Wogaabaa 26:31 - Wolaytta Bible

³¹ Taani intte katamata baisa oottana; intte goinniyo sohotakka kolerettana; intte sawiya yarshshuwaakka singgikke.

Wogaabaa 26:31 Iomraidhean Croise

Doomettaabaa 8:21

Yaatin GODAI yarshshuwaa peenuwaa sawiyaagaa singgidi, ba wozanan hagaadan yaagiis; “Naatettaasappe doommin, asi wozanan qoppiyoobai ubbai iita gidikkokka, taani asa gishshau gaada naa77antto mulekka ha sa7aa qanggikke. Qassi taani ha77i oottidoogaadan paxa de7iya mereta ubbaa naa77antto mulekka xaissikke.

Kawotu Maxaafaa Naa77anttuwaa 22:19

“Taani ha sohuwaa bollinne ha sohuwan de7iya asaa bolli, 'Taani inttena xaissananne baisa kessana' gaada haasayidoogaa neeni siyido wode, ne wozanai shuggin, ta sinttan ne huuphiyaa kaushshido gishshaunne ne maayuwaa pooshshada, ta sinttan yeekkido gishshau, taani ne woosaa siyaas.

Hanidabaa Odiya Naa77antto Maxaafaa 36:19

Hegaappe guyyiyan, Baabiloone olanchchati Xoossaa Beeta Maqidasiyaa taman xuuggidi, Yerusalaame dirssaa gimbbiyaakka laalidosona. Kawo keettata ubbaa taman xuuggidi, yan de7iya al77o miishsha ubbaa xaissidosona.

Nahimiyaa Maxaafaa 1:3

Eti zaaridi, “Omooduwan gam77idi, bantta biittaa simmida Aihudati gita metuwaaninne yeellaa giddon de7oosona. Yerusalaame gimbbiyaa dirssai kolettiis; qassi gimbbiyaa penggetikka taman xuugettidosona” yaagidosona.

Nahimiyaa Maxaafaa 2:17

Hegaappe guyyiyan, taani etau hagaadan yaagaas; “Nuuni ai mala metuwaa giddon de7iyaakko be7eeta; aissi giikko, Yerusalaame katamai kolettiis; qassi gimbbiyaa penggetikka taman xuugettidosona. SHin hagaappe sinttau nuuni hagaadan kauyyidi de7ennaadan, ane denddidi, Yerusalaame gimbbiyaa zaarettidi gimbboos” yaagaas.

Nahimiyaa Maxaafaa 2:3

“Kawoi merinau de7o! Ta maizza aawati moogettido katamai kolettidi xayin, qassi he katamaa dirssaa penggetikka taman xuugettiichchin, taani aissi azzanikkinaa?” yaagaas.

Isiyaasa 1:7

“Intte biittai xafe gidiis; intte katamatikka taman xuugettidosona; intte goshshaa intte xeellishin, allagati ekkoosona; imatta asati laalin, mela attiis.

Isiyaasa 6:11

Yaatin, taani, “Abeet Godau! Hagee aide gakkanaashiinee?” yaagaas. Yaagin i zaarettidi, “Katamati de7iya asaa xayidi, qolettana gakkanaashiina, keettatikka onana gakkanaashiinanne biittaikka muleera baisa gidana gakkanaashiina.

Isiyaasa 63:18

Ne geeshsha asai ne Beeta Maqidasiyaa guutta wodiyaassi laattidosona; shin nu morkketi a duge zaaridi yedhdhidosona.

Isiyaasa 64:9

Abeet GODAU, keehi hanqqettoppa; nu nagaraakka merinau hassayoppa. Be7a, nuuni ubbaikka ne asa gidiyo gishshau, nuna maara.

Isiyaasa 66:3

“Asai ubbai bau bau injjetiya ogiyaa doorido gaasuwan, korimaa yarshshiyaagee asa woriya uraa mala; dorssa maraa yarshshiyaageekka kanaa goora7iya asa mala; kattaa yarshshuwaa yarshshiyaageekka gudunttaa suuttaa yarshshiya ura mala; qassi hassayissiya ixaanaa cuwayiya urikka eeqaassi goinniya asa mala. Eta shemppoikka eta tunatettan ufaittees.

