Yaasu Maxaafaa 9:14 - Wolaytta Bible

¹⁴ Yaagin GODAA oichchennan, Israa7eela asai eta shinqqiyaappe amaridaagaa ekkiis.

Yaasu Maxaafaa 9:14 Iomraidhean Croise

Sameela Maxaafaa Naa77anttuwaa 2:1

Hegaappe guyyiyan Daawiti, “Yihudaa katamatuppe issuwaa boo?” yaagidi GODAA oichchiis. Oichchin GODAI a, “Ee; ba” yaagiis. Yaagin Daawiti, “Awa boo” yaagidi oichchiis. Oichchin i, “Kebroona ba” yaagidi zaariis.

Sameela Maxaafaa Naa77anttuwaa 5:19

Hegaa gishshau, Daawiti GODAA, “Taani baada Pilisxxeemata oloo? Neeni eta taayyo aatta immuutee?” yaagidi oichchiis. Oichchin GODAI Daawita, “Ee ola. Taani eta neeyyo aatta immana” yaagiis.

Izira Maxaafaa 8:21

Hegaappe guyyiyan, nu Xoossaa sinttan nu huuphiyaa kaushshidi, i nu ogiyan nuuyyo, nu naatuyyoonne nu aqo ubbaayyo sarotettaa immanaadan woossana mala, hegan Ahaawa SHaafaa matan taani xoomaa awaajjaas.

Kessaabaa 28:30

Qassi Uriimiyaanne Tumiima giyoobata tiran wottiyoogan yegga. Aarooni GODAA sintti aadhdhiiddi, ba tiran wotti ekkidi gelo. Ta shenee aibakko Israa7eela asaa erissana mala, i ta sinttan oottanau geliyo wode ubban tiraa kiisiyaappe xaissenna.

Qoodaabaa 27:21

Immin qeesiyaa El77aazara sinttan i eqqo; eqqin El77aazari Uriimiyan ayyo GODAA sheniyaa oichcho. Yaasunne Israa7eela maabarai ubbai El77aazara azazuwan kiyonanne a azazuwan gelona” yaagiis.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.

Yaasu Maxaafaa 9:13

Hageeti eessa ogoroti nuuni kunttiyo wode ooratta; shin ha77i daakettidoogaa be7ite! Ogee haaho gididoogaa gaasuwan, nu maayoinne nu caammai wuriis” yaagidosona.

Daannatu Maxaafaa 1:1

Yaasu haiqqidoogaappe guyyiyan, Israa7eela asai, “Kanaane biittaa asaa olanau nu zaretuppe koirottidi kiyanai oonee?” yaagidi GODAA oichchiis.

Daannatu Maxaafaa 20:18

Israa7eela asai denddidi, Beeteele biis; biidi, “Biniyaama asaa olanau nuuppe sinttatidi kiyanau koshshiyai oonee?” yaagidi Xoossaa oichchiis. Oichchin GODAI, “Yihudaa zaree sinttatidi bo” yaagiis.

Sameela Maxaafaa Koiruwaa 22:10

Abimeleki Daawiti oottanabaa GODAA oichchiis; yaatidi Daawitayyo shinqqiyaa immiis; qassi Pilisxxeemiyaa Gooliyaada bisuwaakka ayyo immiis” yaagiis.