Wogaabaa 26:6 - Wolaytta Bible

⁶ “Taani biittau sarotettaa immana; ooninne yashissennan intte xiskkana. Iita do7ata taani biittaappe xaissana; intte biittan naa77antto olai denddenna.

Wogaabaa 26:6 Iomraidhean Croise

Kawotu Maxaafaa Naa77anttuwaa 2:24

Qilliiccin guyye simmi xeellidi, eta GODAA sunttan qanggiis. Yaatin beere geetettiya naa77u macca do7ati woraappe kiyidi, naatuppe oitamanne naa77u yelagata puuzerettidi woridosona.

Hanidabaa Odiya Koiro Maxaafaa 22:9

Be7a; neeyyo issi saro na7i yelettana. A yuushuwan de7iya morkketu ubbaara taani a saro oottana. A sunttai Solomona; taani i kawotido laittan Israa7eela asaayyo sarotettaanne woppaa immana.

Hanidabaa Odiya Naa77antto Maxaafaa 20:30

Yaatidi Xoossai Yoosaafixayyo ubba baggaara shemppuwaa immido gishshau, a kawotettai sarotettaa demmiis.

Iyyooba Maxaafaa 11:19

Neeni xiskkiyo wode, nena yashissana uri baawa; daroti nena auddashana.

Iyyooba Maxaafaa 5:23

Ne goyiyo goshshan shuchchi de7enna; bazzo do7atikka nenaara saro gidana.

Mazamure Maxaafaa 144:14

Nu miizzati modhdhona; eti aucayennan yelettidi corattona. Nu ogetun dagama waasoi siyettoppo.

Mazamure Maxaafaa 147:14

I ne zawaa sarotettan naagees; nena keehippe lo77iya gisttiyaa kalssees.

Mazamure Maxaafaa 29:11

GODAI ba asaassi wolqqaa immees. GODAI ba asaa sarotettan anjjees.

Mazamure Maxaafaa 3:5

GODAI tana naagiyo gishshau, taani zin77ada xiskkaisinne beegottais.

Mazamure Maxaafaa 4:8

Abeet GODAU, ne xalaalai tana saruwan naaga wottiyo gishshau, taani zin77ada sarotettan xiskkais.

Mazamure Maxaafaa 85:8

Taani GODAI Xoossai yootiyoobaa siyais. Nuuni nu eeyya ogiyaa guyye baana xayikko, i nuuyyo, ba asaayyo, “Sarotettaa immana” giidi yootees.

Kessaabaa 23:29

SHin biittai mela attennaadaaninne bazzo do7ai inttena waissennaadan, issi laittan eta gooddikke.

Leemiso Maxaafaa 3:24

Neeni zin77ido wode, yayyakka; zin77adakka mal77o xiskkuwaa xiskkana.

Leemiso Maxaafaa 6:22

Neeni hemettiyo wode, eti nena kaalettana; neeni zin77iyo wode, eti nena naagana; neeni beegottiyo wodekka, eti nena zorana.

Isiyaasa 35:8

Yan aaho ogee de7ana; ikka Geeshshatettaa Ogiyaa geetettana. Geeshsha gidennaageeti he ogiyaara kanttokkona. SHin i geeshshatussa gidana; iita eeyyati an simerettokkona.

Isiyaasa 35:9

Yan gaammoi de7enna; yashshiya do7atikka hegaara kanttokkona; yaanikka beettokkona; shin wozettidaageetu xallai hemettana.

Isiyaasa 45:7

Taani poo7uwaa oottais; xumaakka medhdhais. Sarotettaa oottais; bashshaakka ehais. Taani GODAI, ha ubba yohota oottiyaagaa.

Isiyaasa 9:7

A kawotettaa daruwaunne a sarotettau zawai de7enna; hachchippe doommidi, merinaa gakkanaassi, suure pirddaaninne xillotettan minttanaunne essanau Daawita kawotaa araataaninne a kawotettan i kawotana; Ubbaappe Wolqqaama GODAA mishoi hegaa polana.

Ermmaasa 30:10

“Hegaa gishshau, ta ashkkaratoo, Yaaqooba zaretoo, yayyoppite! Inttenoo, Israa7eelatoo, dagammoppite! Intte haahosan de7ishin, taani inttena ashshana; intte zaretakka eti omoodettido biittaappe yedissana. Yaaqooba zareti simmidi, aibakko bochchennan saro de7ana; eta ai asinne yashissenna. Taani GODAI hagaa odais.

Ermmaasa 31:26

Hegan beegottada ta yuushuwaa xeellaas; ta xiskkoikka taayyo mal77o xiskko gidiis.

