Wogaabaa 14:25 - Wolaytta Bible

²⁵ Yaatidi naaquwaa yarshshuwau ehiido dorssa maraa shukko; shukkidi he naaquwaa yarshshuwaa suuttaappe guuttaa ekkidi, ha geeyiya bitaniyau ushachcha haittaa xeeraa, ushachcha kushiyau wogga biradhdhiyaanne ushachcha tohuwau wogga biradhdhiyaa tiyo.

Wogaabaa 14:25 Iomraidhean Croise

Mazamure Maxaafaa 40:6

Neeni yarshshonne imo koyabaakka; shin siyana mala, taayyo haittaa dooyadasa. Xuuggiyo yarshshuwaanne nagaraa yarshshuwaa neeni koyabaakka.

Kessaabaa 29:20

He dorssa orggiyaa shukkada, a suuttaappe amaridaagaa ekkada, Aaroonayyoonne a naatuyyo ushachcha haittatu xeeraa, eta ushachcha kushetuyyo wogga biradhdhetanne eta ushachcha tohotuyyo wogga biradhdheta tiya; hegaappe guyyiyan, attida suuttaa yarshshiyoosaa miyyiyan ubbasaara caccafa.

Eranchchaa Maxaafaa 5:1

Xoossaa keettaa geliyo wode, ne tohuwaa akeekada tangga. Siyanau mataa shiiqiyoogee, eeyyati yarshshuwaa shiishshiyoogaappe aadhdhees; aissi giikko, eti iita oosuwaa oottiiddi de7iyoogaa erokkona.

Wogaabaa 14:26

Qassi qeesee zaitiyaappe guuttaa ba haddirssa kushiyaa gomppan tigo.

Wogaabaa 5:7

“'Asi ba oottido nagaraayyo yarshshanau, dorssaa woikko deeshshaa anqqaraa shammanau ayyo miishshi gidana xayikko, naa77u haraphpheta buubata, woikko naa77u mara haraphpheta, issuwaa nagaraa yarshsho oottidi, qassi issuwaa xuuggiyo yarshsho oottidi GODAASSI eho.

Wogaabaa 8:23

Muusee he dorssaa shukkiis; shukkidi a suuttaappe ekkidi, Aaroonassi ushachcha haittaa xeeraa, ushachcha kushiyaa wogga biradhdhiyaanne, ushachcha tohuwaa wogga biradhdhiyaa tiyiis.