Wogaabaa 22:21 - Wolaytta Bible

²¹ “'Qassi oona gidikkonne ba shiiquwaa gattanau issippetettaa yarshshuwaa GODAASSI yarshshiyo wode, woi qassi ba mehiyaappe ba dosan coo immiyo imotaa GODAASSI shiishshiyo wode, hegee ekettana mala i tilla bollaara de7iyaagaa gido.

Wogaabaa 22:21 Iomraidhean Croise

Doomettaabaa 28:20

Yaaqoobi hagaadan yaagidi shiiqettiis; “Ta aawaa soo taani saro simmana mala Xoossai tanaara gidikko, taani biyo ha buussan tana naagikkonne tau miyo qumanne maayiyo maayo immikko, GODAI ta Xoossaa gidana;

Mazamure Maxaafaa 50:14

Hegaa gishshau, Xoossaassi neeni immiyo yarshshoi galata gido; Ubbaappe Xoqqiya Xoossaassi ne shiiquwaa gatta.

Kessaabaa 35:29

Israa7eelati asai ubbai, attumainne maccai, eti oottanaadan GODAI Muuse baggaara azazido oosuwau haniya imuwaa ubbaa bantta dosan GODAYYO ehiidosona.

Leemiso Maxaafaa 7:14

“Taani ta yarshshuwaa yarshshada, ta shiiquwaa ha77i gatta simmais.

Wogaabaa 22:22

Intte mehiyaappe qooqiyaa, woi mequwaa, woikko gunddaa, woikko giiyiya masunttai, woikko puusoi, woikko ilahai de7iyoogaa GODAASSI yarshshoppite; qassi taman xuuggiyo yarshsho oottidikka yarshshiyoosaa bollan GODAAYYO shiishshoppite.

Wogaabaa 3:1

“'Issi asi issippetettaa yarshshuwaassi ba wudiyaappe macca gidin attuma gidin issi mehe shiishshiyo wode, he mehee tilla bollaara de7iyaagaa gido.

Wogaabaa 3:6

“'GODAAYYO issippetettaa yarshshuwaa shiishshiya uri dorssa gidin deeshsha gidin, macca gidin attuma gidinkka tilla bollaara de7iyaagaa shiishsho.

Qoodaabaa 15:3

mehiyaappe woikko dorssaappe, xuuggiyo yarshsho gidin, woikko shiiqo gattanau yarshshiyo yarshsho gidin, woikko taani keerido baala gallassatun intte dosan coo immiyo yarshsho gidin, GODAAYYO taman xuuggiyo, sawuwaa tonggu giya yarshshota yarshshite.

Qoodaabaa 15:8

“'Issi mirgguwaa xuuggiyo yarshsho, woikko shiiquwaa gattiyo yarshsho, woikko issippetettaa yarshsho oottidi yarshshanau GODAAYYO ehiyo wode,