Wogaabaa 9:24 - Wolaytta Bible

²⁴ GODAA sinttappe tamai wodhdhidi, yarshshiyoosaa bollan de7iya xuuggiyo yarshshuwaanne modhdhuwaa miis. Asai ubbai hegaa be7ido wode ililiis; qassi eti bantta som77uwan sa7aa bochchidi gufannidosona.

Wogaabaa 9:24 Iomraidhean Croise

Doomettaabaa 15:17

Awai wullin sa7ai xumiis; xumin coociyaa cuwainne tamaa lacoi akeekennan kiyi beettidi, he naa77u kessi phalqqidoogeetuppe gidduwaara kanttiis.

Doomettaabaa 17:3

Yaagin Abraami ba som77uwan duge gufanniis; gufannin Xoossai ayyo hagaadan yaagiis;

Kawotu Maxaafaa Naa77anttuwaa 19:15

Yaatidi GODAA hagaadan yaagidi woossiis; “Abeet GODAU, kiruubetuppe gidduwan uttiya Israa7eela Xoossau, sa7aa kawotettatu ubbaa bolli ne xalaalai Xoossaa. Saluwaanne sa7aa neeni medhdhadasa.

Hanidabaa Odiya Koiro Maxaafaa 21:26

Hegaappe guyyiyan, Daawiti he sohuwan GODAAYYO yarshshuwaa yarshshiyoosaa keexxiis. Yaatidi xuuggiyo yarshshuwaanne issippetettaa yarshshuwaa yarshshiis; yarshshidi GODAA woossin, GODAI xuuggiyo yarshshuwaa bolli saluwaappe tamaa yeddidi, ayyo zaariis.

Hanidabaa Odiya Naa77antto Maxaafaa 6:2

SHin taani neeyyo lo77o Beeta Maqidasiyaa, neeni an merinau de7ana sohuwaa keexxaas” yaagiis.

Izira Maxaafaa 3:11

Eti GODAA galatiiddinne kayan kayan mazamuriyan sabbiiddi, hagaadan yaagidi, au yexxidosona; “GODAI keha; i Israa7eela siiqiyo aggenna siiqoi merinaagaa” yaagidosona. Qassi GODAA Beeta Maqidasiyaa baasoi baasettido gishshau, asai ubbai bantta qaalaa xoqqu oottidi hombbociiddi, GODAA galatidosona.

Mazamure Maxaafaa 80:1

Abeet Israa7eela henttanchchau, Yooseefa asaa wudiyaadan kaalettiyaagoo, neeni nuuyyo siya. Kiruubeta giyo kiitanchchatuppe bollaara de7iya araatan uttidaagoo, Efireema, Biniyaamanne Minaase sinttan qoncca. Ne wolqqaa denttada nuna ashshanau haaya.

Kessaabaa 3:2

He sohuwan GODAA kiitanchchai buuran, eexxiya tama lacuwaa giddon ayyo beettiis; buurai taman xuugettikkokka, tamai buuraa meennaagaa Muusee be7iis.

Wogaabaa 10:2

Hegaa gaasuwan GODAA matappe tamai yiidi, eta mi aggiis; etikka GODAA sinttan haiqqi aggidosona.

Wogaabaa 6:13

Tamai yarshshiyoosaa bolli ubba wode eexxiiddi de7o; to7anau koshshenna.

Qoodaabaa 14:5

Yaagin Muuseenne Aarooni hegan shiiqida Israa7eela asaa maabaraa ubbaa sinttan som77uwaa sa7an gattidi gufannidosona.

Qoodaabaa 16:22

SHin Muuseenne Aarooni sa7an gufannidi, “Abeet Xoossau, asho maayida asaa ubbaa medhdhida Xoossau, issi uri nagara oottikko, neeni kumetta maabaraa hanqqettai?” yaagidosona.

Qoodaabaa 23:21

Yaaqooba zariyau iitabi yaanabi, Israa7eela asau metoi gakkanabi taayyo beettibeenna. GODAI eta Xoossai etaara de7ees; i etau kawo gidiyoogaa awaajjoosona.

Maatiyoosa 26:39

Guuttaa sinttaukko shiiqiiddi, biittan gufannidi, “Ta Aawau, danddayettiyaabaa gidikko, ha burccukkuwaa taappe digga; shin neeni koyiyoogaadan hanoppe attin, taani koyiyoogaadan hanoppo” yaagidi Xoossaa woossiis.

Ajjuutaa 4:9

He meretati kawotaa araatan uttida meri merinau paxa de7iyaagaa mazamuriyan sabbido wode, bonchchido wodenne galatido wode,

Ajjuutaa 5:8

I he xaatta woraqataa ekkido wode, paxa de7iya oiddu meretatinne laatamanne oiddu cimati a sinttan kunddidosona. Eti huuphiyan huuphiyan diittaanne ixaanai kumido worqqa miishshaa oiqqidosona. He ixaanai geeshshati Xoossaa woossiyoogaa.

Ajjuutaa 7:11

Kiitanchchati ubbai kawotaa araataa, cimatanne paxa de7iya oiddu meretata yuuyi aadhdhidi eqqidosona. Eti kawotaa araataa sinttan bantta som77uwan gufannidi Xoossaayyo goinniiddi,

Daannatu Maxaafaa 13:23

SHin a zaarada, “GODAI nuna woranau koyidobaa gidiyaakko, xuuggiyo yarshshuwaanne kattaa yarshshuwaa nu kushiyaappe ekkenna, woikko he ubbabaa nuna bessenna, woikko hagaa nuussi odenna” yaagaasu.

Daannatu Maxaafaa 6:21

GODAA kiitanchchai ba kushiyan oiqqido xam77aa xeeran ashuwaanne irshshoi gelibeenna oittaa bochchiis; bochchin tamai shuchchaa giddoppe kiyidi, ashuwaanne irshshoi gelibeenna oittaa miis; hegaappe guyyiyan, GODAA kiitanchchai a sinttappe geemmiis.