Yohaannisa 10:34 - Wolaytta Bible

³⁴ Yaagin Yesuusi zaaridi, “Intte higgiyan Xoossai, ‘Intte xoossata’ giidoogee xaafettibeennee?

Yohaannisa 10:34 Iomraidhean Croise

Mazamure Maxaafaa 138:1

Abeet GODAU, taani ta kumetta wozanaappe nena galatana; xoossatu sinttan nena sabbana.

Mazamure Maxaafaa 82:1

Xoossai saluwaa yaa7aa shiishshees. SHiishshidi xoossatu giddon hagaadan yaagidi pirddees;

Kessaabaa 22:28

“Xoossaa bolli cashsha qaalaa haasayoppa, woikko ne deriyaa haariyaagaa qanggoppa.

Kessaabaa 4:16

I asaayyo ne gishshaa haasayana; hegeenne, i neeyyo doona mala gidin, neeni ayyo Xoossa mala gidana giyoogaa.

Kessaabaa 7:1

Hegaappe guyyiyan GODAI Muusa, “Be7a; taani nena Gibxxe kawuwaayyo Xoossa mala oottaas; ne ishai Aarooni ne hananabaa yootiyaagaa gidana;

Yohaannisa 10:35

Xoossaa maxaafata laammanau danddayettenna; Xoossai ba qaalai yiido asata, ‘xoossata’ giidi xeesidobaa gidikko,

Yohaannisa 12:34

Daro asai zaaridi Yesuusa, “Nu higgee Kiristtoosi merinau de7iyoogaa odees. Yaatin, neeni woigada, ‘Asa Na7ai masqqaliyaa bolli kaqettana’ gai? He Asa Na7ai oonee?” yaagidosona.

Yohaannisa 15:25

SHin eta higgiyan, ‘Tana coo ixxidosona’ geetettidi xaafettidaagee polettana mala, hagee haniis.

Yohaannisa 8:17

Naa77u asa markkatettai tuma gidiyoogee intte higgiyan xaafetti uttiis.

Koiro Qoronttoosa 14:21

Xoossaa maxaafan, “Godai, ‘Taani ha asaassi, dumma dumma qaalan haasayiya asaaninne imattatu doonaan haasayana. SHin hegaa gidikkokka, taani giyoobaa eti siyokkona’ yaagees” geetettidi xaafettiis.