Wogaabaa 26:12 - Wolaytta Bible

¹² Taani intte gidduwan hemettana; qassi intte Xoossaa gidana; inttekka ta asa gidana.

Wogaabaa 26:12 Iomraidhean Croise

Doomettaabaa 17:7

Taani taappenne neeppe, neeppe guyyiyan ne zerettaappenne gidduwan, yeletaappe yeletaa gakkanaassi ta maachchaa maacettais; ha maachchai taani neeyyoonne neeppe guyyiyan ne zerettaayyo Xoossaa gidana mala merinaa maachcha.

Doomettaabaa 17:8

Ha77i neeni bete gidada de7iyo Kanaane biittai ubbai neeyyoonne neeppe guyyiyan ne zerettaayyo merinaassi laata gidana mala taani immana; qassi taani eta Xoossaa gidana” yaagiis.

Doomettaabaa 3:8

Sa7ai omarido wode, gannatiyaa gidduwan GODAI Xoossai hemettishin, a giirettaa bitaneenne a keettaayyiyaa siyidosona; siyidi eti gannatiyaa mittaa giddon GODAA Xoossaappe qosettidosona.

Doomettaabaa 5:22

Maatusaala yelidoogaappe guyyiyan, Heenooki 300 laittaa Xoossaara hemettiiddi de7iis; hara attuma naatanne macca naata yeliis.

Doomettaabaa 5:24

i Xoossaara hemettiiddi xayi bayiis; aissi giikko, Xoossai a ekki efiis.

Doomettaabaa 6:9

Nohee hanidobai hagaappe kaallidi xaafettiis. Nohee xillo asa; i ba wodiyan de7ida asaa giddon suure asa; Nohee Xoossaara hemettiis.

Sameela Maxaafaa Naa77anttuwaa 7:7

Taani Israa7eela asaa ubbaara yuuyido soho ubban, ta asaa Israa7eela heemmana mala, taani sunttidoogeetuppe issuwaanne 'Taayyo zigaa keettaa aissi keexxabeikkii?' gaada oichchabeikke” yaagees' yaaga.

Mazamure Maxaafaa 50:7

“Ta asau, siya! Taani neeyyo yootais. Israa7eela asau, taani ne bolli markkattais. Taani Xoossaa, ne Xoossaa.

Kessaabaa 29:45

Yaatada taani Israa7eelatu giddon de7ana; qassi taani eta Xoossaa gidana.

Kessaabaa 29:46

Taani eta giddon de7ana mala, Gibxxeppe eta kessida GODAA eta Xoossaa gidiyoogaa eti erana. Ee, taani GODAA eta Xoossaa.

Kessaabaa 3:6

Qassikka GODAI a, “Taani ne aawaa Xoossaa, Abrahaama Xoossaa, Yisaaqa Xoossaa, Yaaqooba Xoossaa” yaagiis. Yaagin Muusee Xoossaa xeellanau yayyido gishshau, ba som77uwaa genttiis.

Kessaabaa 6:7

Taani inttena ta huuphe asadan ekkananne taani intte Xoossaa gidana. He wode intte taani GODAA intte Xoossaa inttena Gibxxetu ailletettaappe kessidaagaa gidiyoogaa erana.

Isiyaasa 12:2

“Be7ite, Xoossai ta atotettaa; taani an ammanettada, yayyikke. Aissi giikko, GODAI Xoossai taayyo wolqqanne yetta. I ta atotettaa gidiis” yaagana.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Ermmaasa 30:22

Hegaa gishshau, intte ta asa gidana; taanikka intte Xoossaa gidana” yaagees.

Ermmaasa 31:33

SHin taani GODAI he gallassatuppe guyyiyan Israa7eela asaara maacettana maachchai hagaa: taani ta higgiyaa eta giddon wottana; qassi eta wozanankka xaafana. Taani eta Xoossaa gidana; qassi etikka ta asa gidana.

Ermmaasa 32:38

Eti ta asa gidana; taanikka eta Xoossaa gidana.

Ermmaasa 7:23

SHin taani etayyo ha azazuwaa immaas; 'Taayyo azazettite. Yaatikko, taani intte Xoossaa gidana; inttekka ta asaa gidana. Intteyyo lo77ana mala, taani inttena azaziyo oge ubban hemettite' yaagaas.

Hizqqeela 11:20

He wodiyan eti ta higgiyaa kaallana; ta azazuwaakka naagana. Eti ta asa gidana; taanikka eta Xoossaa gidana.

Hizqqeela 36:38

Yarshshiyo dorssaa wudiyaadan, Yerusalaamen baalaa gallassan yarshshuwaassi shiishshido dorssaa wudiyaadan, eta qolettida katamatun asaa wudee kumana. Taani GODAA gidiyoogaa eti he wode erana” yaagiis' yaaga” yaagiiddi yiis.

Yuu7eela 2:27

He wode taani Israa7eela giddon de7iyoogaa, taani GODAI intte Xoossaa gidiyoogaanne taappe attin, hara xoossi bainnaagaa intte erana. Qassi ta asai naa77antto mulekka yeellatenna.

Zakkaariyaasa 13:9

Ha attida heezzantto kushe asaa taani taman yeggana; yeggada birai taman geeyiyoogaadan, eta geeshshana; qassi worqqai paacettiyoogaadankka paaccana. Hegaappe guyyiyan, eti ta sunttan woossana; taanikka etayyo siyana. Taani, 'Hageeti ta asata' yaagana. Etikka, 'GODAI nu Xoossaa' yaagana” yaagees.

Qoodaabaa 5:3

Hegee maccaa attumaa gidinkka kessona. Taani eta gidduwan de7iyo eti dunkkaanidosaa hegeeti tunissenna mala, eta dunkkaanidosaappe kessa yedda” yaagiis.

Naa77antto Qoronttoosa 6:16

Xoossaa Beeta Maqidasiyaaranne eeqaara aiba zuppetetti de7ii? Aissi giikko Xoossai, “Taani eta giddon de7ananne eta giddon hemetettana. Taani eta Xoossaa gidana; qassi etikka ta asata gidana” giidoogaadan, nuuni de7o Xoossaa beeta maqidase.

Zaarettido Wogaa 23:14

Aissi giikko, GODAI intte Xoossai inttena naaganaunne intte morkketa intte kushiyan aatti immanau, intte moottan yaanne haanne hamettees. Hegan i sheneyiyaabaa aibanne be7idi, intteppe wora simmennaadan, intte moottai geeshsha gidanau koshshees.

Zaarettido Wogaa 23:15

“Ba godaappe baqatidi, neekko yiida ailliyaa zaarada a godaayyo immoppa.

Ibraawe 11:16

eti hegaa aggidi, lo77iya biittaa laamotoosona; hegee saluwaa biittaa. Hegaa gishshau, Xoossai eta Xoossaa geetettanau yeellatenna. Aissi giikko, i etau katamaa giigissi wottiis.

Ajjuutaa 2:1

“Efisoonan de7iya woosa keettaa kiitanchchaayyo hagaadan yaagada xaafa; ‘Ba ushachcha kushiyan laappun xoolinttiyaa oiqqidaagee, xomppeta wottiyo laappun worqqa ballatu gidduwaara hemettiyaagee, hagaadan yaagees.

Ajjuutaa 21:7

Xooniya urai ooninne hagaa ubbaa laattana. Taani ayyo Xoossaa gidana; ikka ta na7a gidana.