Yohaannisa 8:12 - Wolaytta Bible

¹² Qassikka Yesuusi asau, “Taani sa7au poo7o; tana kaalliya ooninne de7o poo7uwaa ekkanaappe attin, xuman mulekka hemettenna” yaagidi haasayiis.

Yohaannisa 8:12 Iomraidhean Croise

Iyyooba Maxaafaa 33:28

Taani duufuwan gelennaadan tana ashshiis; hekko, ha77i paxa de7ada, poo7uwaa be7ais' yaagana.

Mazamure Maxaafaa 18:28

Abeet GODAU, neeni ta xomppiyaa poo7issaasa; ta Xoossai poo7issin, ta xumai kichchees.

Mazamure Maxaafaa 49:19

simmidi poo7o be7enna ba maizza aawatun gaittees.

Mazamure Maxaafaa 97:11

Xillotuyyo poo7oi poo7ees; wozanaa suuretuyyo ufaissai de7ees.

Isiyaasa 49:6

“Neeni Yaaqooba zariyaa denttanaunne Israa7eelappe attidaageeta zaarada ehaanau, neeni taayyo ashkkara gidiyoogee qii guuttabaa. Hegaa gishshau, ta atotettai biittaa gaxaa gakkanaadan, taani nena kawotettatuyyo poo7o oottana” yaagees.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.

Isiyaasa 9:2

Xuman hemettiya asai wolqqaama poo7uwaa be7iis; qassi sakkana xuma biittan de7iyaageetuyyo poo7oi poo7iis.

Hoose7a 6:3

GODAA ane eroos; a erana mala, minttidi ane a kaalloos. Awai mokkiyoogee tuma gidiyoogaadan, ikka tumu beettana. Badhdheesa iraadan, biittaa aliya balggo iraadan, i nuukko yaana” yaagees.

Milkkiyaasa 4:2

SHin intteyyo, ta sunttaassi yayyiyaageetuyyo a qefiyaa giddon pattiyaabai de7iyo xillotettaa awai mokkana. Inttekka qashuwaappe yedettida anqqara galuwaadan buraaqana.

Maatiyoosa 5:14

“Sa7au intte poo7o mala; deriyaa huuphiyan keexettida katamai geemmana danddayenna.

Luqaasa 2:32

He ashettai Israa7eela gidenna asau nebaa bessiya poo7o mala; qassi ne asaa Israa7eelassi bonchcho” yaagiis.

Yohaannisa 12:35

Yaagin Yesuusi, “Poo7oi inttenaara guutta wodiyaa takkana. Intteyyo xumenna mala, poo7oi de7ishin, poo7uwan hemettite. Xuman hemettiya urai au biyaakkonne erenna.

Yohaannisa 12:36

Poo7uwaa asa gidana mala, intteyyo poo7oi de7ishin, poo7uwaa ammanite” yaagiis. Yesuusi hegaa haasayidoogaappe guyyiyan, biidi etappe geemettiis.

Yohaannisa 12:46

Tana ammaniya ubbai xuman de7enna mala, taani poo7o gidada sa7aa yaas.

Yohaannisa 14:6

Yesuusi zaaridi, “Ogee, tumainne de7oi tana; ta baggaarappe attin, ooninne ta Aawaakko baanau danddayenna.

Yohaannisa 3:19

Asaa bolli pirddiyo pirddai hagaa; poo7oi sa7aa yiis; shin asaa oosoi iita gidiyo gishshau, asai poo7uwaappe aattidi, xumaa siiqees.

Yohaannisa 7:17

Xoossaa sheniyaa oottanau dosiya ooninne ha taani tamaarissiyoogee Xoossaa matappe yiyaakko woi qassi taani ta huupheppe haasayiyaakko erana.

Yohaannisa 9:5

Taani sa7an de7aidda sa7au poo7o” yaagiis.

Yesuusi Kiittidoogeetu Oosuwaa 13:47

Aissi giikko, Godai nuna, ‘Asai ubbai intte baggaara attana mala, inttena taani Aihuda gidennaageetussi poo7o oottaas’ yaagidi azaziis” yaagidosona.

Naa77antto PHeexiroosa 2:17

He asati meliichchida pulttuwaa mala; qassi gotee tookkidi efiyo shaaraa mala; Xoossai etau sakkana xumaa giigissi uttiis.

Naa77antto PHeexiroosa 2:4

Nagara oottida kiitanchchatuyyo Xoossai qarettennan, pirddaa gallassai gakkanaassi xuma ollan eti qashetti uttido gaannabiyan yeggiis.

Koiro Yohaannisa 1:6

Nuuni nuuyyo aara issippetettai de7ees giidi xuman de7ikko, nu haasayaaninne nu oosuwan worddotoos.

Yihudaa 1:13

Eti bantta pokkuwaa genttenna hoommotiya, iita abbaa beetaa mala. Eti Xoossai merinau sakkana xuman sohuwaa giigissi wottido yuuyiya xoolinttetu mala.

Yihudaa 1:6

Qassi bantta de7iyoosaa aggidi, banttau imettida halaqatettaa naagibeenna kiitanchchati pirddaa ekkiyo gita gallassai gakkanaassi Xoossai eta naagiyoosan, xumaappe garssan merinau qashettidi de7oosona.

Ajjuutaa 21:24

Asa zerettai katamee poo7uwan hemettana. Sa7aa kawotikka bantta bonchchuwaa he katameekko ehaana.