Yaasu Maxaafaa 19:51 - Wolaytta Bible

⁵¹ Qeesee El77aazari, Nawe na7ai Yaasunne Israa7eela asaa zaretuyyo yaratu halaqati GODAA sinttan Seelon, Xoossaa Dunkkaaniyaa penggen saamaa yeggidi, gishido laata biittai hagaa. Eti biittaa yaati shaakkidi polidosona.

Yaasu Maxaafaa 19:51 Iomraidhean Croise

Doomettaabaa 49:10

Haariyaagee yaana gakkanaashin, kawotaa xam77ai Yihudaappe, deriyaa haariyaageetu gatimai a toho giddoppe shaahettenna. Qassi dere asai ayyo azazettana.

Mazamure Maxaafaa 78:60

Seelon i de7ido sohuwaa, asaa giddon i de7ido ba dunkkaaniyaa aggiis.

Maatiyoosa 20:23

Yesuusi, “Taani uyiyo burccukkuwaappe tumakka intte uyana; shin taappe ushachcha baggaaranne haddirssa baggaara uttanaageeta dooranau taayyo maati baawa; shin he sohoi ta Aawai immanau giigissi wottidoogeetussa” yaagiis.

Maatiyoosa 25:34

“Hegaappe guyyiyan, taani kawoi taappe ushachcha baggaara de7iyaageeta hagaadan yaagana; ‘Ta Aawai anjjidoogeetoo, haa yiidi sa7ai merettoosappe hachchi gakkanaashin, intteyyo giigida kawotettaa laattite.

Yohaannisa 17:2

Aissi giikko, neeni ayyo immido ubbau merinaa de7uwaa i immana mala, asa ubbaa bollan ayyo maataa immadasa.

Yesuusi Kiittidoogeetu Oosuwaa 13:19

Kanaane giyo biittan Aihuda gidenna laappun zareta xaissidi, eta biittaa ba asaa laatissiis.

Yaasu Maxaafaa 14:1

Qeesee El77aazari, Nawe na7ai Yaasunne Israa7eela zaretu halaqati, Kanaane biittaa eta yaran yaran shaakkin, eta gakkida heerati hagaappe kaallidi xaafettidaageeta.

Yaasu Maxaafaa 18:1

Biittaa xoonidi oiqqidoogaappe guyyiyan, Israa7eela maabara ubbai Seelon shiiqiis; shiiqidi GODAASSI goinniyo Dunkkaaniyaa yan essiis.

Yaasu Maxaafaa 18:10

Hegaappe guyyiyan Yaasu GODAA sinttan Seelon etassi saamaa yeggiis; yan Yaasu Israa7eela asaayyo biittaa eta zariyaa shaahuwaadan shaakkidi immiis.

Yaasu Maxaafaa 20:1

Hegaappe guyyiyan GODAI Yaasa hagaadan yaagiis;

Daannatu Maxaafaa 21:19

Hegaappe guyyiyan, maabaraa kaalettiya cimati, “Be7ite, laittan laittan Seelon GODAA bonchchiyo baalai matiis” yaagidosona. Seeloi Beeteeleppe huuphessa baggaara, Laboonappe tohossa baggaara, Beeteeleppe Sekeema efiya ogiyaappe arshsho baggaara de7ees.

Daannatu Maxaafaa 21:21

naagite. Seelo katamaa macca naati baalaa gallassi karaabiyaa oiqqidi, yexxiiddinne duriiddi yiyo wode, intte woiniyaa turaa giddoppe kiyite. Kiyidi ubbaikka Seelo macca naatuppe intteyyo dafidi, Biniyaama biitti ekkidi biite.

Sameela Maxaafaa Koiruwaa 1:3

Ubbaappe Wolqqaama GODAASSI goinnanaunne yarshshanau Elqqaani laittan laittan ba katamaappe Seelo bees. Eela naati naa77ai, Hofiniininne Piinihaasi yan GODAA qeeseta.