Yohaannisa 5:39 - Wolaytta Bible

³⁹ “Xoossaa maxaafatuppe merinaa de7uwaa demmiyoobaa intteyyo milatin, eta xanna7eeta; etikka tabaa markkattoosona.

Yohaannisa 5:39 Iomraidhean Croise

Mazamure Maxaafaa 1:2

SHin GODAA higgiyan i ufaittees; a higgiyaa gallassinne qammi qoppees.

Mazamure Maxaafaa 119:11

Taani nena naaqqennaadan ne qaalaa ta wozanan wottaas.

Mazamure Maxaafaa 133:3

Hegee Hermmoone Deriyaa xaazai Xiyoone Dereta gakkiyoogaa mala. GODAI hegan anjjuwaa, merinaa de7uwaa immiis.

Mazamure Maxaafaa 16:11

Neeni tana de7o ogiyaa bessaasa. Taani ne achchan de7in, ta ufaissai polettees; ne ushachcha baggaara ufaissai merinau de7ees.

Mazamure Maxaafaa 21:4

Neeni de7uwaa ayyo immanaadan nena woossiis; woossin ayyo immadasa. Meri merinau a bariyaa adussadasa.

Mazamure Maxaafaa 36:9

Aissi giikko, de7uwaa pulttoi ne achchan de7ees; ne poo7uwan nuuni poo7uwaa be7oos.

Leemiso Maxaafaa 6:23

Aissi giikko, ha azazoti xomppe; timirttetikka poo7o; qassi seeraikka de7uwaakko efiya oge.

Isiyaasa 34:16

GODAA maxaafaappe koyidi nabbabite. GODAA doonai azazido gishshaunne a ayyaanai shiishshido gishshau, hageetuppe issoinne paccenna; qassi issoinne ba laggee bainnan de7enna.

Isiyaasa 8:20

Higgiyaanne GODAI yootiyoobaa siyite! He asati ha qaalaadan haasayana xayikko, etau sa7ai wonttenna.

Ermmaasa 8:9

Aadhdhida eranchchati yeellatana; eti kauyyananne oiqettana. Eti GODAA qaalaa olirggin, etayyo aiba eratetti de7ii?

Daaneela 12:2

Kase haiqqidi moogettida asaappe daroti denddana. Etappe baggati merinaa de7uwau, baggati qassi yeellaunne merinaa kaushshau denddana.

Maatiyoosa 22:29

Yesuusi zaaridi, hagaadan yaagiis; “Xoossaa maxaafata woi a wolqqaa intte erenna gishshau baleeta.

Marqqoosa 10:3

Oichchin i zaaridi, “Muusee inttena woigi azazidee?” yaagiis.

Marqqoosa 12:10

“ ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis. Hagee Godai oottidobaa; qassi nu aifiyaukka garamissiyaabaa’ yaagiyaagaa Xoossaa maxaafaappe nabbabibeekketii?” yaagiis.

Luqaasa 16:29

“SHin Abrahaami, ‘Muuseenne hananabaa yootiyaageeti xaafido maxaafai etau de7ees; he maxaafai giyoogaa eti siyona’ yaagiis.

Luqaasa 16:31

“Abrahaamaa, ‘Eti Muuseenne hananabaa yootiyaageeti xaafido maxaafaappe siyana xayikko, harai atto haiquwaappe issi urai denddikkokka ammanokkona’ giis” yaagiis.

Luqaasa 24:25

Yesuusi eta, “Intte aiba eeyya asee? Hananabaa yootiyaageeti odido ubbabaa intte wozanan ammananau waanidi gam77eetii?

Luqaasa 24:27

Yaagidi Muuse maxaafaappenne hananabaa yootiyaageetu maxaafaappe doommidi, Xoossaa maxaafatu ubban babai xaafettidaagaa etassi birshshiis.

Luqaasa 24:44

I eta, “Taani inttenaara de7aidda, ‘Muuse higgiyan, hananabaa yootiyaageetu maxaafaaninne Daawita mazamuriyaa maxaafan tabai xaafettidaagee ubbai polettanau bessees’ yaagada, inttessi yootido yohoi hagaa” yaagiis.

Yohaannisa 1:45

Piliphphoosi Naatinaa7eelaara gaittidi, “Higgiyaa maxaafan Muusee abaa xaafidoogaa, qassi hananabaa yootiyaageetikka abaa xaafidoogaa, Yooseefa na7aa Yesuusaara, Naazireete kataman de7iyaagaara, nuuni gaittida” yaagiis.

Yohaannisa 5:32

Tabaa markkattiya harai de7ees; qassi i tabaa markkattiyoogee tuma gidiyoogaa taani erais.