Hizqqeela 14:15

“Woi taani eta biittaa bollan bazzo do7ata yeddin, he do7ati an de7iya asaa xaissin, he do7atu gaasuwan ooninne giddoora kanttennaadan, he biittai baisa gidikko,

Hizqqeela 14:17

“Woikko taani he biittaa bollan bisuwaa ehaada, 'Ha biittaara bisoi kantto' gaada, an de7iya asaanne mehiyaa worikko,

Hizqqeela 14:21

Ubbaa Haariya GODAI hagaadan yaagees; “Taani asaanne mehiyaa woranau Yerusalaame bolli ta oiddu hanttaara pirddata, bisuwaa, koshaa, bazzo do7aanne boshaa yeddiyo wode, i ai keena aaro iitabaa gidanddeeshsha!

Hizqqeela 34:25

“'“Taani etaara sarotettaa maachchaa maacettana; iita do7atakka taani biittaappe diggana; yaatobare ta dorssati bazzon saro de7ana; wora garssankka hirggi bainnan allaxxana.

Hizqqeela 34:27

Gaden de7iya mittati aifana; biittaikka kattaa mokkana. Asai ubbai he biittan saro de7ana. Taani eta qambbaraa menttada, eta ailleyidaageetu kushiyaappe kessiyo wode, taani GODAA gidiyoogaa eti erana.

Hizqqeela 5:17

Taani koshaanne bazzo do7aa intte bolli yeddin, eti intte naata xaissana. Taani boshaa, suuttaa gussiyoogaanne olaa intte bolli ehaana. Taani GODAI hagaa odaas” yaagees.

Hoose7a 2:18

He gallassi taani ta asaa gishshau sa7aa do7atuura, saluwaa kafotuuranne biittaara gooshettiya meretatuura maachchaa maacettana. Taani biittaappe wonddafiyaa, bisuwaanne olaa xaissana; yaatobare eti woppu giidi, saro de7ana.

Hoose7a 2:20

taani ammanettada nena taassi giigissana. Neenikka GODAA erana” yaagees.

Wogaabaa 25:18

“'Ta azazuwaa oottite; ta higgiyaakka naagitenne oottite; yaatikko intte ha biittan sarotettan de7ana.

Wogaabaa 25:19

Biittai ba aifiyaa intteyyo immana; immin intte kallana gakkanaashin maana; qassi he biittankka intte sarotettan de7ana.

Wogaabaa 26:22

Taani intte bolli bazzo do7ata yeddana; eti intte naata bonqqana; intte meheta xaissana; intte qoodaakka guuttana; hegaa gaasuwan intte hemettiyo ogee bazzo gidana.

Wogaabaa 26:25

Ta maachchaa menttido haluwaa kiyiya bisuwaa taani intte bolli ehaana; intte intte katamatun shiiqikkokka, taani intte bollan boshaa yeddana. Qassi inttekka intte morkketu kushiyan aadhdhidi imettana.

Wogaabaa 26:7

Intte morkketa intte yedettana; yedettin intte sinttan eti bisuwan haiqqana.

Mikiyaasa 4:4

SHin asi ubbi ba woiniyaa turaa kuwaaninne balasiyaa kuwan woppu giidi uttana; ai asinne eta yashissenna. Aissi giikko, Ubbaappe Wolqqaama GODAI hagaa haasayiis.

Sofonaasa 3:13

Israa7eela asaappe attidaageeti iitabaa oottokkona; wordduwaa haasayokkona; eta inxxarssankka cimoi beettenna. Hegaa gishshau, eti heemettananne allaxxana; eta yashissiyaabikka de7enna” yaagees.

Hagge 2:9

Koiroogaa bonchchuwaappe ha naa77antto Beeta Maqidasiyaa bonchchoi darana; taani Ubbaappe Wolqqaama GODAI ha sohuwan sarotettaakka immana' yaagada yoota” yaagiiddi yiis.

Zakkaariyaasa 9:10

GODAI hagaadan yaagees; “Taani paraa gaareta Israa7eelappe, olaa paratakka Yerusalaameppe xaissana; olaa wonddafeekka meqerettana. Qassi ne kawoi kawotettatussi saruwaa awaajjana; i ha abbaa gaxaappe hini abbaa gaxaa gakkanaashiininne Efiraaxiisa SHaafaappe sa7aa gaxaa gakkanaashin haarana” yaagees.

Yohaannisa 14:27

“Taani sarotettaa inttenaara wottais; ta sarotettaa intteyyo immais. Taani sa7ai immiyo sarotettaa malaa immikke. Intte hirggoppitenne yayyoppite.

Yesuusi Kiittidoogeetu Oosuwaa 12:6

Heeroodisi PHeexiroosa asaa sintti aattanau qoppanaappe kase qammi, PHeexiroosi naa77u sanssalatan qashettidi, naa77u wotaaddaratuppe gidduwan xiskkees; naagiyaageetikka qasho keettaa penggen eqqidi naagoosona.

Roome 5:1

Hegaa gishshau, nuuni ammanuwan xillidoogan, nu Godaa Yesuus Kiristtoosa baggaara nuuyyo Xoossaara sarotettai de7ees;