Yaaqooba 1:26 - Wolaytta Bible

²⁶ Ba inxxarssaa naagennan bana cimmiiddi, bau Xoossaa ammaniyoobaa milatiyo urai de7ikko, a ammanoi mela.

Yaaqooba 1:26 Iomraidhean Croise

Iyyooba Maxaafaa 15:13

Yaatada neeni Xoossaa bolli hanqqettadasa; hegaa mala qaalaakka ne doonaappe kessadasa.

Iyyooba Maxaafaa 30:11

Xoossai ta wolqqaa laafettidi, tana kaushshido gishshau, eti tana qohanau, bixaalaa kessirggido paraadan, yeda gididosona.

Mazamure Maxaafaa 141:3

Abeet GODAU, ta doonaa naagiyaabaa wotta; ta menttershshatu penggiyan zabainnaa essa.

Mazamure Maxaafaa 32:9

Bixaalaaninne puluwan ohettennan azazettenna, wozani bainna baqulodan woi paradan intte hanoppite” yaagees.

Mazamure Maxaafaa 34:13

Ne inxxarssai iitabaa haasayennaadan, ne doonaikka wordduwaa odennaadan teqqa.

Leemiso Maxaafaa 10:19

Daro haasayaa giddon nagari xayenna; shin ba doonaa shiishshi ekkiya uri aadhdhida eranchcha.

Leemiso Maxaafaa 10:31

Xillo asai aadhdhida eratettaa haasayees; shin geellabaa haasayiya inxxarssai qanxxettana.

Leemiso Maxaafaa 14:12

Asaassi likke milatiya ogee de7ees; shin bin, a wurssettai haiquwan kessi yeggees.

Leemiso Maxaafaa 15:2

Aadhdhida eranchchaa inxxarssai eraa puulayees; shin eeyyatu doonai eeyyatettaa xuuqqees.

Leemiso Maxaafaa 16:10

Kawoi Xoossaappe ekkido maatan pirddees; pirddiiddi i balenna.

Leemiso Maxaafaa 16:25

Asaassi suure milatiya ogee de7ees; shin wurssettan haiquwau gattees.

Leemiso Maxaafaa 19:1

Worddo haasayaa haasayiya eeyyaappe ba de7on boree bainna hiyyeesa asi keha.

Leemiso Maxaafaa 21:26

Azallai gallassa kumettaa darobaa demmanau amottees; shin xilloi bau ashshennan immees.

Isiyaasa 1:13

Simmi hada yarshshuwaa ehiyoogaa aggite! Intte cuwayiyo ixaanai tana sheneyees; aginaa xeeruwaa intte bonchchiyo gallassaa, intte Sambbataanne intte keerido yaa7ata, ha shiiqota ubbaa iitatettaara issippe walahettidaageeta taani danddayikke.

Isiyaasa 44:20

I bidinttaa mees; a cimettida wozanai a wora kaalettiis. I ba shemppuwaa ashshanau woikko, “Ta ushachcha kushiyan de7iyaagee eeqappe attin, Xoossaa gidenna” gaanau danddayenna.

Milkkiyaasa 3:14

“Qassikka intte, 'Xoossaassi oottiyoogee hada. A azazuwaa naagiyoogaaninne Ubbaappe Wolqqaama GODAA sinttan azzaniiddi hemettiyoogan nuuni ai go7ettiyoonii?

Maatiyoosa 15:9

Asai tau mela goinnees; aissi giikko, asi oottido azazuwaa Xoossaa higgiyaa milatissidi tamaarissees” giis’ yaagiis” yaagiis.

Luqaasa 8:18

“Simmi, intte siyiyo yohuwaa ezggidi siyite; aissi giikko, issibai de7iyo urau gujji immana. Bainnaagaappe harai atto, he au de7iyaabaa milatiyaagaakka ekkirggana” yaagiis.

Koiro Qoronttoosa 15:15

Qassi nuuni, “Kiristtoosa haiquwaappe denttiis” yaagidi Xoossaa bolli markkattido gishshau, a worddo markkata gididi beettida. SHin haiqqidaageeta haiquwaappe i denttibeennabaa gidikko, Kiristtoosakka denttibeenna.

Koiro Qoronttoosa 15:2

Intte ammanoi hada gidana xayikko, qassi taani intteyyo yootido qaalaa mintti oiqqikko, intte he wonggeliyan attideta.

Koiro Qoronttoosa 3:18

Ooninne ba huuphiyaa cimmoppo. Intteppe ooninne bana ha sa7an aadhdhida eranchcha yaagidi qoppikko, aadhdhida eranchcha gidanau, eeyya gido.

Galaatiyaa 2:6

SHin halaqa milatiyaageeti taayyo ainne ooratta qofa immibookkona; hagaa aissi giyaanaa giikko, hagaappe kase eti oona gidinkka tana metiyaabaa gidenna; Xoossai asa som77o xeellidi pirddenna.

Galaatiyaa 2:9

Qassi kaalettiyaageeta milati beettiyaageeti, Yaaqoobi, PHeexiroosinne Yohaannisi, taayyo imettida aaro kehatettaa eridi, tananne Barnnaabaasa nu kushiyaa oiqqidi sarotidosona. Taaninne Barnnaabaasi Aihuda gidenna asaa giddon oottanaadan, qassi eti Aihudatu giddon oottanaadan qachchidi denddida.

Galaatiyaa 3:4

Intte daafura ubbau ainne go77i baawee? Tumaappe go77ai de7ees.

Galaatiyaa 6:3

Aissi giikko, issi urai ainne hanennan de7iiddi, aibakko i hanidobaa ayyo milatikko, ba huuphiyaa cimmees.

Efisoona 4:29

Intte haasayai siyiyaageeta go77ana mala, koshshiyoogaadan minttettiya lo77o qaalai intte doonaappe kiyoppe attin, iita qaalai mulekka kiyoppo.

Efisoona 5:4

Yeellayiyaabainne eeyya haasayai woi pattenna qiree intteyyo bessennabaa gidiyo gishshau, intte matan mulekka de7oppo; intte hegaa ubbaa aggidi, Xoossaa galatanau bessees.

Zaarettido Wogaa 11:16

“Intte wozanai balin wora simmidi, intte hara xoossatussi oottennaadaaninne etau goinnennaadan naagettite.

Qolasiyaasa 4:6

Intte asa ubbau waati zaaranau bessiyaakko erana mala, intte haasayai ubba wode, siyanau kehiyaagaanne ufaissiyaagaa gidanau bessees.

Yaaqooba 1:19

Hegaa gishshau, ta siiqo ishatoo, hagaa hassayite; asai ubbai siyanau eesoto; shin haasayanaunne hanqqettanau eesotoppo.

Yaaqooba 1:22

SHin Xoossaa qaalaa oottiteppe attin, sissa xallan intte huuphiyaa cimmoppite.

Yaaqooba 2:20

Neeni eeyyai! Ammanoi oosuwaappe shaahettidi go77ennaagaa eranau koyai?

Koiro PHeexiroosa 3:10

Aissi giikko, Xoossaa maxaafai hagaadan yaagees; “De7o dosiyainne lo77o wodiyaa be7anau koyiyai oona gidikkonne ba inxxarssan iitabaa haasayiyoogaanne worddo yootiyoogaa aggo.