Yaasu Maxaafaa 10:11 - Wolaytta Bible

¹¹ Beeti-Horoonappe duge Azeeqa efiya ogiyaa oiqqidi eti Israa7eela asaa sinttappe baqatishin, GODAI wolqqaama shachchaa saluwaappe eta bollan bukissiis. Bukissin Israa7eela asai bisuwan worido asaappe, shachchai worido asai qoodan dariis.

Yaasu Maxaafaa 10:11 Iomraidhean Croise

Doomettaabaa 19:24

GODAI he wode tamaanne eexxiya dinniyaa Sadoomanne Gamoora bollan GODAA matappe saluwaappe bukissi bayiis.

Sameela Maxaafaa Naa77anttuwaa 18:8

Olai gaxariyaa ubbaa gakkiis; he gallassi worai wurssido asai bisoi wurssido asaappe daro.

Iyyooba Maxaafaa 38:22

“Suuppa shachchai minjjettiyoosaa geladii? Ordde shachchai doorettidosaakka be7adii?

Iyyooba Maxaafaa 38:23

Taani eta meto wodiyaassi, ola wodiyaassinne toora gallassaassi minjja wottaas.

Mazamure Maxaafaa 11:6

GODAI iitatu bollan eexxiya tamaa bonqquwaanne eexxiya dinniyaa bukissana. Xuuggiya gote carkkuwan eta qaxxayana.

Mazamure Maxaafaa 147:17

I ba gita shachchaa shuchchaadan duge olees. He meeguwan eqqanau ooninne danddayenna.

Isiyaasa 28:2

Be7ite, Godaayyo wolqqaamanne mino gidida issoi de7ees; Godai a shachchaa uushuwaadan, bashshiya gotiyaadaaninne kixxidi goggiya wolqqaama haattaadan, mino kushiyan duge sa7aa olana.

Isiyaasa 28:21

Aissi giikko, Paraaxiima Deriyaa bollan GODAI oottidoogaadan, ba oosuwaa, ba imatta oosuwaa, hegeekka ba ooratta oosuwaa oottanau denddana. Qassi Gabaa7oona wombban hanqqettidoogaadan hanqqettana.

Isiyaasa 30:30

Qassi GODAI ba yashshiya cenggurssaa sissana; a qesee wodhdhidi shociyo shochchaa ba suulliya hanqquwan, miya tamaa lacuwan, gotiyan, uushuwaaninne shachchaa burcciyan qonccissana.

Hizqqeela 13:11

Hegaa gishshau, he tiyiyaageeta, 'He intte tiyido gimbbee kunddana! Wolqqaama irai bukkana; qassi taani GODAI ordde shachchaa duge yeggana; hanttaara goteekka denddana' yaagidi yootite.

Zaarettido Wogaa 20:4

Aissi giikko, GODAI intte Xoossai inttenaara biyo gishshau, intte morkkiyaa olidi, intteyyo xoonuwaa immana' yaago.

Ajjuutaa 11:19

Saluwan de7iya Xoossaa Beeta Maqidasee dooyettiis; a Beeta Maqidasiyan Xoossaa Maachchaa Taabootai beettiis. Qassi wolqqanttai wolqqammiis; gunttai siyettiis; dadai xuuqqiis; biittai qaaxxiis; shachchaikka shacciis.

Ajjuutaa 16:21

Asa bolli ishatamu kilo keenaa deexxiya wolqqaama shachchai saluwaappe wodhdhiis. Asai he shachchaa boshaa gishshau, Xoossaa qanggiis; aissi giikko, boshai daro wolqqaama.

Daannatu Maxaafaa 5:20

Saluwan de7iya xoolinttetikka olettidosona. Bantta yuuyiyo yuushshan eti Sisaaraara olettidosona.