Yohaannisa 5:36

“SHin tau Yohaannisaagaappe aadhdhiya markkatettai de7ees; aissi giikko, taani wurssanau Aawai taayyo immido oosoi, ha taani oottiyoogee, Aawai tana kiittidoogaa tabaa markkattees.

Yohaannisa 5:40

SHin de7uwaa demmanau taakko yiyoogaa intte koyekketa.

Yohaannisa 5:46

Intte Muusa ammanidabaa gidiyaakko, tanakka ammanana; aissi giikko, tabaa xaafidai a.

Yohaannisa 7:52

Yaagin eti zaaridi a, “Neenikka qassi Galiila biittaa asee? Galiila biittaappe hananabaa yootiyaabi beettennaagaa Xoossaa maxaafata marammarada era” yaagidosona.

Yesuusi Kiittidoogeetu Oosuwaa 13:27

Aissi giikko, Yerusalaamen de7iya asainne eta halaqati Yesuusanne Sambbata gallassa ubban nabbabettiya hananabaa yootiyaageetu qaalaa akeekibeenna gishshau, a bolli pirddidi, hananabaa yootiyaageetu qaalaa polidosona.

Yesuusi Kiittidoogeetu Oosuwaa 17:11

Beeriyaa asati Tasalonqqen de7iya asatuppekka aadhdhiya akeekanchcha gidido gishshau, “PHauloosi giidoogee tumakkonne” yaagidi, ubba gallassi Xoossaa maxaafata tamaariiddi, qaalaa kumetta laamotan ekkidosona.

Yesuusi Kiittidoogeetu Oosuwaa 26:27

“Kawuwaa Agriiphphaa, neeni hananabaa yootiyaageetubaa ammanai? Neeni etabaa ammaniyoogaa taani erais” yaagiis.

Roome 1:2

Xoossai daro wodeppe kase ba hananabaa yootiyaageetu baggaara wonggeliyaa immana yaagidoogee Xoossaa Geeshsha Maxaafatun xaafettiis;

Roome 3:2

Hagee Aihudata ubbaban keehi maaddees; ubbabaappe kase Xoossai ba kiitaa hadaraa Aihudatuyyo immiis.

Zaarettido Wogaa 18:15

GODAI intte Xoossai, intte zariyaa giddoppe, ta mala hananabaa yootiyaagaa intteyyo denttana. Intte i giyoogaa siyite.

Zaarettido Wogaa 18:18

Taani eta zaretu giddoppe, ne mala hananabaa yootiyaagaa etayyo denttana; denttada ta qaalaa a doonan wottana; ikka taani a azaziyo ubbaa etayyo yootana.

Zaarettido Wogaa 29:29

“Xuura yohoti GODAA nu Xoossaassa; shin nuuni ha higgiyaa qaalaa oottanaadan, qonccida yohoti merinau nuussanne nu naatussa.

Zaarettido Wogaa 32:47

Ha qaalai intteyyo de7oppe attin, coo mela qaala gidenna. Ha qaalaa naagikko, intte Yorddaanoosa pinnidi laattana biittankka adussa laittaa de7ana” yaagiis.

Qolasiyaasa 3:16

Kiristtoosa qaalai intte wozanan kumidi de7o; intteyyo de7iya aadhdhida eratetta ubban issoi issuwaa tamaarissitenne zorite; intte wozanan Xoossaa galatiiddi, xalotiyaanne mazamuriyaa, Xoossaa sunttaa xoqqu oottiya yettaa yexxite.

Ibraawe 11:16

eti hegaa aggidi, lo77iya biittaa laamotoosona; hegee saluwaa biittaa. Hegaa gishshau, Xoossai eta Xoossaa geetettanau yeellatenna. Aissi giikko, i etau katamaa giigissi wottiis.

Ibraawe 11:35

Maccaasati bantta haiqqidaageeti haiquwaappe paxidaageeta ekkidosona. Qassi harati qashuwaappe birshshettanaagaa ixxidi, kehiya de7uwaayyo haiquwaappe denddanau, bukettidi haiqqidosona.

Yaasu Maxaafaa 1:8

Ha Higgiyaa Maxaafai ne doonaappe shaahettoppo; an xaafettidabaa ubbaa minttada naaganau, gallassinne qammi a qoppa. Yaatikko, neeyyo ubbabaikka injjetananne giigana.

Ajjuutaa 19:10

Yaagin taani ayyo goinnanau a tohuwan kunddaas. SHin i tana, “Hegaa oottoppa. Taani ne malanne Yesuusi etayyo qonccissido tumatettaa oiqqida ne ishanttu ubbaa mala ashkkara. Xoossaayyo goinna” yaagiis. Aissi giikko, Yesuusi qonccissido tumatettai hananabaa yootiyaageeta denttettiyaagaa.