Wogaabaa 19:26 - Wolaytta Bible

²⁶ “'Suuttai a giddon de7iyo ai ashokka mooppite. “'Kaayoppite woi shareechchoppite.

Wogaabaa 19:26 Iomraidhean Croise

Doomettaabaa 44:5

Hagee ta godai uyiyoonne qassi xuurabaa demmiyo wanccaa gidennee? Hagee intte oottidobai hanttaaraba' yaaga” yaagiis.

Doomettaabaa 9:4

SHin biron shemppoora de7iya suuttai a giddon de7iyo ashuwaa mooppite.

Kawotu Maxaafaa Naa77anttuwaa 17:17

Eti bantta attuma naatanne macca naata taman xuuggidi yarshshidosona. Kaayiyoogaanne moitilliyaa haasayissiyoogaa meezetidosona. Hegaadan iitabaa oottanau bantta huuphiyaa baizzidi, GODAA hanqqetissidosona.

Kawotu Maxaafaa Naa77anttuwaa 21:6

Ba yelido na7aa taman xuuggidi yarshshiis. I ba huuphenkka bitiyaagaanne gojiyaagaa gididi, shareechchotanne moitilliyaa haasayissiyaageeta zoriyaa oichchiis. GODAA sinttan daro iitabaa oottidi, a hanqqetissiis.

Hanidabaa Odiya Naa77antto Maxaafaa 33:6

Hinnooma Zanggaaran ba attuma naata taman xuuggidi yarshshiis. I ba huuphenkka bitiyaagaanne gojiyaagaa gididi, shareechchotanne moitilliyaa haasayissiyaageeta zoriyaa oichchiis. GODAA sinttan i daro iitabaa oottidi, a hanqqetissiis.

Kessaabaa 7:11

Hegaappe guyyiyan kawoi aadhdhida eranchchatanne bitanchchata xeesissiis; xeesissin etikka, ha Gibxxetu shareechchoti bantta eeqan hegaadan oottidosona.

Kessaabaa 8:7

SHin shareechchotikka bantta eeqan hegaadan oottidosona; etikka Gibxxe biittan shodhdhee kiyanaadan oottidosona.

Ermmaasa 10:2

GODAI hagaadan yaagees; “Deretu ogiyaa intte tamaaroppite. Dereti saluwaa bolli malaataa be7idi dagammikkokka, intte dagammoppite.

Daaneela 2:10

Aadhdhida eranchchati kawuwau zaaridi, “Kawoi oichchiyo oishaa zaaranau danddayiya issi asinne biittan baawa. Ai gitatidanne wolqqaamida kawoikka hagaa malabaa shareechchota, murunniyaageeta woikko aadhdhida eranchchata oichchi erenna.

Wogaabaa 19:25

SHin he mittaa aifee intteyyo keehi darana mala, ichchashantta laittaa aifiyaa miite. Intte hagaadan oottikko, intte mittaa aifee darana. Taani GODAI intte Xoossaa.

Wogaabaa 3:17

“'Handdaanne suuttaa intte de7iyoosan awaaninne mooppite. Hagee intteyyoonne intte yeletau merinau naagettiya woga' yaagada oda” yaagiis.

Wogaabaa 7:26

Intte de7iyo sohuwan awan gidikkokka, kafo suuttaa, mehe suuttaa woikko harabaa aiba suuttaanne mooppite.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Yesuusi Kiittidoogeetu Oosuwaa 15:20

SHin eti eeqan tunidabaa meenna mala, shaaramuxenna mala, sulettida mehe asho meenna malanne suutta uyenna mala, etassi nuuni dabddaabbiyaa xaafanau koshshees.

Zaarettido Wogaa 12:16

SHin suuttaa haattadan sa7an gussiteppe attin mooppite.

Zaarettido Wogaa 12:23

SHin suuttai de7iyo ashuwaa meennaadan naagettite; aissi giikko, shemppoi suuttan de7ees; hegaa gishshau, de7uwaa ashuwaara mooppite.

Zaarettido Wogaa 15:23

SHin intte a suuttaa haattadan sa7an gussiteppe attin, mooppite.

Sameela Maxaafaa Koiruwaa 14:32

Eti omooduwaa gauhiyidi, dorssata, miizzatanne marata ekkidosona; ekkidi biittan coo shukkidi, suuttaarakka miidosona.

Sameela Maxaafaa Koiruwaa 14:33

Hegaappe guyyiyan, issi asi Saa7oola, “Be7a; asai suuttaara de7iya ashuwaa miiddi, GODAA bolli nagaraa oottees” yaagiis. Yaagin i eta, “Intte nagaraa oottideta; wogga shuchchaa eesuwan haa taakko gonddorssite” yaagiis.

Sameela Maxaafaa Koiruwaa 15:23

Aissi giikko, xibiyoogee shareechchiyo nagaraa mala; qassi otorettiyoogee eeqau goinniyo iitatettaa mala. Neeni GODAA qaalaa ixxido gishshau, GODAI neeni kawo gidiyoogaa ixxiis” yaagiis.