Yohaannisa 19:28 - Wolaytta Bible

²⁸ Hegaappe guyyiyan, Yesuusi ubbabai ha77i polettidoogaa eridi, Xoossaa maxaafai giidoogee polettana mala, “Tana saammees” yaagiis.

Yohaannisa 19:28 Iomraidhean Croise

Mazamure Maxaafaa 22:15

Ta qooree kon77adan melees; ta inxxarssai kookkiyaara ohettees. Neeni tana haiqqida asadan baanan yeggadasa.

Mazamure Maxaafaa 69:21

Taani namisettido wode, taayyo cammiya qumaa aattidosona. Taani saamettido wode, taayyo caala woine eessaa immidosona.

Luqaasa 12:50

Taani xammaqettana xinqqatiyaa de7ausu; he xinqqatiyaa polettanaashin, taani waana tuggataneeshsha!

Luqaasa 18:31

Yesuusi tammanne naa77u erissiyo ashkkarata banaara efiiddi eta, “Nuuni ha77i Yerusalaame kiyeettees; hananabaa yootiyaageeti xaafido tabai Asa Na7aabai ubbai polettana.

Luqaasa 22:37

Aissi giikko, taani inttessi odais; Xoossaa maxaafan xaafettida tabai polettiyo gishshau, ‘Hagee mooranchchatuura paidettiis’ geetettidi xaafettidaagee tanan polettanau bessees” yaagiis.

Luqaasa 9:31

Eti bonchchuwaara beettidi, Yesuusi Xoossaa qofaa polanau Yerusalaamen haiqqanaagaa aara haasayidosona.

Yohaannisa 13:1

Paasikaa bonchchiyo gallassai gakkanaappe kasetidi, ha sa7aappe shaahettidi, Aawaakko biyo wodee gakkidoogaa Yesuusi eriis; ha sa7an de7iya baageeta ubba wode siiqiis; wurssettai gakkanaassi eta siiqiis.

Yohaannisa 17:4

Neeni taayyo oottanau immido oosuwaa polada, nena sa7an bonchchaas.

Yohaannisa 18:4

Yesuusi bana gakkana haniya ubbabaa eridi, gaxi kiyidi, “Oona koyeetii?” yaagiis.

Yohaannisa 19:24

Wotaaddarati issoi issuwaa, “Oona gakkanaakko, saamaa yegganaappe attin, maayuwaa peerokko” yaagidosona. Hegee hanidoogee Xoossaa maxaafai, “Ta maayuwaa shaakki ekkidosona; ta adussa maayuwan saamaa yeggidosona” giyoogee polettanaassa. Hegaa gishshau, wotaaddarati hegaa oottidosona.

Yohaannisa 19:30

Yesuusi woine eessaa ganxxi be7idoogaappe guyyiyan, “Polettiis” yaagiis. Qassi hegaappe guyyiyan, ba huuphiyaa ziqqi oottidi, ba shemppuwaa immiis.

Yohaannisa 19:36

Hegee hanidoogee Xoossaa maxaafai, “A meqettatuppe issoinne meqqenna” giidoogee polettanaassa.

Yohaannisa 4:34

Yaagin Yesuusi etau, “Ta qumai tana kiittidaagee koyiyoobaa oottanaagaanne a oosuwaa polanaagaa.

Yesuusi Kiittidoogeetu Oosuwaa 13:29

“Eti Yesuusabai Xoossaa maxaafan xaafettidaagaa ubbaa polido wode, masqqaliyaappe a wottidi moogidosona.