Yaaqooba 3:9 - Wolaytta Bible

⁹ Nuuni inxxarssan nu Godaanne Xoossaa galatoos; qassi aanikka Xoossaa leemisuwan merettida asaa qanggoos.

Yaaqooba 3:9 Iomraidhean Croise

Doomettaabaa 5:1

Addaame yeletai hagaappe kaallidi xaafettiis. Xoossai asa medhdhido gallassi bana milatissidi medhdhiis.

Doomettaabaa 9:6

Xoossai asaa bana Xoossaa milatissidi medhdhido gishshau, asa suutta gussiya oona gidikkonne, a suuttaikka asa kushen gukkana.

Sameela Maxaafaa Naa77anttuwaa 16:5

Kawoi Daawiti Baahuriima giyo katamaa yiido wode, Saa7oola dabbo gidiya issi bitanee hegaappe kiyiis. A sunttai Geera na7aa SHim77a. I Daawita qanggiiddi kiyiis.

Sameela Maxaafaa Naa77anttuwaa 19:21

Hegaappe guyyiyan, Xaruuyi na7ai Abishaayi, “SHim77i GODAI tiyido kawuwaa qanggido gishshau, i haiqqanau bessenneeyye?” yaagiis.

Hanidabaa Odiya Koiro Maxaafaa 29:10

Hegaa gishshau, Daawiti yaa7aa ubbaa sinttan hagaadan yaagidi, GODAA galatiis; “Abeet GODAU, nu aawaa Israa7eela Xoossau, neeni merinaappe merinau galatetta.

Hanidabaa Odiya Koiro Maxaafaa 29:20

Hegaappe guyyiyan, Daawiti yaa7au ubbau, “GODAA intte Xoossaa galatite” yaagiis. Yaagin yaa7ai ubbai GODAA bantta aawatu Xoossaa galatidosona. Galatidi GODAAYYO gufannidi goinnidosonanne kawuwaayyookka lichchi giidi gufannidosona.

Mazamure Maxaafaa 10:7

A doonan qanggettai, worddoinne manddettai kumiis. Ba inxxarssan genebaanne iitabaa haasayanau eesotees.

Mazamure Maxaafaa 108:1

Ta wozanai minnidi de7ees; abeet Xoossau, ta wozanai minnidi de7ees. Taani neeyyo yexxananne nena sabbana.

Mazamure Maxaafaa 145:1

Abeet ta Xoossau, ta kawuwau, taani nena gitayananne ne sunttaa meri merinau galatana.

Mazamure Maxaafaa 145:21

Taani ta doonan GODAA galatana. Mereta ubbai a geeshsha sunttaa meri merinau galato!

Mazamure Maxaafaa 16:9

Hegaa gishshau, ta wozanai ufaittees; ta shemppoikka ufaittees. Ta bollaikka hirggi bainnan de7ees.

Mazamure Maxaafaa 30:12

Hegaa gishshau, taani nena sabbanaappe attin, co77u giikke. Abeet GODAU ta Xoossau, taani nena merinaukka galatana.

Mazamure Maxaafaa 34:1

Taani GODAA ubba wode galatana; a galatai ai wodenne ta doonaappe paccenna.

Mazamure Maxaafaa 35:28

Gallassa kumettan ta inxxarssai ne xillotettaabaanne ne galataabaa yootana.

Mazamure Maxaafaa 51:14

Abeet Xoossau, tana ashshiya Xoossau, suuttaa gussido nagaraappe tana ashsha; he wode ta inxxarssai ne xillotettaabaa yexxana.

Mazamure Maxaafaa 57:8

Tanooshsho, beegotta! Diittaunne maazinqqiyau, beegottite! Taanikka maallado guuraara beegottana.

