Wogaabaa 11:7 - Wolaytta Bible

⁷ Gudunttaakka mooppite; aissi giikko, ayyo qinccafilee phalqqetta gidikkonne, waammotenna gishshau, i intteyyo tuna.

Wogaabaa 11:7 Iomraidhean Croise

Isiyaasa 65:4

Qassi eti duufo giddon uttiyaageeta; geema sohuwan qammaa aqiyaageeta. Gudunttaa ashuwaa miyaageeta; eta xaaruwan tuna ashuwaa cambbai de7iyoogeeta.

Isiyaasa 66:17

GODAI hagaadan yaagees; “Ataakilttiyaa sohuwan bantta eeqau goinnanau, bantta giddon de7iya issuwaa kaallidi, banttana dummayidi geeshshiyaageeti, qassi gudunttaa ashuwaa, sheneyiyaabaanne eceriyaa miyaageeti ubbai issippe xayana.

Isiyaasa 66:3

“Asai ubbai bau bau injjetiya ogiyaa doorido gaasuwan, korimaa yarshshiyaagee asa woriya uraa mala; dorssa maraa yarshshiyaageekka kanaa goora7iya asa mala; kattaa yarshshuwaa yarshshiyaageekka gudunttaa suuttaa yarshshiya ura mala; qassi hassayissiya ixaanaa cuwayiya urikka eeqaassi goinniya asa mala. Eta shemppoikka eta tunatettan ufaittees.

Wogaabaa 11:3

Qinccafilee wuri phalqqettidoogeetanne waammotiya meheta ubbaa miite.

Wogaabaa 11:8

Intte hageetu ashuwaa mooppite; eta bautaakka bochchoppite; eti intteyyo tuna.

Maatiyoosa 7:6

“Geeshshabaa kanatuyyo immoppite; eti guyye simmidi, inttena saxxana. Qassi inqquwaa giyo intte al77o shuchchaa gudunttatu sintti oloppite; eti bantta tohuwan yedhdhana.

Luqaasa 15:15

He dere asaappe issuwaakko biidi, ‘Tana neessi ashkkara oottarkkii?’ yaagin, bitanee ba gudunttaa wudiyaa heemmanau dembbaa a yeddiis.

Luqaasa 8:33

Yaagin xalaheti bitaniyaappe kiyidi, gudunttatun gelin, wudee kakaara jaamiiddi abban gelidi, meetetti bayiis.

Zaarettido Wogaa 14:8

Gudunttaikka qinccafilee phalqqetta gidikkonne waammotenna gishshau, i intteyyo tuna. A ashuwaa mooppite; a bautaakka bochchoppite.