Yohaannisa 5:26 - Wolaytta Bible

²⁶ Aissi giikko, Aawai banan de7oi de7iyoogaadan, ba Na7aanikka de7oi de7ana mala oottiis.

Yohaannisa 5:26 Iomraidhean Croise

Mazamure Maxaafaa 36:9

Aissi giikko, de7uwaa pulttoi ne achchan de7ees; ne poo7uwan nuuni poo7uwaa be7oos.

Mazamure Maxaafaa 90:2

Dereti merettanaappe kase, woikko neeni sa7aa oottanaappe kase, merinaappe merinaa gakkanaayyookka neeni Xoossaa.

Kessaabaa 3:14

Xoossai Muusa, “Taani tanattennee; neeni Israa7eelatuyyo, 'Tanattennee inttekko tana kiittiis' yaaga” yaagiis.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Yohaannisa 1:4

Aani de7oi de7ees; de7oi asau poo7o.

Yohaannisa 10:18

Taani dosada ta shemppuwaa aatta immiyoogaappe attin, taappe ooninne ekkenna. Taayyo ta shemppuwaa aatta immiyo maatai de7ees; qassi zaarettada ekkanaukka maatai de7ees. Taani ha azazuwaa ta Aawaappe ekkaas” yaagiis.

Yohaannisa 11:25

Yesuusi iyyo, “Taani denddonne de7o; tana ammaniya urai harai atto, haiqqikkokka paxa de7ana.

Yohaannisa 11:26

Qassi paxa de7iya urainne tana ammaniya urai ubbai mulekka haiqqenna; hegaa neeni ammanai?” yaagiis.

Yohaannisa 14:19

Guutta wodiyaappe guyyiyan, sa7ai tana naa77antto be7enna; shin intte tana be7ana; taani paxa de7iyo gishshau, inttekka qassi paxa de7ana.

Yohaannisa 14:6

Yesuusi zaaridi, “Ogee, tumainne de7oi tana; ta baggaarappe attin, ooninne ta Aawaakko baanau danddayenna.

Yohaannisa 4:10

Yesuusi zaaridi o, “Neeni Xoossai immiyoobaanne qassi nena haattaa ushsha giyaagee oonakko eriyaabaa gidiyaakko, a woossana shin; i neeyyo de7o haattaa immana” yaagiis.

Yohaannisa 6:57

De7o Aawai tana kiittin, taani a gaasuwan de7iyoogaadan, tana miya uraikka ta gaasuwan de7ana.

Yohaannisa 8:51

Taani intteyyo tumaa odais; ta qaalaa naagiya ooninne mulekka haiqqenna” yaagiis.

Yesuusi Kiittidoogeetu Oosuwaa 17:25

Aibakko paccido asadan, asa kushe i xeellenna; aissi giikko, i ba huuphen de7uwaa shemppuwaanne ubbabaa asa ubbaassi immees.

Koiro Qoronttoosa 15:45

Hegaadankka, qassi Xoossaa maxaafan, “Koiro bitanee, Addaamee, paxa de7iya asa gidi merettiis” yaagees. SHin wurssetta Addaamee de7uwaa immiya ayyaana gidiis.

Koiro Ximootiyoosa 1:17

Aifiyan beettenna merinaa Xoossau issuwau, merinaa Kawuwau, merinaappe merinaa gakkanaassi galatainne bonchchoi gido.

Koiro Ximootiyoosa 6:16

Haiqqennaagee issi a xalaala. Ooninne akko shiiqanau danddayenna poo7uwan de7ees. Ooninne a be7ibeenna; qassi be7anaukka danddayenna. Bonchchoinne merinaa wolqqai ayyo gido. Amin77i.

Ibraawe 1:2

SHin ha wurssetta wodiyan, ubbabaa a laatissidi, sa7aa a baggaara medhdhido ba Na7aa baggaara nuuyyo haasayiis.

Ajjuutaa 21:6

Qassikka tana hagaadan yaagiis; “Polettiis. Taani Alifaanne Omeegaa; Doomettaanne Poluwaa. Saamettida oonanne taani de7uwaa haattaa pulttuwaappe coo ushshana.

Ajjuutaa 22:1

Hegaappe guyyiyan, kiitanchchai tana Xoossaa kawotaa araataappenne Dorssaa kawotaa araataappe goggiya birilledan phooliya de7o haattaa shaafaa bessiis.

Ajjuutaa 22:17

Geeshsha Ayyaanainne bullashettiyaara, “Haaya” yaagoosona. Qassi hagaa siyiya ooninne, “Haaya” yaago. Saamettida asi ooninne haa yo. De7o haattaa koyiya asi ooninne coo ekko.

Ajjuutaa 7:17

Aissi giikko, kawotaa araataayyo gidduwan uttida Dorssai eta heemmana. De7o haattaa pulttuwaakkokka eta kaalettana. Xoossaikka eta aifiyaappe afutta ubbaa quccirggana” yaagiis.