Ermmaasa 22:5

SHin intte azazettennan ixxikko, 'Ha kawo keettai ona gidana' yaagada taani GODAI ta huuphiyan caaqqais” yaagees' yaaga” yaagees.

Ermmaasa 26:6

yaatikko taani ha Beeta Maqidasiyaa Seelodan oottana. Ha katamaakka sa7an de7iya kawotettatau ubbau qanggetta oottana” yaagees' yaaga” yaagiis.

Ermmaasa 26:9

Neeni, 'Ha Beeta Maqidasee Seelodan hanana; qassi ha katamaikka baisanne ona gidana' yaagada, GODAA sunttan aissi hananabaa yootadii?” yaagidosona. Yaagidi GODAA Beeta Maqidasiyan shiiqida asati ubbai Ermmaasa dooddidosona.

Ermmaasa 4:26

Taani xeellaas; xeellada aradda biittai qa77e gididoogaa be7aas; GODAA sinttan, a suulo hanqquwaa sinttan he biittaa katamatikka yoodettidosona.

Ermmaasa 4:27

GODAI hagaadan yaagees; “Mule biittai moorettana; shin taani a wurssa xaissikke.

Ermmaasa 4:7

Gaammoi ba de7iyo buuraappe kiyiyoogaadan, kawotettata xaissiyaagee ba sohuwaappe denddiis. Denddidi intte biittaa xaissanau yiis. Intte katamati moorettidi ona gidana.

Ermmaasa 44:2

“Ubbaappe Wolqqaama GODAI, Israa7eela Xoossai, hagaadan yaagees; 'Yerusalaame bollaaninne Yihudaa katamatu ubbaa bollan taani ehiido bashshaa ubbaa intte intte huuphen be7ideta. Eti hachchi gakkanaashin, koletti uttidosona; ooninne yan de7enna.

Ermmaasa 44:6

Hegaa gaasuwan ta suulliya hanqqoinne yiilloi tigettiis; tigettidi Yihudaa katamatuuninne Yerusalaame ogetun eexxiis. Etikka hachchi intte be7iyoogaadan, kolettidaageetanne baisa gididosona' yaagees.

Ermmaasa 52:13

Gelidi GODAA Beeta Maqidasiyaa, kawo keettaanne Yerusalaamen de7iya keettata ubbaa taman xuuggiis; gita keetta giyo keetta ubbaa xuuggiis.

Ermmaasa 9:11

GODAI hagaadan yaagees; “Yerusalaame katamaa taani qolettida keelanne worakanati geessiyo ona oottana. Yihudaa katamatakka ooninne de7enna baisa soho oottana” yaagees.

Ermmaasa Zilaassaa 1:1

Kase asai kumido Yerusalaame katamiyaa ha77i waanada mela attadee! Kase kawotettatu giddon gita gididaara ha77i azini haiqqido maccaaseedan, waanada barkka attadee! Katamatu ubbaa giddon kawiyo gididaara ha77i waanada aille gidadee!

Ermmaasa Zilaassaa 1:10

Morkketi i bonchcho buquraa ubbaa bollan bantta kushiyaa yeddidosona. Dere kawotettati, kase neeni GODAI maabaraa giddo gelissennan diggido asati, i Beeta Maqidasiyaa gelishin be7aasu.

Ermmaasa Zilaassaa 2:6

I ba Beeta Maqidasiyaa ataakiltte giddon de7iya daasiyaadan, shoddi oliis. Laittaa giddon bonchchiyo baalatinne Sambbatati mule dogettanaadan, GODAI oottiis. Ba gita hanqquwan kawuwaanne qeesiyaa kariis.

Ermmaasa Zilaassaa 2:7

Godai baayyo yarshshuwaa yarshshiyo sohuwaa ixxiis; ba Beeta Maqidasiyaakka aggi bayiis. Kawo keettatu gimbbiyaa morkketu kushiyan aattidi immiis. Asai laittaa baalaa bonchchiiddi wocamiyoogaadan, morkketi GODAA Beeta Maqidasiyan wocamidosona.

