Yaaqooba 3:13 - Wolaytta Bible

¹³ Intte giddon aadhdhida eranchchinne akeekanchchi oonee? Ba lo77o de7uwan oosettida ba oosuwaa ashkketettaaninne aadhdhida eratettan besso.

Yaaqooba 3:13 Iomraidhean Croise

Iyyooba Maxaafaa 28:28

Hegaappe guyyiyan, Xoossai asaassi odiiddi, 'Xoossaassi yayyiyoogee aadhdhida eratetta; iitaappe haakkiyoogeekka akeeka' yaagees” yaagiis.

Mazamure Maxaafaa 107:43

Eranchcha gidiyaagee ha yohuwaa qoppo; GODAA aggenna siiquwaa akeeko.

Mazamure Maxaafaa 122:8

Ta ishatunne ta dabbotu gishshau gaada, “Ne giddon saroi de7o!” yaagais.

Mazamure Maxaafaa 149:4

Aissi giikko, GODAI ba asan ufaittees; naaqettidaageetau xoonuwaa immidi, i eta bonchchees.

Mazamure Maxaafaa 25:9

Ashkketa suuretettan kaalettees; ashkketa ba ogiyaa tamaarissees.

Mazamure Maxaafaa 45:4

Ne tumatettaa, ashkketettaanne xillotettaa gishshaa olettada xoonanau, ne gitatettaa bessaidda, piriixa. Ne ushachcha kushee maalaalissiyaabaa besso.

Eranchchaa Maxaafaa 8:1

Aadhdhida eranchcha asa mala asi oonee? Yohotu ubbaa birshshettaa eriyai oonee? Aadhdhida eratettai pashkkissidi, xumida som77uwaa poo7issees.

Eranchchaa Maxaafaa 8:5

A azazuwaa poliya urai qaxxayettenna; aadhdhida eranchcha asi likke gidiya wodiyaanne oottiyo ogiyaa erees.

Isiyaasa 29:19

Ashkketi gujjidikka GODAN ufaittana; asaa giddon de7iya hiyyeesatikka Israa7eela Geeshshan hashshu gaana.

Isiyaasa 60:6

Midiyaama biittaappenne Eefa biittaappe yiida yelaga gaameelatu wudee ne biittaa kammana. Qassi worqqaanne ixaanaa caanettida gaameelati GODAA galataa awaajjiiddi, Saabappe yaana.

Isiyaasa 61:1

Ubbaa Haariya GODAA Ayyaanai ta bollan de7ees; aissi giikko, qohettidaageetussi lo77o mishiraachchuwaa yootana mala, GODAI tana tiyiis. I tana wozanai meqqidoogeetussi koolettiyoogaanne omoodettidaageetussi omooduwaappe kiyiyoogaa awaajjana malanne qashettidaageetussi birshshettiyoogaa awaajjana mala kiittiis.

Ermmaasa 9:12

Hagaa akeekanau aadhdhida eranchchi oonee? I hara asaassi yootana mala, GODAI ba inxxarssan oossi odidee? Issi asinne a giddoora kanttenna mala, biittai moorettidi, bazzodan onidoogee aibissee?

Ermmaasa 9:23

GODAI hagaadan yaagees; “Aadhdhida eranchchai ba eran ceeqqoppo; wolqqaamai ba wolqqan ceeqqoppo; woikko duree ba duretettan ceeqqoppo.

Daaneela 2:21

Wodetanne aginata i laammees. Kawota kawotettaappe diggees; qassi kawota kawotettan utissees. Aadhdhida eranchchatuyyo aadhdhida eraa, akeekiyaageetuyyookka eraa i immees.

Sofonaasa 2:3

Inttenoo, biittan de7iya ashkketoonne a azazuwaa oottiya ubbatoo, GODAA koyite; xillotettaa koyite; qassi ashkketettaakka koyite. Yaatikko, ooni erii, GODAA hanqquwaa gallassi intte qosettidi attanaakkonne.

Qoodaabaa 12:3

Muusee biittan sa7an ubban de7iya asaa ubbaappe aadhdhiya ashkke asa.

Maatiyoosa 11:29

Taani ashkkenne wozanappe kauyyiyaagaa gidido gishshau, ta qambbaran waaxettite; taappe tamaarite; intte shemppuwaukka intte shemppo demmana.

Maatiyoosa 5:5

Ashkketi anjjettidaageeta; aissi giikko, eti sa7aa laattana.

Maatiyoosa 7:24

“Hegaa gishshau, hagaa ta qaalaa siyidi oottiya ubbai shuchchan ba keettaa keexxida wozannaama asa mala.

Koiro Qoronttoosa 6:5

Taani inttena yeellayanau hagaa gais. Hegee hegaa malee? Intte giddon ishantta sigettanau danddayiya aadhdhida eranchcha asi issoinne baawee?

Naa77antto Qoronttoosa 10:1

Taani PHauloosi, intte, “I nunaara de7iyo wode kauyyees” giyoogee, qassi, “Nuuppe haakkidi de7iyo wode nu bolli xalees” giyoogee, Kiristtoosa doshotettaa baggaaranne a ashkketettaa baggaara inttena woossais.

