Yohaannisa 12:2 - Wolaytta Bible

² He sohuwan eti au kahuwaa kattidosona; Al77aazari aara issippe uttidaashin, Martta kahuwaa kattausu.

Yohaannisa 12:2 Iomraidhean Croise

Siiquwaa Sabaa 4:16

“Huuphessa bagga carkkuwau, dendda! Tohossa bagga carkkuwau, haa ya! Ta ataakilttiyaa bolli carkka! A sawoi hegan tonggu go. Ta siiqoi ba ataakilttiyaa giddo yo. Daro mal77iya teerata mo” yaagaasu.

Maatiyoosa 26:6

Yesuusi Biitaaniyaa kataman inchchirichchaa harggiya Simoona son de7ishin,

Marqqoosa 14:3

Yesuusi Biitaaniyaa kataman inchchirichchaa harggiya Simoona sooni qumaa maanau uttidaashin, issi mishiriyaa albbasxxiroosa giyo shuchchaappe oottido bilqqaadiyaa kumida narddoosiyaa giyo daro al77o shittuwaa ekkada yaasu; yaada he bilqqaadiyaa menttada shittuwaa Yesuusa huuphiyan tigaasu.

Luqaasa 12:37

Bantta godai soo yiyo wode, xiskkennan naagiiddi uttida ashkkarati waani anjjettanddonaashsha! Taani tumaa gais; i eta, ‘Uttite’ giidi, ba qabattuwaa minttidi, eta sinttau qumaa aattana.

Luqaasa 14:12

Yesuusi bana ba soo xeesida bitaniyaa hagaadan yaagiis; “Neeni laaxaa woi kahuwaa ne sooni katissiyo wode, ne laggeta woi ne ishantta woi ne dabbota woi ne dure shoorota xeesoppa; aissi giikko, eti nena kayan xeesidi, he kushiyaa neessi zaarana.

Luqaasa 22:27

Qumaa maanau uttiyaagee giteeyye qumaa sinttau aattiyaagee gitee? Qumaa maanau uttidaagee gita gidennee? SHin taani intte giddon qumaa sinttau aattiya ashkkara mala.

Luqaasa 5:29

Leewi ba sooni Yesuusa mokkanau daro imatuwaa makkiis. Hegan giiraa ekkiyaageetinne hara asai etaara issippe uttidosona.

Ajjuutaa 3:20

“ ‘ “Be7a, taani karen eqqada xeesais. Ooninne taani xeesiyoogaa siyidi, kariyaa dooyikko, taani akko gelana; gelada aara issippe kahuwaa maana; ikka tanaara issippe maana.