Yohaannisa 3:29 - Wolaytta Bible

²⁹ Bullachchiyo maccaasiyaa de7iyo urai bullachchiyaagaa; he bullachchiyaagaa laggee eqqidi, i giyoogaa siyiyaagee bullachchiyaagaa haasayan daro ufaittees. Hegaa gishshau, hagee ta ufaissai polettiis.

Yohaannisa 3:29 Iomraidhean Croise

Siiquwaa Sabaa 3:11

“Inttenoo, Xiyoone geela7otoo, Kawuwaa Solomona be7anau haayite! I keehi ufaittido, a bullachchaa gallassi a aayyiyaa a huuphiyan wottido kallachchaa goxxi uttiis” yaagaasu.

Siiquwaa Sabaa 5:1

“Ta siiqo michchiyo gidiya ta mishiree, be7a; taani ta ataakilttiyaa giddo gelaas. Ta karbbiyaanne ta shitto ciishshaa qorais. Eessaa oittaa yolttayada mais. Ta woiniyaa eessaanne ta maattaa uyais” yaagiis. “Inttenoo, a laggetoo, siiquwaa alana gakkanaashin uyite” yaagidosona.

Isiyaasa 54:5

Aissi giikko, nena Medhdhidaagee neessi azinaa; ayyo sunttaikka Ubbaappe Wolqqaama GODAA. Israa7eela Geeshshai nena Wozidaagaa; i biitta ubbaa Xoossaa geetettees” yaagees.

Isiyaasa 66:11

Aissi giikko, intte i minttettiya xanttaa xammidi kallana; qassi i daro bonchchuwaappe loitti uyidi, intte ufaittana” yaagees.

Ermmaasa 2:2

“Ba; baada Yerusalaame asaa haittan hagaadan yaagada awaajja; 'Neeni yelagatettan taayyo ai keena ammanettidaakko, qassi neeni biron mishiran de7iyo wode, tana ai keena siiqidaakko, taani GODAI hassayais. Neeni bazzo gidduwaara, zeretti zeretti erenna biittaara tana kaalladasa.

Hizqqeela 16:8

“'“Naa77anttuwaa taani hegaara kanttaidda, nena xeelliyo wode, neeni gelossi gakkada borssida asa gidadasa. Yaatin, ta maayuwaa ne bolli yeggada, ne kalluwaa kammaas. Taani neeyyo caaqqada nenaara maachchaa maacettin, neeni taaro gidadasa. Taani Ubbaa Haariya GODAI hagaa odais.

Hoose7a 2:19

“Taani nena merinau taassi giigissana; giigissaidda xillotettaaninne suure pirddan, aggenna siiquwaaninne maarotan taassi giigissana;

Maatiyoosa 22:2

“Saluwaa kawotettai ba na7aayyo bullachchaa makkida kawuwaa mala.

Maatiyoosa 25:1

“He wode saluwaa kawotettai bantta kuraaziyaa oiqqidi, machchiyo bullachchiyaagaa mokkanau kare kiyida tammu geela7ota milatana.

Maatiyoosa 9:15

Yesuusi eta hagaadan yaagiis; “Bullachchaa yiida asati machchiyo ekkiyaagee banttanaara de7ishin, kayyottanau danddayiyoonaa? Danddayokkona; shin machchiyo ekkiyaagaa eta matappe efaana wodee yaana; eti he wode xoomana.

Luqaasa 15:6

Tookkidi soo ehiidi, ba laggetanne ba shoorota issippe xeesees; xeesidi, ‘Taani ta bayida dorssiyo demmido gishshau, tanaara ufaittite’ yaagidi, etassi odees.

Yohaannisa 15:11

“Ta ufaissai inttenaara de7ana malanne, inttekka daro ufaittana mala, taani hagaa intteyyo yootaas.

Yohaannisa 16:24

Ha77i gakkanaassikka ta sunttan ainne woossibeekketa; intte ufaissai polettana mala, Xoossaa woossite; intte ekkana.

Yohaannisa 17:13

“Ha77i taani neekko bais; eta wozanan ta ufaissai polettana mala, hagaa taani sa7an haasayais.

Yohaannisa 3:30

I gitatana bessees; taani qassi guuxxana bessees” yaagiis.

Naa77antto Qoronttoosa 11:2

Xoossai qanaatiyoogaadan, taanikka intteban qanaatais; aissi giikko, taani inttena issi attumaagau, Kiristtoosau immana gaada, geela7otettaara de7iya geeshsha geela7eedan giigissa wottaas.

Piliphphisiyuusa 2:2

Yaatikko, intte qofan, siiquwan, wozanaaninne qofaa poluwan issuwaa gididi, tana wurssi ufaissite.

Koiro Yohaannisa 1:4

Nuuni nu ufaissai polettana mala, hagaa intteyyo xaafoos.

Naa77antto Yohaannisa 1:12

Taani intteyyo xaafanau koyido darobai de7ees; shin woraqataaninne qalamiyan xaafanau koyabeikke; shin nu ufaissai polettana mala, inttenaara doonan haasayanau inttekko baana gaada qoppais.

Ajjuutaa 21:9

Laappun wurssetta boshati kumido laappun kereta oiqqida laappun kiitanchchatuppe issoi taakko yiidi tana, “Haaya. Taani nena bullashettiyaaro Dorssaa keettaayyiyo bessana” yaagiis.