Yaasu Maxaafaa 7:12 - Wolaytta Bible

¹² Hegaa gishshau, Israa7eelati bantta morkketu sinttan eqqanau danddayokkona. Eti xayanau bessiyo gishshau, bantta morkketu sinttappe baqatidosona. Hirima geetettida miishshaa intte giddon de7iyaagaa intte xaissana xayikko, hagaappe sinttau taani inttenaara gidikke.

Yaasu Maxaafaa 7:12 Iomraidhean Croise

Mazamure Maxaafaa 44:10

Nu morkketu sinttaappe nuna baqatissadasa; nu morkketi nubaa bonqqidosona.

Mazamure Maxaafaa 60:10

Abeet Xoossau, nuna aggidai nena gidikkii? Abeet Xoossau, neeni nu tooranchchatuura olau kiyakka.

Leemiso Maxaafaa 28:1

Iitati ooninne yedettennan baqatoosona; shin xilloti gaammo mala xala.

Isiyaasa 59:2

SHin intte nagarai intteppenne intte Xoossaappe gidduwan shaahotettaa medhdhiis. Qassi i siyenna mala, intte nagarai a sinttaa intteppe genttiis.

Ermmaasa 23:33

GODAI tana hagaadan yaagiis; “Ermmaasaa, ha asaappe issoi, woikko hananabaa yootiyaagee, woikko qeesee, 'GODAA toohoi aibee?' giidi oichchikko, neeni eta, '“GODAA toohoi inttena; hegaa gishshau, ta bollappe taani inttena wottana” yaagees' yaaga.

Ermmaasa 6:8

Nenoo Yerusalaamee, taani nena seeriyoogaa ekka. Ekkennan ixxikko, taani neeppe shaahettananne ne biittaa issi asinne de7enna baadine biitta kessana” yaagees.

Hoose7a 9:12

Eti naata yelidi dichchikkokka, issoinne attennan worarggada, eta yeloi bainna asa kessana. Taani etappe haakkido wode, etau aayye7ana.

Imbbaaqooma 1:13

Ne aifeti daro geeshsha gidiyo gishshau, iitabaa xeellanau dosokkona; iitabai oosettiyo wode be7aidda co77u gaanau danddayakka. Yaatin, ha makkalanchchata aibissi co77u gaada xeellai? Nagaranchchati banttappe xilliya asata mittiyo wode aibissi co77u gai?

Qoodaabaa 14:39

Muusee hagaa Israa7eela asau ubbau yootido wode, asai keehi yeekkiis.

Qoodaabaa 14:42

GODAI inttenaara de7enna gishshau, pude kiyoppite; intte morkketi inttena xoonana.

Qoodaabaa 14:43

Amaaleeqa asatuuranne Kanaane asatuura intte olettana; olettidi intte bisuwan haiqqana. GODAAPPE intte wora simmido gishshau, GODAI inttenaara de7enna” yaagiis.

Qoodaabaa 14:45

Denddin gezze biittan de7iya Amaaleeqa asatinne Kanaane asati wodhdhidi eta oli xoonidi, Horima gakkanaassi eta yedettidosona.

Zaarettido Wogaa 7:26

Intte he tuna eeqata intte soo gelissidi, etadan qanggettidaageeta gidoppite. Intte eta muleerakka ixxitenne shenetite; aissi giikko, eti bantta huuphiyau qanggettidabata.

Yaasu Maxaafaa 6:18

SHin intte baqa gididabaappe aibanne ekkennaadan intte huuphiyau naagettite. Baqa gididabaappe intte ekkikko, Israa7eelati dunkkaanido sohuwaa bayiya soho oottana; yaatidi he sohuwaayyo metuwaa ehaana.

Daannatu Maxaafaa 16:20

“Samssoonaa, Pilisxxeemati yiichchidosona!” yaagaasu. Yaagin xiskkuwaappe beegottidi, kaseegaadan duuterettada baana yaagidi qoppiis; shin GODAI appe shaakettiichchidoogaa i eribeenna.

Daannatu Maxaafaa 2:14

Yaatin, GODAA hanqqoi Israa7eela asaa bolli eexxi kiyiis; bonqqiyaageeti bonqqanaadan eta bessi bayiis; eta yuushuwan de7iya morkketuyyo eta aattidi immiis. Yaatin, eti bantta morkketuura eqettanau danddayibookkona.

Daannatu Maxaafaa 2:4

GODAA kiitanchchai hegaa Israa7eela asau ubbau haasayido wode, asai ba qaalaa xoqqu oottidi yeekkiis.

Sameela Maxaafaa Koiruwaa 14:38

Yaanin Saa7ooli, “Olanchchata halaqatoo, ubbai haayite; hachchi aiba nagari oosettidaakkonne ane qoridi demmoos.