Yoonaasa 2:2 - Wolaytta Bible

² “Taani ta tuggaa giddon de7aidda GODAA xeegaas; xeegin i tau koyiis. Taani Si7ooliyaa ulo giddon de7aidda waassaas; neenikka ta waasuwaa siyadasa.

Yoonaasa 2:2 Iomraidhean Croise

Hanidabaa Odiya Naa77antto Maxaafaa 33:12

Minaasee tuggatido wode, GODAA ba Xoossaa maaduwaa woossiis; ba aawatu Xoossaa sinttan banatettaa keehippe kaushshiis.

Mazamure Maxaafaa 116:3

Haiqoi piredan tana oiqqanau haniis; moogettana hirggai tana iissiis. Tana gashee toliis.

Mazamure Maxaafaa 120:1

Ta waayiyaa wode taani GODAA xeesaas; xeesin i taayyo koyiis.

Mazamure Maxaafaa 16:10

Tana Si7ooliyau aattada immakka; neeni nenan ammanettiyaagaa musissakka.

Mazamure Maxaafaa 22:24

I naaqettidaageeta karenna; eta gakkida qohuwaa tau ai metoo geenna. Bari som77uwaa etappe genttenna; shin eti maaduwaassi akko waassiyo wodiyan, eta waasuwaa siyees.

Mazamure Maxaafaa 34:6

Ha hiyyeesa bitanee waassiis; waassin GODAI a waasuwaa siyiis; a metuwaa ubbaappe a ashshiis.

Mazamure Maxaafaa 4:1

Abeet tana xillissiya Xoossau, taani nena xeesiyo wode, taayyo koya. Taani un77ettido wode, neeni tana shemppissadasa. Taayyo neeni qarettada ta woosaa siya.

Mazamure Maxaafaa 61:2

Taani ta sooppe kiyada haaho sohuwan de7ishin, ta wozanai taahido wode, taani nena xeesais. Taappe xoqqiya zaallaakko, tana kaaletta.

Mazamure Maxaafaa 65:2

Abeet woosaa siyiyaagoo, asai ubbai neekko yaana.

Mazamure Maxaafaa 86:13

Aissi giikko, aggenna ne siiqoi taayyo daro; neeni tana duufuwan geliyoosaappe ashshadasa.

Isiyaasa 14:9

“Neeni yiyo wode, Si7oolee nena mokkanau hirkkin giigiis; i kase biittaa kaalettida asatu moitilleta nena sarotanaadan denttettees; qassi kase kawotettatussi kawo gidida ubbatakka eta araataappe dentti essees.

Ermmaasa Zilaassaa 3:55

Abeet GODAU, taani ciimma ollaa giddon de7aidda ne sunttaa xeegaas.

Hizqqeela 26:20

He wode taani nena duge ciimma ollau biyaageetuura issippe, adussa wodiyaappe kase haiqqida asatukko duge yeggana. Neeni biittaappe garssan, beni moogettida burcceti de7iyoosan, ciimma ollau biyaageetuura issippe de7anaadan, taani nena oottana. Neeni naa77antto asi de7iyo katama kiyakka; paxa de7iyaageetu biittankka simmada, ne sohuwaa oiqqakka.

Hizqqeela 31:14

Haattaa lanqqen dicciya mittatu giddon adan aduqqidi, xeerai shaaraa gakkiyo mitti de7enna. Haiqqiya asaa bolli gakkiya haiquwaa pirddai he mittaa bolli gakkana; he pirddai i haiqqidi, duufuwan geliyaageetuura Si7ooliyan gelanaassa” yaagees.

Maatiyoosa 12:40

Yoonaasi gita moliyaa uluwan heezzu gallassaanne heezzu qammaa de7idoogaadan, taani, Asa Na7aikka, biitta giddon heezzu gallassaanne heezzu qammaa de7ana.

Luqaasa 11:10

Aissi giikko, woossiya ubbai ekkana; koyiya urai demmana; qassi kare yiidi xeesiya urau karee dooyettana.

Luqaasa 22:44

Ba wozanaa giddon mishettidi, daro minttidi woossees. I cawattiyo cawai sa7an xokkiya suutta milatees.

Yesuusi Kiittidoogeetu Oosuwaa 2:27

Aissi giikko, ta shemppuwaa Si7ooliyan aggakka. Qassi ne Geeshsha Na7aa ahaakka musissakka.

Ibraawe 5:7

Yesuusi sa7an de7iyo wode, bana haiquwaappe ashshanau danddayiya Xoossaa keehi yeekkidinne afuxxidi woossiisinne oichchiis; Xoossai a woosaa siyidoogee, i bana toochchidoogaassanne bau yayyidoogaassa.

Sameela Maxaafaa Koiruwaa 1:16

Taani ta tuggaanne ta mishuwaa daruwaa hagan haasayido gishshau, tana ne ashkkariyo 'Pattenna maccaasa' gaada qoppoppa” yaagaasu.

Sameela Maxaafaa Koiruwaa 30:6

Asai Daawita shuchchan caddanau haasayido gishshau, Daawiti keehippe tuggatiis; aissi giikko, a asai ubbai ba attuma naatunne macca naatu gishshau, keehippe yiillotiis; shin Daawiti GODAN ba Xoossan minettiis.