Mazamure Maxaafaa 59:12

Eti bantta doonaa nagaraa gishshaunne bantta inxxarssaa qaalaa gishshau, bantta otoruwan oiqqettona. Eta qanggettaa gishshaunne eti haasayiyo wordduwaa gishshau,

Mazamure Maxaafaa 62:4

Eti a bonchcho sohuwaappe a wottanaagaa xalaalaa koyoosona; eti wordduwan ufaittoosona. Bantta doonan anjjoosona; shin bantta wozanan qanggoosona.

Mazamure Maxaafaa 63:4

Ta de7uwaa laittan taani nena galatana; ta kushiyaa miccada, taani nena woossana.

Mazamure Maxaafaa 71:24

Ta inxxarssai ne xillo oosuwaabaa ubba gallassi yootana; aissi giikko, tana qohanau koyiyaageeti yeellatidosonanne kauyyidosona.

Eranchchaa Maxaafaa 7:22

Qassi neenikka ne huuphen harata qanggidoogaa ne wozanai erees.

Isiyaasa 29:13

Yaatin, Godai hagaadan yaagana; “Hagee asai ba bolla doonan taakko shiiqees; ba inxxarssan tana bonchchees; shin eta wozanai taappe haahuwan de7ees. Eti asi medhdhido wogaa tamaariiddi, taassi hadan goinnoosona.

Maatiyoosa 26:74

Hegaappe guyyiyan PHeexiroosi, “Taani hegaa bitaniyaa erikke!” yaagidi, bana qanggettaanne caaquwaa doommiis. He wode sohuwaarakka kuttoi waassi aggiis.

Maatiyoosa 5:44

SHin taani intteyyo odais; saluwan de7iya intte Aawau naata gidana mala, intte morkketa siiqite; inttena qanggiyaageetakka anjjite; inttena ixxiyaageetuyyo lo77obaa oottite; inttena waissiyaageetuyyookka Xoossaa woossite; aissi giikko, iita asaukka lo77o asaukka Xoossai ba awaa awaxxissees; qassi xillotuyyookka nagaranchchatuyyookka ba iraa bukissees.

Yesuusi Kiittidoogeetu Oosuwaa 2:26

Hegaa gishshau, ta wozanai ufaittiis; ta inxxarssankka ufaissai kumiis. Qassi ta bollaikka lo77o de7ana giidi, ufaissan naagees.

Roome 3:14

Eta doonan hanttaara qanggettai kumiis.

Koiro Qoronttoosa 11:7

Attumaasai Xoossaa leemisonne bonchcho gidiyo gishshau, ba huuphiyaa qachchanau bessenna; shin maccaara attumaagaassi bonchcho.

Efisoona 1:3

Ayyaanaa anjjo ubban Kiristtoosa baggaara saluwaa sohuwan nuna anjjida Xoossaa, nu Godaa Yesuus Kiristtoosa Aawaa, nuuni galatoos.

Yaaqooba 1:27

Xoossaa Aawaa sinttan pokkoi bainna geeshsha ammanoi hagaa; hegee augee giikko, aaya aawi bainna naatanne waayettiya am77eta maaddanaagaanne sa7aa nagaraa qitaappe ba huuphiyaa naaganaagaa.

Yaaqooba 3:10

Issi doonaappe galatainne qanggettai kiyees. Ta ishatoo, hegee hegaadan hananau bessenna.

Koiro PHeexiroosa 1:3

Nuuni Xoossaa, nu Godaa Yesuus Kiristtoosa Aawaa, ba maarotettaa daruwaadankka nuna naa77anttuwaa yelidaagaa, Yesuus Kiristtoosa haiquwaappe denttidoogan nuuyyo de7uwaa immana giidaagaa galatoos.

Daannatu Maxaafaa 9:27

Ubbaikka bantta gade biidi, woiniyaa teeraa maxidosona; maxidi woiniyaa eessaa agidi, gita gibiraa kessidosona. Bantta eeqa keettaa gelidi, yan miiddinne uyiiddi Abimeleka cayidosona.