Yaasu Maxaafaa 23:7 - Wolaytta Bible

⁷ Hagan intte giddon attida ha kawotettatuura walahettoppite. Eta xoossatu sunttaa denttoppite woikko eta sunttan caaqqoppite. Etayyo oottoppite woikko etayyo goinnoppite.

Yaasu Maxaafaa 23:7 Iomraidhean Croise

Kawotu Maxaafaa Naa77anttuwaa 17:12

GODAI eta, “Eeqau goinnoppite” gi wottidaashin, eti eeqau goinnidosona.

Kawotu Maxaafaa Naa77anttuwaa 5:18

SHin GODAI taayyo ne ashkkaraayyo issibaa atto go. Ta kawoi Rimmoona giyo eeqau goinnanau geliyo wode, taanikka a ajjabada gelada goinnanau koshshees. GODAI taayyo ne ashkkaraayyo hegaa atto go” yaagiis.

Hanidabaa Odiya Naa77antto Maxaafaa 7:19

“SHin intte Israa7eela asati wora simmikko, taani inttena azazido ta azazuwaanne ta wogaa aggi bayikkonne hara xoossatuyyo oottanaunne goinnanau biikko,

Mazamure Maxaafaa 16:4

Worddo xoossata kaalliyaageeti bantta bolla metuwaa darissoosona. SHin taani eta worddo xoossatuyyo yarshshikke; taani eta sunttan woossikke.

Kessaabaa 20:5

Etayyo hokkoppa woikko etayyo goinnoppa. Aissi giikko, taani, GODAI ne Xoossai qanaatiya Xoossaa; tana ixxiyaageeta aawatu nagaraa gishshau, naata heezzantto yeletaanne oiddantto yeletaa gakkanaassi qaxxayiyaagaa.

Kessaabaa 23:13

“Taani inttena giidobaa ubbaa minttidi oottite; hara xoossatu sunttaa xeesoppite; intte inxxarssaappe hegee siyettoppo.

Kessaabaa 23:33

Eta intte biittan wottoppite; hinkkoode eti inttena ta bolli nagaraa ootissana; aissi giikko, eta xoossatussi goinniyoogee tumuppe intteyyo pire gidana” yaagiis.

Leemiso Maxaafaa 4:14

Nagaranchchatu ogiyaa yedhdhoppa; iita asatu ogiyankka hemettoppa;

Ermmaasa 12:16

Kase ta asaa Ba7aala sunttan caaqqanaadan tamaarissidoogaadan, eti ta asaa ogiyaa loitti tamaarikkonne ta sunttan, 'GODAI ero!' yaagidi caaqqikko, eti ta asaa giddon minnidi de7ana.

Ermmaasa 5:7

GODAI hagaadan yaagees; “Taani intte nagaraa aissi atto goo? Intte naati tana aggidi, worddo xoossatun caaqqidosona. Taani eta mizada kalissaas; shin eti shaaramuxidosonanne shaaramuxatu keettaa ziiridosona.

Hoose7a 2:17

Aissi giikko, taani i doonaappe Ba7aalantta sunttaa diggana; hagaappe sinttanau taani o Ba7aala sunttaa xeesissikke.

Sofonaasa 1:5

Keettaa bollan dembbayidi oottidosaa kiyidi, awaassi, aginaassinne xoolinttetussi goinniyaageeta taani xaissana. GODAASSI goinniiddinne a sunttan caaqqiiddi, qassi Molooka giyo eeqaa sunttan caaqqiyaageeta taani xaissana.

Qoodaabaa 32:38

Naba, Ba7aali-Ma7oonanne Siibima geetettiya katamata zaaretti keexxidosona. Keexxidi he katamatuppe issootu issootu sunttaa laammidosona.

Qoodaabaa 33:55

“'SHin he biittan de7iya asaa intte yedettennan aggikko, intte ashshidoogeeti intteyyo intte aifiyaayyo pincco, intte miyyiyaayyo aguntta gidana; intte de7ana biittan eti inttena waayissana.

Koiro Qoronttoosa 15:33

Cimettoppite; iita laggetettai lo77o hanotettaa moorees.

Efisoona 5:11

Go77i bainna xuma oosuwaa qonccissi bessiteppe attin aara walahettoppite.

Zaarettido Wogaa 10:20

GODAAYYO, intte Xoossaayyo, yayyite; ayyo oottite; aara ohettite; a sunttankka caaqqite.

Zaarettido Wogaa 6:13

GODAAYYO, intte Xoossaayyo, yayyite; a xallaayyo goinnite; a sunttankka caaqqite.

Zaarettido Wogaa 6:14

Intte yuushuwan de7iya asai goinniyo hara xoossatuyyo goinnoppite.

Yaasu Maxaafaa 23:12

Intte guyye simmidi, kawotettatuppe hagan intte giddon attida asaara issuwaa gidikko, eta maccaasaa intteyyo, intte maccaasaa etayyo immi walahettikko,

Yaasu Maxaafaa 23:8

SHin hachchi gakkanaassi intte oottidoogaadan, GODAA intte Xoossaa mintti oiqqite.