Wogaabaa 26:9 - Wolaytta Bible

⁹ “Taani ta sinttaa inttekko zaarana; zaarada inttena aifissana; inttena darissana. Qassi taani ta maachchaa inttenaara minttana.

Wogaabaa 26:9 Iomraidhean Croise

Doomettaabaa 1:28

Xoossai eta hagaadan yaagidi anjjiis; “Yelettite; corattite; ha sa7aa kumitenne haarite; abbaa moliyaa, saluwaa kafuwaanne biittaa bolli woxxi qaaxxiya, paxa de7iya mereta ubbaa haarite” yaagiis.

Doomettaabaa 17:20

Qassi Isimaa7eelabaa gidikkonne, neeni oichchidoogaa taani siyaas; taani akka anjjana; taani a yeletissananne a zerettaa keehi corayana; i tammanne naa77u daannata yelana; taani a zerettaa gita kawotetta oottana.

Doomettaabaa 22:17

taani nena tumu anjjana; ne zerettaakka taani saluwaa xoolinttiyaa keenanne abbaa doona shafiyaa keeni oottada corayana. Ne zerettati bantta morkketu katamata laattana.

Doomettaabaa 26:4

Ne zerettaa saluwaa xoolinttiyaadan darissana; ha biittaa ubbaa taani etayyo immana; sa7aa kawotetta ubbai ne zerettaa baggaara anjjettana.

Doomettaabaa 28:14

Ne zerettai sa7aa shafiyaadan darana; neeni arggoora, arshshoora, huuphessaaranne tohossaara de7iya sohota gakkanau aakkana; sa7aa bollan de7iya asai ubbai ne baggaaranne ne zerettaa baggaara anjjettana.

Doomettaabaa 28:3

Ubbaa Danddayiya Xoossai nena anjjo; i nena yeletisso; neeni issi dere asa keena gakkanaassi nena corisso.

Doomettaabaa 48:4

I tana, 'Taani nena yeletissananne corayana; taani nena daro dere oottana. Ha biittaa taani neeppe guyyiyan, ne zerettaayyo merinaa laata oottada immana' yaagiis.

Doomettaabaa 6:18

SHin taani ta maachchaa nenaara maacettana. Neeni ne keettaayyiyo, ne attuma naatanne ne attuma naatu maccaasata nenaara ekkada markkabiyaa giddo gelana.

Kawotu Maxaafaa Koiruwaa 3:8

Taani ne ashkkarai neeni doorido asaa giddon, qoodai bainna asaa giddon de7ais.

Kawotu Maxaafaa Naa77anttuwaa 13:23

SHin GODAI Abrahaamaara, Yisaaqaaranne Yaaqoobaara maacettido maachchaa gishshau, etayyo kehiis, qarettiisinne qoppiis. Hachchi gattanaukka i eta xaissibeenna woikko ba sinttappe diggibeenna.

Nahimiyaa Maxaafaa 2:20

Taani zaarada, “Saluwaa Xoossai nuuyyo injjeyana; nuuni a ashkkarati gimbbiyaa doommana. SHin Yerusalaamen de7iyaabaappe inttena gakkiya shaaho gidin, maata gidin, woikko intte dogettennaadan qofissiyaabi intteyyo baawa” yaagaas.

Nahimiyaa Maxaafaa 9:23

Eta zerettatu qoodaa saluwaa xoolinttiyaadan darissadasa. Kase eta aawatussi gelissananne laatissana gaada neeni yootido biittaa eta gelissadasa.

Mazamure Maxaafaa 107:38

I eta anjjin, eti keehi corattidosona; eta mehiyaakka guuttibeenna.

Mazamure Maxaafaa 89:3

Neeni, “Taani dooridoogaara maachchaa maacettaas. Ta ashkkaraa Daawitayyo hagaadan yaagada caaqqaas;

Kessaabaa 1:7

shin Israa7eela zerettai aifidosonanne keehi daridosona; he biittaa kumana gakkanaassi eti keehi corattidosona.

Kessaabaa 2:25

Hegaa gishshau, Xoossai Israa7eelata xeellidi etau qoppiis.

Kessaabaa 6:4

Qassi taani etayyo eti bete gididi de7ido Kanaane biittaa immanau ta maachchaa etaara maacettaas.

Isiyaasa 55:3

“Ta asau, siyite; taakko haa yiite. SHemppoora paxa de7ana giikko, taani yootiyoogaa siyite. Taani inttenaara merinaa maachchaa maacettana. Taani anjjana gaada Daawita anjjidoogaadan, inttenakka anjjana.

Ermmaasa 23:3

Hegaappe guyyiyan, ta wudiyaappe attidaageeta kase laalido biitta ubbaappe taani ta huuphen shiishshana. SHiishshada eta guyye eta hentta gade zaarana. Etikka hagan yelettidi corattana.

Ermmaasa 23:4

Taani eta loitti heemmiya henttanchchata etau wottana. Eti naa77antto yayyokkonanne dagammokkona; etappe issoinne bayenna. Taani GODAI hagaa odaas” yaagees.

Ermmaasa 33:3

“Neeni tana xeesa; taani neeyyo koyana; neeni erenna gitabaanne wolqqaamabaa taani neeyyo yootana.

Hizqqeela 16:62

Hegau taani ta maachchaa nenaara wottana. Taani GODAA gidiyoogaa neeni hegan erana.

Hizqqeela 36:9

Taani inttenaara de7ais; taani inttekko simmana; intte biittai goyettananne zerettana.

Wogaabaa 26:15

ta wogaa intte karikko, qassi ta azazota ubbaa oottennan ixxidi, ta maachchaa kanttanau intte ta higgiyaa shenetikko,

Luqaasa 1:72

Hagaadan nu aawatussi maarotettaa immiis. Nu aawaa Abrahaamassi caaqqido caaquwaa geeshsha maachchaa qoppiis.

Zaarettido Wogaa 28:11

GODAI neeyyo immanau kase ne maizza aawatuyyo caaqqido he biittan, ne uluwaa aifiyaa, ne mehiyaa aifiyaanne, ne shooqaa aifiyaa darissidi nena anjjana.

Zaarettido Wogaa 28:4

Ne uluwaa aifee, ne shooqaa aifee, ne mehiyaa maratinne ne dorssaanne ne deeshshaa wudiyaa marati corattidi anjjettidaageeta gidana.

Zaarettido Wogaa 7:13

I inttena siiqana; inttena anjjana; intte qoodaa darissana. Qassi i intteyyo immanau intte maizza aawatuyyo caaqqido biittan intte uluwaa aifiyaa, intte biittaa aifiyaa, kattaa, woiniyaa, zaitiyaa, intte mehiyaa maratanne intte dorssaa marata corissidi anjjana.

Ibraawe 8:9

He maachchai taani Gibxxe biittaappe eta aawatu kushiyaa oiqqada, goochcha kessido wode, etaara maacettido maachchaa mala gidenna. Eti ta maachchan ammanettibeenna gishshau, taanikka eta yegga bayaas. Taani, Godai, hagaa odais.