Naa77antto Qoronttoosa 8:24

Simmi woosa keetta ubbati intte siiqoi tuma gidiyoogaa erana mala, qassi nuuni inttebaa sabbiyoogee likke gidiyoogaa erana mala, intte siiquwaa eta bessite.

Galaatiyaa 5:23

ashkketettaa, ba huuphiyaa naagiyoogaa. Hageeta milatiyaageeta diggiya higgee baawa.

Galaatiyaa 6:1

Ta ishanttoo, intte Ayyaanan de7iyaageeti issi urai ai mooro oottidi, beettikkonne, ashkketetta ayyaanan a suurissite; qassi intte paacettenna mala, intte huuphiyaa naagite.

Galaatiyaa 6:4

SHin asai ubbai huuphiyan huuphiyan ba oosuwaa paacco; hegaappe guyyiyan, hara asaagaara giigissennan, ba huuphe ooso xalaalan ceeqettiyoobaa demmana.

Efisoona 4:2

Ubba wode intte intte huuphiyaa kaushshiyaageeta, ashkketanne danddayanchchata gidite; issoi issuwaa maaddiyoogan intte siiquwaa bessite.

Piliphphisiyuusa 1:27

Gidikkokka, intte intte huuphen Kiristtoosa wonggeliyaayyo bessiya de7uwaa de7ite; taani inttena baada be7in woikko be7ana xayin, intte issi qofan minnidi eqqidoogaanne, qassi wonggeliyaa ammanuwaayyo issi wozana gididi issippe baaxetiyoogaa siyana.

Qolasiyaasa 3:12

Hegaa gishshau, Xoossai dooridoogeetudan, geeshshanne siiqidoogeeta gididi, maarotettaa, qaretaa, kehatettaa, intte huuphiyaa kaushshiyoogaa, ashkketettaanne danddayaa maayite.

Koiro Ximootiyoosa 4:12

Neeni yelaga gidiyo gishshau, nena ooninne karoppo. SHin ammaniyaageetuyyo ne haasayan, hanotettan, siiquwan, ammanuwaaninne geeshshatettan leemiso gida.

Koiro Ximootiyoosa 6:11

SHin nenoo, Xoossaa asau, hegaappe baqata. Xillotettaa, Xoossaa milatiyoogaa, ammanuwaa, siiquwaa, danddayaanne ashkketettaa kaalla.

Naa77antto Ximootiyoosa 2:25

Qassi i bana ixxiyaageeta ashkketettan seeriyaagaa gidanau bessees. Eti bantta nagaraappe simmidi, tumatettaa eranaadan Xoossai oottanaakko, ooni erii.

Ibraawe 13:5

Miishsha siiqoppe inttena naagite; intteyyo de7iyaagee intteyyo gido. Aissi giikko, Xoossai ba huuphen, “Taani nena mulekka yeggikke woikko aggikke” yaagiis.

Yaaqooba 1:21

Hegaa gishshau, tuna hanota ubbaanne iitatetta ubbaa intteppe xaissidi, Xoossai intte wozanan tookkido intte shemppuwaa ashshanau danddayiya qaalaa ashkketettan ekkite.

Yaaqooba 2:18

SHin issi urai, “Neessi ammanoi de7ees; qassi taassi oosoi de7ees. Neeni ne ammanuwaa ne oosuwaappe shaakkada tana bessa; taanikka ta ammanuwaa ta oosuwan nena bessana” gaana.

Yaaqooba 3:1

Ta ishatoo, nuuni haratuppe aadhdhiya pirddaa ekkanaagaa intte eriyo gishshau, intteppe daroti tamaarissiyaageeta gidoppite.

Yaaqooba 3:17

SHin bollappe yiya aadhdhida eratettai ubbaappe kase geeshsha. Qassi sarotetta, ashkkenne ero giyaagaa; qassi maarotettinne lo77o aifee kumidoogaa. Sireenne lo77o milatiya iitatetti bainnaagaa.

Koiro PHeexiroosa 1:15

SHin inttena xeesida Xoossai geeshsha gididoogaadan, inttekka intte ooso ubban geeshsha gidite. Xoossaa maxaafan, “Taani geeshsha gidiyo gishshau, inttekka geeshsha gidite” geetettidi xaafettiis.

Koiro PHeexiroosa 2:12

Aihuda gidenna asai inttena iitabaa oottiyaageetudan zigiriyo wode, Kiristtoosi yiyo gallassi intte lo77o oosuwaa eti akeekidi, Xoossaa galatana mala, intte de7uwaa eta giddon loitti naagite.

Koiro PHeexiroosa 2:9

SHin Xoossai xumaappe garamissiya ba poo7uwau inttena xeesiis; intte a ooratta oosuwaa yootanau doorettida zare; intte kawo qeeseta; geeshsha asanne Xoossaassi buzo asa.

Koiro PHeexiroosa 3:4

SHin intte wozana giddon de7iya lo77otettai Xoossaa sinttan intteyyo daro al77o gididi, xayenna ashkkenne woppu giida ayyaana gido.