Yohaannisa 20:16 - Wolaytta Bible

¹⁶ Yesuusi o, “Mairaamee” yaagiis. A akko simmada, Ibraisxxe qaalan “Rabunii” yaagaasu; hegaa birshshettai “Tamaarissiyaagoo” giyoogaa.

Yohaannisa 20:16 Iomraidhean Croise

Doomettaabaa 22:1

Hegaappe simmin, Xoossai Abrahaama paacciis; i a, “Abrahaamaa” yaagidi xeesiis. Xeesin i, “Yee” yaagidi koyiis.

Doomettaabaa 22:11

SHin GODAA kiitanchchai saluwaappe a, “Abrahaamaa, Abrahaamaa” yaagidi xeesiis. Xeesin i, “Yee” giidi koyiis.

Doomettaabaa 45:12

Qassikka Yooseefi eta, “Inttekka ta ishaa Biniyaamikka, ha inttenaara haasayiyaagee tumu tana Yooseefa gidiyoogaa intte aifiyan be7eeta.

Kessaabaa 3:4

I be7anau yaa biidoogaa GODAI be7iis; be7idi Xoossai buuraa giddoppe a, “Muusee! Muusee!” yaagidi xeesiis. Xeesin Muusee, “Yee!” giidi koyiis.

Kessaabaa 33:17

Yaagin GODAI Muusa, “Taani nenan ufaittido gishshaunne nena ne sunttan eriyo gishshau, neeni tana oichchidoogaa ubbaa taani oottana” yaagiis.

Siiquwaa Sabaa 3:4

Etappe yaa kanttanne ta siiquwaa demmaagaas. I taappe kessi ekkennaadan, minttada oiqqaas; oiqqada taayee soo ekka efaas; ta yelettido kifiliyaa gelissaas.

Siiquwaa Sabaa 5:2

“Taani qammi xiskkaas; shin ta wozanai beegotti uttiis. Ta aimuwan ta siiqoi hagaadan yaagiiddi, penggiyaa qoxxishin siyaas; 'Ta mishiree, ta siiqee, nenan wottiyoobi bainna ta haraphphee, tau kariyaa dooya; ta huuphee akkan ka77iis. Ta binnaanaikka qamma diifiyan narkkakkiis' yaagees.

Isiyaasa 43:1

SHin nenoo Yaaqoobaa, nenoo Israa7eelaa, nena medhdhida GODAI hagaadan yaagees; “Taani nena wozido gishshau yayyoppa. Taani nena ne sunttan xeesaas; neeni taagaa.

Maatiyoosa 14:27

SHin Yesuusi sohuwaara eta, “Aikko baawa; tanattennee; yayyoppite” yaagiis.

Marqqoosa 10:51

Yesuusi a, “Taani neeyyo ai oottanau koyai?” yaagiis. Yaagin qooqee, “Tamaarissiyaagoo, taani xeellanaagaa koyais” yaagiis.

Luqaasa 10:41

Yaagin Yesuusi zaaridi o, “Marttee, Marttee, neeni daroban hirggaasa; qassi tuggataasa.

Yohaannisa 1:38

Yesuusi bana kaalliyaageeta guyye simmi be7idi, “Ai koyeetii?” yaagidi oichchiis. Eti zaaridi, “Rabii, neeni awan de7ai?” yaagidosona. “Rabii” giyoogee “Tamaarissiyaagoo” giyoogaa.

Yohaannisa 1:49

Naatinaa7eeli zaaridi, “Tamaarissiyaagoo, neeni Xoossaa Na7aa! Neeni Israa7eela kawuwaa!” yaagiis.

Yohaannisa 10:3

Penggiyaa naagiyaagee au penggiyaa dooyees; dorssatikka a qaalaa siyana; i ba dorssata eta sunttan sunttan xeesidi, kare kaalettana.

Yohaannisa 11:28

Martta hegaa giidoogaappe guyyiyan, baada ba michcheeyyo geeman xeesada, “Tamaarissiyaagee yiidi, nena koyees” yaagaasu.

Yohaannisa 13:13

Intte tana tamaarissiyaagoonne Godau geeta; taani he intte giyoogaa gidiyo gishshau, loittideta.

Yohaannisa 20:28

Toomaasi zaaridi, “Ta Godau, ta Xoossau!” yaagiis.

Yohaannisa 3:2

Niqoodimoosi qammi Yesuusakko yiidi, “Tamaarissiyaagoo, neeni Xoossai kiittido tamaarissiyaagaa gidiyoogaa nuuni eroos; aissi giikko, Xoossai aara de7iyo asappe attin, ha neeni oottiyo wolqqaama malaatata oottanau danddayiya asi baawa” yaagiis.

Yohaannisa 5:2

Yerusalaamen dorssaa penggiyaa matan Ibraisxxe qaalan Beetasaida giyo dagatti uttida haattai de7ees; he dagatti uttida haattaa yuuyi aadhdhida ichchashu baranddai de7ees.

Yohaannisa 6:25

Asai Yesuusa abbaappe hefinttan demmido wode, “Tamaarissiyaagoo, hagaa aude yaadii?” yaagiis.

Yesuusi Kiittidoogeetu Oosuwaa 10:3

Issi gallassi uddufun saate heeran, “Qornneliyoosaa” giya Xoossaa kiitanchchai baakko gelishin, Qornneliyoosi ajjuutan geeshshidi be7iis.

Yesuusi Kiittidoogeetu Oosuwaa 9:4

Poo7in Saa7ooli sa7an kunddidaashin, “Saa7oolaa Saa7oolaa, aissi tana waissai?” giya qaalaa siyiis.

Sameela Maxaafaa Koiruwaa 3:10

Hegaappe guyyiyan, GODAI yiidi hegan eqqidi kaseegaadankka, “Sameelaa, Sameelaa” yaagidi xeesiis. Xeesin Sameeli, “Yoota; taani ne ashkkarai siyais” yaagiis.

Sameela Maxaafaa Koiruwaa 3:6

Qassikka GODAI, “Sameelaa” yaagidi naa77anttuwaa xeesiis; xeesin Sameeli denddidi, Eelakko biidi, “Neeni xeesin hekko yaas” yaagiis. SHin Eeli, “Ta na7au, taani nena xeesabeikke; baada zin77a” yaagiis.