Yohaannisa 4:15 - Wolaytta Bible

¹⁵ Maccaasiyaa zaarada, “Godau, taani saamettenna malanne haattaa tikkanaukka ha sohuwaa yeenna mala, taayyo he haattaa imma!” yaagaasu.

Yohaannisa 4:15 Iomraidhean Croise

Mazamure Maxaafaa 4:6

Daroti, “Nuna lo77obaa bessanai oonee?” yaagoosona. Abeet GODAU, neeni nuna keha aifiyan xeella.

Yohaannisa 4:16

Yaagin Yesuusi o, “Baada ne azinaa xeesada haa ya” yaagiis.

Yohaannisa 6:26

Yaagin Yesuusi zaaridi, “Taani intteyyo tumaa odais; intte tana koyiyoogee oittaa miido gishshassanne kallido gishshassa gidiyoogaappe attin, wolqqaama malaata be7ido gishshassa gidenna.

Yohaannisa 6:34

Eti zaaridi, “Godau, nuuyyo he oittaa ubba wode imma” yaagidosona.

Yohaannisa 6:35

Yaagin Yesuusi, “Taani de7o oitta; taakko yiya urai mulekka namisettenna. Qassi tana ammaniya urai mulekka saamettenna.

Roome 6:23

Aissi giikko, nagarai qanxxiyo miishshai haiquwaa. SHin Xoossai nu Godaa Kiristtoos Yesuusa baggaara immiyo imoi merinaa de7uwaa.

Roome 8:5

Bantta asatettai koyiyoogaadan de7iyaageeti bantta asatettaabaa qoppoosona; shin Geeshsha Ayyaanai koyiyoogaadan de7iyaageeti Geeshsha Ayyaanaabaa qoppoosona.

Koiro Qoronttoosa 2:14

SHin Geeshsha Ayyaanai bainna asi Xoossaa Ayyaanaa yohuwaa ekkenna; aissi giikko, hegee ayyo eeyyatetta. Yohoi Geeshsha Ayyaanan qorettiyo gishshau, i eranau danddayenna.

Yaaqooba 4:3

Xoossaa intte woossiyo wode, intte amuwaa polanau woosseeta; qassi intte qofai iita gidiyo gishshau demmekketa.

Koiro Yohaannisa 5:20

Nuuni tumu Xoossaa eranaadan, Xoossaa Na7ai yiidoogaanne nuuyyo akeekaa immidoogaa eroos. Nuuni tumu Xoossaa giddon, a Na7aa Yesuus Kiristtoosa giddon de7eettees; i tumu Xoossaanne merinaa de7uwaa.