaa turaa anoi melin, woine eessaikka al77iis; kase ufaittiya ubbai azzanees.

Isiyaasa 9:3

Neeni kawotettaa asaa darissadasa; etau ufaissaa gujjadasa; asai kattaa cakkiyo wode ufaittiyoogaadan, woikko omooduwaa shaakkidi ekkiyo wode ufaittiyoogaadan, ne sinttan ufaittana.

Ermmaasa 48:3

“Horonaima asai, 'Laalettainne wolqqaama bashshai gakkiis' yaagidi waassiyo waasuwaa siyite!

Ermmaasa 48:33

Lo77o kattai aifiyo Moo7aaba biittaappe pashkkainne ufaissai ekettiichchiis. Woiniyaa teeraa gum77iyo sohotuppekka woine eessai goggennaadan teqqarggaas. Ooninne naa77antto a ililiiddi gum77enna. Asaa cenggurssai siyettikkokka, ufaissa cenggurssa gidenna.

Yuu7eela 1:10

SHooqai mela attiis; biittaikka yeekkees. Aissi giikko, kattai xayiis; woiniyaa turai meliis; zaiteekka laafiis.

Yuu7eela 1:16

Nu sinttaappe kattai, nu Xoossaa Beeta Maqidasiyaappe ufaissainne ililssai xayiis gidennee?

Yoonaasa 4:7

SHin wonttetta gallassi maallado Xoossai guxuniyaa giigissiis; he guxunee gosiyaa miyoorin, gosee meli aggiis.

Hagge 2:19

Ha77i zerettau haniya katti intte gootaran xayikkonne, qassi woiniyaa turai, balasee, roomaaneenne wogaraikka hachchi gakkanaashin aifiyaa aifana xayikkonne, hachchippe doommada taani inttena anjjana” yaagees.

Milkkiyaasa 3:11

Intte biittai mokkiyo kattaa meennaadan, taani intte gishshau qunuwaa seerana; gaden de7iya woiniyaa aifeekka qoqqofettenna. Taani Ubbaappe Wolqqaama GODAI hagaa odais.

Qoodaabaa 13:23

Hegaara kanttidi, eti Eshkkoola giyo zanggaaraa biidi gakkido wode, woine tura issuwaappe issi wurccuwaara de7iya issi tashiyaa qanxxidosona; qanxxidi etappe naa77ai kasuwaa gidduwan gelissi tookkidosona. Hegaara roomaaniyaanne balasiyaa giyo mittatu aifiyaa ehiidosona.