Hizqqeela 12:20

Ha77i asai kumido katamati xayana; qassi biittaikka baisa gidana. Taani GODAA gidiyoogaa intte hegan erana” yaagees' yaaga” yaagiiddi yiis.

Hizqqeela 21:15

Hegee eta wozanai seeranaadaaninne etappe daroti haiqqanaadan oottana. Bisoi wolqqanttaadan pholqqu gees; siifanau qucettiis.

Hizqqeela 21:7

Eti nena, 'Aissi yeekkai?' giidi oichchiyo wode, hagaadan yaaga; 'Sinttaara yiya iita oduwaassi yeekkais. Wozani ubbai yashshan seerana; kushe ubbai arggaacana; eta goobatettai ubbai etappe kichchana; gulbbata ubbaikka kokkorana. He wodee gakkiis! I tumu polettana! Taani Ubbaa Haariya GODAI hagaa odais' yaaga” yaagiiddi yiis.

Hizqqeela 24:21

'Israa7eela asaa hagaadan yaaga; “Ubbaa Haariya GODAI hagaadan yaagees; 'Intte ceeqettiyo, intte aifiyaa lo77iyaanne intte shemppoi amottiyo ta Beeta Maqidasiyaa taani tunissana hanais. Intte guyye ashshido intte attuma naatinne intte macca naati bisuwan wurana.

Hizqqeela 6:6

Intte de7iyoosan ubban intte katamatinne intte goinniyo xoqqa sohoti qolettana. Hegaappe denddidaagan intte yarshshiyo sohoti baisanne moorettidaageeta gidana; intte eeqati meqerettananne xayana; intte ixaanaa cuwayiyo sohotikka meqeretti wodhdhana; intte oosoi ubbai pitetti xayana.

Hizqqeela 9:6

Cimata, wodallatanne geela7ota, maccaasatanne naata ubbaakka worite; shin som77uwan malaatai de7iyo asa oonanne bochchoppite. Woruwaa ta Beeta Maqidasiyan doommite” yaagiis. Yaagin eti woruwaa Beeta Maqidasiyaa sinttan eqqida cimatun doommidosona.

Daaneela 2:46

Hegaappe guyyiyan, Kawoi Naabukadanaxoori Daaneela bonchchidi, som77uwaa biittaa gattidi gufanniis; yaatidi asai a sinttan yarshshuwaa yarshshanaadaaninne ixaanaa cuwayanaadan azaziis.

Amoxa 7:9

Yisaaqa zareti goinniyo xoqqa sohoti kolettana; Israa7eela geeshsha sohotikka xayana; qassi Iyorbbaama kawotettaa bollikka taani bisuwaara denddana” yaagiis.

Mikiyaasa 3:12

Hegaa gishshau, intte gaasuwan Xiyoone katamai shooqadan goyettana; Yerusalaame katamaikka kolettidi issisan doorettida suuppa shuchcha gidana. Beeta Maqidasee keexettido sohoikka wora gidana.

Sofonaasa 3:6

GODAI hagaadan yaagees; “Taani kawotettata xaissaas; eta gimbbettida sohotikka kolettiichchidosona. Eta katamata issi asinne de7enna ona biitta oottaas; ogetakka ooninne hegaara kanttenna bazzo oottaas.

Luqaasa 21:24

Eti qara bisuwan qanxxettidi haiqqana; eti dere ubban omoodettana; Aihuda gidenna asai bantta wode polettana gakkanaashin, Yerusalaame katamaa yedhdhana.

Yesuusi Kiittidoogeetu Oosuwaa 6:14

Aissi giikko i, ‘Hagee Naazireeta Yesuusi ha Beeta Maqidasiyaa qolana; Muusee nuussi immido higgiyaakka laammana’ yaagishin, nuuni siyida” yaagidosona.

Ibraawe 10:26

Nuuni tumatettaa eratettaa ekkirggidi, eriiddi nagara oottiyaabaa gidikko, hagaappe sinttau nagara xaissiya yarshshoi issibinne baawa.